İsrafil bəy İsrafilbəyov

Vikipediya, azad ensiklopediya
Jump to navigation Jump to search
İsrafil bəy İsrafilbəyov
İsrafil bəy Hüseyn oğlu İsrafilbəyov
Şəxsi məlumatlar
Doğum tarixi 25 yanvar 1893(1893-01-25)
Doğum yeri Gəncə
Vəfat tarixi 1945(1945-07-00)
Sülalə İsrafilbəyovlar (II)
Uşaqları Həmid bəy İsrafilbəyov, Məcid bəy İsrafilbəyov

İsrafil bəy İsrafilbəyov - (d. 25 yanvar 1893, Gəncə- ö. iyul 1945) Azərbaycan Xalq Cümhuriyyəti ordusunun zabiti, İkinci Dünya Müharibəsinin iştirakçısı

Həyatı[redaktə | əsas redaktə]

İsrafil bəy İsrafilbəyov 1893-cü ilin yanvar ayının 25-də Gəncədə doğulmuşdur. Məhşur İsrafilbəyovlar nəslinin nümayəndəsidir.

Təhsili[redaktə | əsas redaktə]

Gəncə kişi gimnaziyasında təhsil almışdır.

Kareyerası[redaktə | əsas redaktə]

1918-ci ildən Cümhuriyyət ordusu sıralarında xidmət etmişdir. Azərbaycan Hökumətinin 11 yanvar 1919 il tarixli qərarı ilə ona polkovnik-leytenant hərbi rütbəsi verilmişdir. Hərbi nazirin 14 yanvar 1919-cu il tarixli əmri ilə 1-ci Cavanşir piyada alayının komandiri, 19 fevral 1919-cu il tarixli əmri ilə isə hərbi nazirin yanında tapşırıq zabiti vəzifəsinə təyin edilmişdi.[1]  1919-cu il iyunun 25-də imzalanmış başqa bir əmrlə İsrafıl İsrafilbəyov yenicə formalaşdırılmağa başlayan 5-ci Bakı piyada alayına komandir təyin olunmuşdu. Lənkəran əməliyyatında və Qarabağda erməni qiyamının yatırılmasında alayı ilə birlikdə fəal iştirak etmişdi. Qarabağda erməni üsyanını yatırarkən yazmışdı:

" 1920-ci il martın iyirmi ikisində, Novruz bayramı gecəsi Qarabağ vilayətinin dağ yerlərində məskun ermənilər qiyam edərək “Əsgəran keçidi”ni tutdular. Bu səbəbdən də Əsgəran cəbhəsinə mirliva Həbib bəy Səlimovun komandanlığı ilə qüvvətli bir ordu yeridildi. Aprelin üçündə Azərbaycan ordusu ermənilərə qarşı qüvvətli bir hücum etdi. Əcəba, hansı azərbaycanlı o məsud günü xatırlamır?! Ordunun qalibiyyət və intizamı, mənəviyyatı təsvirolunmaz dərəcədə fövqəladə idi. Xarici aləm az bir müddət ərzində vəsaitsizlik içində bu qədər müntəzəm təşkilata malik bir əsgəri qüvvə vücuda gətirdiyimizə heyran qal¬mışdı. Əhalidən bir çoxu duyduğu həyəcandan ağlayırdı.

O gün Azərbaycanın ən şanlı, ən bəxtiyar günü idi.[2]

"

1920-ci ildə - Cumhuriyyətin süqutundan sonra Azərbaycandan mühacirət edən İsrafil bəy bir müddət İranMisirdə, Hindistan ,TürkiyəPolşada yaşayıb.[3] 1923-cü ildə müqavilə əsasında Polşa Silahlı Qüvvələrində xidmətə başlayıb.[4] İkinci Dünya Müharibəsinin iştirakçısı olub. Azərbaycan Legionu tərkibində Sovet İttifaqına qarşı vuruşub. Sovet hərbi tribunalının hökmü ilə 1945-ci ildə güllələnib.[5]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Azərbaycan Xalq Cumhuriyyəti Ensiklopediyası II cild. Bakı: "Lider" nəşriyyat. 2005.
  2. "İyirminci ildə Qarabağ döyüşləri". www.anl.az.
  3. AMEA-da "Polşadakı Azərbaycan siyasi mühacirlərinin irsindən (XX əsrin 30-cu illəri)" kitabının təqdimatı olmuşdur
  4. "AMEA–da "Polşadakı Azərbaycan siyasi mühacirlərinin irsindən (XX əsrin 30-cu illəri)" kitabının təqdimatı olmuşdur". azertag.az.
  5. Nəzirli, Şəmistan (2009). 1920-ci ildə Qarabağ döyüşləri. Bakı.