İsmayıl İsmayılov (nasir)

Vikipediya, açıq ensiklopediya
Jump to navigation Jump to search
İsmayıl İsmayılov
İsmayıl Ələsgər oğlu İsmayılov
Doğum tarixi 28 may 1924(1924-05-28)
Doğum yeri İrəvan, Flag of the Armenian Soviet Socialist Republic.svg Ermənistan SSR
Vəfatı 23 oktyabr 2003 (79 yaşında)
Vəfat yeri Bakı, Flag of Azerbaijan.svg Azərbaycan
Dəfn yeri Mehdiabad qəbiristanlığı
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Fəaliyyəti Nasir, jurnalist
Mükafatları I dərəcəli "Vətən Müharibəsi" ordeni "Şöhrət" ordeni (Azərbaycan)

İsmayıl Ələsgər oğlu İsmayılov (28 may 1924, İrəvan, Ermənistan SSR, SSRİ23 oktyabr 2003, Bakı, Azərbaycan) — nasir, 1970-ci ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (1969), Əməkdar jurnalist (1985).

Həyatı[redaktə | əsas redaktə]

İsmayıl İsmayılov 1924-cü il mayın 28-də İrəvanda bağban ailəsində doğulmuşdur. 1941-ci ildə burada orta məktəbi bitirmişdir. İkinci Dünya müharibəsi başlayan il səfərbərliyə alınmışdır: onun döyüş yolu Novorossiysk şəhəri uğrunda qanlı vuruşmalardan başlamış, Polşa, ÇexoslovakiyaAlmaniya ölkələrinin alınması ilə sona çatmışdır (1942–1946). 1947-ci ildə ordudan təxris olunmuş, 1948–1953-cü illərdə "Sovet Ermənistanı" qəzeti redaksiyasıbda ədəbi işçi, stilist vəzifələrində işləmişdir. 1953-cü ildən Ermənistan Televiziya və Radio Verilişləri Komitəsində Azərbaycan dilində radio verilişləri redaksiyasına redaktor təyin olunmuşdur. Azərbaycanlıların Ermənistan ərazisindən deportasiyası zamanı Ermənistanı tərk etmişdir. Ədəbi fəaliyyətə 50-ci illərdən başlamışdır. Onun oçerk və hekayələri "Sovet Ermənistanı" qəzetində, "Ədəbi Ermənistan" almanaxında çap olunmuşdur. Onun heyakə və povestləri "Drujinaçı" (1965), "Müasirlərimiz" (1970), "Doğrulmayan etimad" (1978) kitablarında kütləvi tiraja buraxılmışdır. Poetik yaradıcılığında bayatı və rübailərə üstünlük vermişdir. "Şöhrət", I dərəcəli "Vətən müharibəsi" ordenləri və medallarla təltif olunmuşdur.[1]

2003-cü il oktabrın 23-də Bakıda dünyasını dəyişmiş, Mehdiabad qəbiristanlığında dəfn edilmişdir.[1]

İstinadlar[redaktə | əsas redaktə]

  1. 1,0 1,1 Teymur Əhmədov. Azərbaycan Yazıçıları XX–XXI yüzillikdə. Bakı, 2011. s. 493