İsrafil Abbaslı

Vikipediya, azad ensiklopediya
Naviqasiyaya keçin Axtarışa keçin
İsrafil Abbaslı
Abbaslı İsrafil İsmayıl oğlu
Doğum tarixi
Doğum yeri İrəvan, Ermənistan SSR, SSRİ
Vəfat tarixi (75 yaşında)
Vəfat yeri Bakı, Azərbaycan
Dəfn yeri
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi filologiya
Elmi dərəcəsi filologiya elmləri doktoru
Elmi adı professor
İş yerləri
Təhsili

Abbaslı İsrafil İsmayıl oğlu (1 fevral 1938, İrəvan24 mart 2013, Bakı) — AMEA Folklor İnstitutunun Azərbaycan folkloru şöbəsinin müdiri (2003-2013), filologiya elmləri doktoru (1986), professor (1998).[1]

Həyatının erkən dövrü[redaktə | mənbəni redaktə et]

Abbaslı İsrafil İsmayıl oğlu 1938-ci il fevralın 1-də İrəvan şəhərində anadan olmuşdur.[1]

Təhsili[redaktə | mənbəni redaktə et]

1944-54-cü illərdə İrəvan Azərbaycan orta məktəbində təhsil almış, orta təhsili tamamladıqdan sonra 1955-1960–cı illərdə İrəvan Dövlət Pedaqoji İnstitutunun tarix-filologiya fakültəsində ali təhsil almışdır. 1960-cı ildə Bakı şəhərinə gəlmiş və 1961-ci ilin avqustundan əmək fəaliyyətinə Azərbaycan Elmlər Akademiyası Ədəbiyyat və Dil İnstitutunda başlamışdır.[2]

Fəaliyyəti[redaktə | mənbəni redaktə et]

1987-cı ildən Nizami adına Ədəbiyyat İnstitutunun Folklor şöbəsinin müdiri, 1997-ci ildən Ədəbiyyat İnstitutu Folklor EMM-nin Azərbaycan folkloru şöbəsinin müdiri, 2003-cü ildən Azərbaycan Milli Elmlər Akademiyası Folklor İnstitutunun Azərbaycan folkloru şöbəsinin müdiri idi. 1966-cı ildə namizədlik, 1986-cı ildə doktorluq dissertasiyaları müdafiə etmiş, 1998-ci ildə Folklorşünaslıq ixtisası üzrə professor elmi adını almışdır. Abbaslı uzun illər SSRİ EA Dil və Ədəbiyyat bölməsindəki Folklor Surasının üzvü kimi fəaliyyət göstərmiş, əksər Ümumittifaq və Beynəlxalq müşavirələrdə iştirak etmişdir. O, altı cildlik "Azərbaycan ədəbiyyatı tarixi"nin I cildi və ASE-nin III, VI, VII, VIII, IX, X cildlərinin əsas müəlliflərindəndir. Beynəlxalq indekslə çap olunan "Azərbaycan şifahi xalq ədəbiyyatına dair tədqiqlər" məcmuəsində çap edilmiş bir sıra problem araşdırmaların müəllifidir. Beş cildlik "Azərbaycan dastanları"nın, iyirmi cildlik "Azərbaycan klassik ədəbiyyatı kitabxanası"nın I kitabı, əlli cildlik "Dünya uşaq ədəbiyyatı" seriyasının III kitabı, "Azərbaycan ədəbiyyatı inciləri" seriyasının "Dastanlar" cildinin, "Azərbaycan folklorunun ilkin nəşrləri" seriyasının və s. nəşrə hazırlanmasında yaxından iştirak etmiş, əksəriyyətinin redaktoru, tərtibçisi, ön sözün, lüğət və şərhlərin müəllifi olmuşdur. Çoxcildli "Azərbaycan folkloru antologiyası"nın I (Naxçıvan folkloru ), II (Borçalı folkloru) və "Qarabağ folkloru"nun tərtibçisi, ikicildlik "Dədə Qorqud Ensiklopediyası"nın redaktorlarından biri, "Koroğlu" eposunun (rus və Azərbaycan dillərində) tərtibçilərindəndir. Azərbaycan folklorunun toplanması, nəşri və araşdırılması problemlərinə həsr olunan Şəki, Quba, Bakı və Lənkəran regional folklor müşavirələrinin hazırlanıb keçirilməsində də yaxından iştirak etmiş, həmçinin onun redaktəsi ilə müşavirələrin ilk kitabı elmi ictimaiyyətə çatdırılmışdır.[3][1][4][5]

Seçilmiş elmi əsərləri[redaktə | mənbəni redaktə et]

Nəşr edilmiş bəzi əsərləri bunlardır:[6]

  • Аббаслы, Исрафил; Б, Абдулла; Noonan, David. Короглу [Koroglu]. Baku: Səda. 2000. 198–203.
  • Исрафил, Аббаслы. Ареал распространения и влияния Азербайджанских дастанов [Area of distribution and influence of Azerbaijani dastans]. Baku: Səda. 2001.
  • Abbasli, Israfil. Azərbaycan dastanlarının yayılması və təsiri məsələləri [Issues of spread and impact of Azerbaijani epics]. Baku: Nurlan. 2002.
  • Abbasli, Israfil. Folklorşünaslıq axtarışları [Folklore searches]. Baku: Nurlan. 2002.
  • Аббаслы, Исрафил. Из истории перевода, обработки и издания азербайджанских дастанов на армянском языке [From the history of translation, processing and publication of Azerbaijani dastans in Armenian]. Baku.

Kitabları[redaktə | mənbəni redaktə et]

  • Abbaslı İ. Folklorşünaslıq axtarışları. II cilddə, 2-ci c., Bakı: Nurlan, 2009, 512 s.

İstinadlar[redaktə | mənbəni redaktə et]

  1. 1,0 1,1 1,2 Tan, 2017. səh. 449-456
  2. Tan, 2017. səh. 449-450
  3. "Folklorşünas alim 75 yaşında dünyasını dəyişib". sitat.news. 2013. 28 October 2023 tarixində arxivləşdirilib. İstifadə tarixi: 29 October 2023.
  4. Əli Rza Xələfli. "Sözümün hökmü var". genderi.org. 28 October 2023 tarixində arxivləşdirilib. İstifadə tarixi: 29 October 2023.
  5. "AZƏRBAYCAN FOLKLORU ŞÖBƏSİ". www.folklorinstitutu.com. 25 May 2011. 5 Mart 2016 tarixində arxivləşdirilib. İstifadə tarixi: 21 noyabr 2023.
  6. Tan, 2017. səh. 453-456

Mənbə[redaktə | mənbəni redaktə et]

  • Nail Tan. AZERBAYCAN’IN BÜYÜK HALK BİLİMCİ/FOLKLORŞİNASLARINDAN PROF. DR. İSRAFİL ABBASLI. Ankara: TÜRK DÜNYASI, Dil ve Edebiyat Dergisi. 2017.

Xarici keçidlər[redaktə | mənbəni redaktə et]