İspik (Quba)

İspik
41°18′32″ şm. e. 48°25′05″ ş. u.
Ölkə	Azərbaycan Azərbaycan
Rayon	Quba rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	1278 (2009) nəfər
İspik

İspik — Azərbaycan Respublikasının Quba rayonunun eyniadlı inzibati ərazi vahidində kənd. Eyniadlı bələdiyyənin tərkibindəki yeganə kənddir.

Tarixi

Kəndin adı eyniadlı dağdan alınmışdır. İspik kəndinin adı ilə adlandırılan İspik dağı Qudyalçay ilə Ağçayın suayrıcında yerləşir. Hündürlüyü 1101 metrdir. Tədqiqatçıların ehtimalına görə, oronim türk dillərindəki əspək və ya aspak (aşırımlı dağ, keçidli dağ) sözünün fonetik variantıdır. İspik kəndinin tarixinin çox qədim olduğu güman olunur.

Toponimikası

• İspik oyk., sadə. Quba r-nunun Tüləkəran i.ə.v.-də kənd. Dağətəyi ərazidədir. Kəndin adı eyniadlı dağdan alınmışdır.

Mədəniyyəti

• İspik kəndində 11 illik məktəb, poçt, kitabxana, mədəniyyət evi və məscid fəaliyyət göstərir.

Coğrafiyası və iqlimi

• Dağətəyi ərazidədir. Ərazisi sıx meşəliklərlə əhatə olunmuşdur. Kənd Qəçrəş və Möhüc kəndləri ilə həmsərhəddir.

Əhalisi

İspik kəndinin əhalisinin sayı təqribən 1300 nəfərdən çoxdur. Əhalisini azərbaycanlılar təşkil edir. 2009-cu ilin siyahıyaalınmasına əsasən kəndə 1278 nəfər əhali yaşayır.

İqtisadiyyatı

Quba-İspik-Xınalıq avtomobil yolunun başlanğıcında vurulmuş lövhə (2006-cı il).

• Əhalinin məşğuliyyətini əsasən meyvəçilik, maldarlıq, əkinçilik təşkil edir.

Həmçinin bax

• Quba rayonu

Xarici keçidlər

• Azərbaycan Respublikası Quba Rayon İcra Hakimiyyəti