İsrafil Aşurlu

Vikipediya, açıq ensiklopediya
Jump to navigation Jump to search
İsrafil Aşurlu
İsrafil Əli oğlu Aşurlu
Şəkil yoxdur.jpg
Doğum tarixi: 16 yanvar 1969 (1969-01-16) (49 yaş)
Doğum yeri: Bakı, Flag of the Azerbaijan Soviet Socialist Republic.svg Azərbaycan SSR
Həyat yoldaşı: Maria Aşurlu
Uşaqları: Aslan Aşurlu (d. 2008)
Əli Aşurlu (d. 2013)
Vətəndaşlıq: Flag of Azerbaijan.svg Azərbaycan
Peşəsi: Alpinist
Milliyyəti:Azərbaycanlı
Fəaliyyəti:Alpinist
Təltifləri:AZ Tərəqqi medalı rib.png (2009)
"Edelveys" ordenin kavaleri "Buz və alov" - 2-ci dərəcə

İsrafil Əli oğlu Aşurlu (16 yanvar, 1969; Bakı) — alpinist, Azərbaycan Alpinizm Federasiyasının prezidenti, dünyanın ən hündür zirvəsi hesab olunan Everesti və Şimal qütbünü fəth etmiş ilk azərbaycanlı.[1]

"Insol Telecom" telekommunikasiya şirkətinin təsisçisidir.

2007-ci ildə Everest (8848 m), 2011-ci ildə isə Kançencanqa (8586 m) zirvələrlərinə çıxmış ilk azərbaycanlıdır.

Bioqrafiya[redaktə | əsas redaktə]

İsrafil Aşurlu 1969-cu ilin 16 yanvarında Bakı şəhərində anadan olmuşdur. Orta təhlinin Bakı şəhərində yerləşən 6 saylı məktəbdə almışdır. Orta məktəbi bitirdikdən sonra Azərbaycan Dövlət Neft Akademiyasının Energetika fakütləsinə daxil olmuşdur.

İsrafil Aşurlu 1991-ci ildə "İnsol" şirkətinin əsasını qoymuşdur. Şirkət 1998-ci ildən Rusiyada simli və simsiz rabitə üçün telekommunikasiya avadanlıqlarının quraşdırılması və işə salınması ilə məşğuldur.

Öz şirkətini yaratdıqdan sonrakı dövrdə İsrafil Aşurlunun alpinizmə qarşı marağı artmışdır. Onun dediyinə görə, bu həvəs təsadüfən meydana gəlmişdir. 2000-ci ildə o, Himalay dağlarının Kançencanqa bölgəsinə turistik trekinqə yollanmışdır.

Yeddi zirvə[redaktə | əsas redaktə]

Elbrus zirvəsi (5642 m) — Avropanın ən hündür zirvəsi.

Sonrakı yeddi ildə İsrafil Aşurlu təcrübəli alpinistə çevrilmişdir. O, dünyanın bütün qitələrinin ən hündür zirvələrini fəth edən doqquzuncu alpinist olmuşdur.[2]

Vinson massivinin fəthi[redaktə | əsas redaktə]

2005-ci ildə İsrafil Aşurlu Antarktidanın ən hündür zirvəsini - Vinson massivini(4892 m) fəth etmiş və qitənin ən hündür nöqtəsində Azərbaycan bayrağını ucaltmış ilk azərbaycanlı olmuşdur.

Mak-Kanlinin fəthi[redaktə | əsas redaktə]

2005-ci ilin iyununda "AlpIndustria" kompaniyası Şimali Amerikanın ən hündür zirvəsi — Mak-Kinli dağına ekspedisiya təşkil edir. «Vest Battres» marşrutu ilə yola düşən 7 nəfərlik qrupa, İsrafil "Ərəfat" ləqəbi ilə qoşulmuşdur. Qrupun tərkibində həmçinin digər həmyerlimiz Faiq Mursaqulov da var idi. Onlar dağın zirvəsinə doğru irəlilədikcə bir sıra çətinliklər çəkmişdir. Sərt iqlim şəraitinə uyğunlaşdıqdan sonra özündə yetəri qədər güc hiss edərək, 5 iyul tarixində İsrafil iki alpinist ilə birlikdə, əlverişli hava olduğundan zirvəyə çıxmağa cəhd etməyə qərara gəldilər. Digər alpinistlər isə zirvəni sadəcə səhəri gün fəth etməyi bacarmışdılar. Bununla da, İsrafil Aşurlu Şimali Amerikanın ən hündür zirvəsinə çıxmış ilk azərbaycanlı olub.

Everestin fəthi[redaktə | əsas redaktə]

2007-ci ilin mart ayının sonlarında "AlpIndustria" kompaniyasının «Yeddi zirvə klubu» proyekti çərçivəsində beynəlxalq eskpedisiya təşkil olunmuşdur. Ekspedisiyaya dünya şöhrətli alpinist Aleksandr Abramov rəhbərlik edirdi. Qrupda isə 17 alpinist, 4 bələdçi və 1 həkim yer almışdı. Alpinistlərdən biri də İsrafil Aşurlu idi.

19 mayda Bakı vaxtı ilə saat 02:30 radələrində (UTC+04:00), 7 nəfərdən ibarət qrup Everestin zirvəsinə çatdılar. İsrafil Aşurlu dünyanın ən hündür nöqtəsinə Azərbaycan bayrağını sancdı və bu zirvəyə qalxa bilmiş ilk azərbaycanlı kimi tarixə düşdü.[3]

Qar bəbiri[redaktə | əsas redaktə]

  • 2004 — Lenin piki (7134 m) Pamirdə,
  • 2005 — Korjenevskaya piki (7105 m) Pamirdə,
  • 2006 — Kommunizm piki (7495 m) Pamirdə.
  • 2009-cu ildə İsrafil Aşurlu Tyan-Şan dağlarında iki istiqamətdə Xan-Tenqri (7010 m) və Qələbə (7439 m) pikinə çıxmışdır.

Və beləliklə İsrafil Aşurlu keçmiş SSRİ-nin beş ən hündür zirvəsinin hamısını fəth edib və "Qar bəbiri" fəxri adını qazanan ilk azərbaycanlı kimi tarixə düşür[4].

Şimal qütbünün fəthi[redaktə | əsas redaktə]

7 zirvə klubunun fəxri üzvü İsrafil Aşurlu bütün yeddi zirvəni fəth etmiş ilk azərbaycanlı olmuşdur. 2009-cu ilin 10 aprelində o, 111 km-dən çox qar ayaqqabısı ilə piyada gedərək Şimal qütbünə çatdı. Bu ekpedisiya zamanı İsrafilin başına bir çox çətinliklər gəlmişdir: yola düşmə ərəfəsində xizəyi sınmış, qar ayaqqabısı ilə getməyə məcbur olmuş və buz qırılması nəticəsində zədə almışdır. Bu çətinliklərə baxmayaraq, İsrafil Şimal qütbünə çataraq Azərbaycan bayrağını oraya sancmışdır.[5]

Himalaya dırmanma[redaktə | əsas redaktə]

Nailiyyətlər[redaktə | əsas redaktə]

2011-ci ildə UİAA-nın(Beynəlxalq alpinizm və dırmanma federasiyası) buzadırmanma üzrə beynəlxalq komissiyanın baş katib vəzifəsinə təyinat almışdır. Buzadırmanma idman növünün inkişafı və bu idman növünün Qış Olimpiya Oyunlarının proqramına daxil olunması istiqamətində bir çox işlər görür. 2012-ci ildə İCİCC-də öz vəzifəsini saxlayaraq UİAA-nın gənclər komissiyasının prezidenti vəzifəsinə layıq görülür. Gənclər arasında alpinizm, qayayadırmanma və buzadırmanma, dünyanın 5 qitəsində 90-dan çox ölkədə aktiv həyat tərzinin inkişafına və populyaşdırmasına cavabdehdir. Beynəlxalq dərəcəli hakimdir. Buzadırmanma üzrə Dünya çempionatlarda və Dünya kuboklarda jüri heyətinin prezidentidir.

Mükafatları[redaktə | əsas redaktə]

İstinadlar[redaktə | əsas redaktə]