İstehlak malı

İstehlak malları əsasən gündəlik həyatda müntəzəm olaraq istifadə olunan və qısa ömürlü məhsullardır.

İstehlak malı — iqtisadiyyatda istehsal olunmuş və daha sonra istehlakçı tərəfindən ehtiyaclarını qarşılamaq üçün istifadə edilən hər hansı bir əmtəə. İstehlak malları xidmətlərdən (məs: tibbi xidmətlər) fərqli olaraq, tez xarab olan (və ya qısamüddətli) istehlak malları (məs: qida), yarım-davamlı istehlak malları (məs: geyim) və uzunmüddətli istifadə mallarına (məs: avtomobil) ayrılır.

Bir ölkənin iqtisadiyyatının onurğa sütunu hesab olunan istehlak malları həmin ölkənin inkişaf səviyyəsində mühüm rol oynayır. Bol miqdarda istehsal həyata keçirib bunu xalqın rifahında əks etdirən dövlətlər inkişaf baxımından əhəmiyyətli məsafə qət etmiş hesab olunurlar.

Təsnifat

İstehlak malları istifadə müddətinə görə aşağıdakı qruplara bölünür:

• Uzunmüddətli istifadə malları (ing. Durable goods): Üç ildən artıq istifadə müddəti olan və bir dəfəyə istehlak edilməyən mallar (soyuducular, elektronika, mebel).
• Qısamüddətli istehlak malları (ing. Non-durable goods): Dərhal və ya qısa müddətdə istehlak edilən mallar (ərzaq, içkilər, təmizlik vasitələri).
• Xidmətlər: Fiziki forması olmayan, lakin istehlakçının ehtiyacını qarşılayan fəaliyyətlər (təhsil, nəqliyyat, bərbər xidmətləri).