İstifadəçi:Baskervill/Qaralama2

Vikipediya, azad ensiklopediya
Jump to navigation Jump to search
William-Adolphe Bouguereau (1825-1905) - The Difficult Lesson (1884).jpg
" Mənsub olduğu toplum üçün heç nə etməyən insanlar doğularkən ölmüş insanlardı. Fiziki baxımdan yaşasalar da mənəvi baxımdan ruhları həmin doğum evində ölüb. Vikipediya sizin dostlarınızla mübahisə etdiyiniz zaman, ev tapşırığı hazırlayan zaman və yaxud buna bənzər anlarda müraciət edə biləcəyiniz bir məkan olmamalıdır. Bura hər bir azərbaycanlının virtual evidir. Bu evi zənginləşdirmək və gələcək nəsillərin başqa dillərdə olan vikilərə möhtac qalmaması naminə durmadan yeni-yeni məqalələr yaratmaq mənim olduğum qədər bu yazını oxuyanların da borcudur. Əziz yoldaş! Niyə burada filan məqalə yoxdur, peşman yazı yoxdur demə. Yoxdursa, deməli, bunu yaratmaq sənin borcundur. Yox əgər əlindən və bir yerindən danışmaqdan başqa bir şey gəlmirsə, o zaman bizi sadəcə kənardan oturub izlə. Bu həyatda oyunçu yox, izləyici olmağı sən seçmisən çünki. "
Edqar Allan Po tərəfindən 1840-cı ildə yazılmış Qələbəlik adamı hekayəsinin üz qabığı. Hekayə adı məlum olmayan şəxsin dilindən danışılır və əsas məzmunu həmin şəxsin London küçələrində bir nəfəri təqib etməsindən ibarətdir.

1993-cü ildə Bakı şəhərində anadan olmuşam və demək olar ki, həyatımın bütün hissəsi bu şəhərdə keçib. Gündəlik şəkildə yeni məlumatlar almaq, maraqlı informasiyalar toplamaq kimi hamıda olan günlük həvəslərə sahib Allahın unutduğu adi bir şagird və daha sonra isə tələbə oldum. Monoton çayxana, mason, oğru aləmi kimi söhbətlərin arasında qaldığım bir zamanda "Vikipediya" ilə tanış oldum. Bu, təxminən 5 il bundan əvvələ təsadüf edir. Məndə bu marağın yaranması ali məktəbə hazırlaşdığım bir dönəmə təsadüf edirdi. Ona görə də ilkin məqalələrimi evdə yox, internet-klublarda yazmalı olurdum. Təsəvvür edin, insanlar internet-klublarda bir-birindən fərqli videooyunlar oynayır, mən isə tarix sahəsində məqalələr yazmağa çalışırdım. Bir-iki dəfə qonşu stullarda oturan uşaqlardan bir-ikisi: "Qaqaş, sən nə işlə məşğulsan elə?" - sualını verəndə nə cavab verəcəyimi bilmirdim. Mənsub olduğum toplum və cəmiyyət barədə çox xoş söz söyləmək olmazdı. 5 il əvvəlki durumla indiki arasında da ciddi bir fərq yoxdur.

İnsanlar kitab oxumağa, yeni-yeni biliklər əldə etməyə, bir sözlə, savadlı, ziyalı, intellektual olmağa qətiyyən cəhd göstərmirlər. Söhbət gənclikdən gedirsə, 80% gənclik özünü bədbəxtlik girdabında məhv etməkdədir. Bir tərəfdə bəzəkli-düzəkli, özünü lider, ağıllı, atom parçalayan olaraq zənn edən və özünə tez-tez "Mən lider gəncəm" deyən insanlar dayanır, digər bir tərəfdə isə CHE-ni özünə ideal seçməklə, inqilabı azad seksdə və pivədə görən insanlar. Yəni hər iki tərəfə də demək olmur ki, yoldaş, əxi, qardaş, bacıoğlu, bəlkə, gəlib öz ana dilində olan "Vikipediya"ya bir töhfə verəsən və sənin yazdığın məqalələri də gələcək nəsillər oxuyub ölənlərinə bir rəhmət oxusun. Yox, ortada pul və şöhrət olmayandan sonra hansı axmaq gəlib burada məqalə yazar ki? Hələ "Vikipediya"da işləyənlərə dəli gözü ilə baxanları demirəm. Yəni adamların vahid bir düşüncə tərzi formalaşıb ki, oradan sənə gəlir gəlmirsə, nə vacib olub oturub saatlarla məqalələr yazırsan. Bir az yekə-yekə danışmaq kimi çıxacaq, bəlkə, amma Cəlil Məmmədquluzadə, Mirzə Ələkbər SabirMirzə Fətəli Axundov kimi dahilərin belə təffəkürə sahib insanlar arasında nə əcəb intihar etmədiklərinə hər zaman təəccüb edirəm. Mən olsaydım, çoxdan özümü hündür bir qayadan atmışdım.

Xarici atalar sözlərinin birində deyildiyi kimi: "Korlar ölkəsində, tək gözlü adam kral olur". Əslində, çox fəlsəfi bir söhbətdir, di gəl ki bizim toplumun kral anlayışı "Sabahın xeyir, kral" söhbətindən o yana keçmir. Universitetdə, məhəllədə və digər yerlərdə insanlar, dostlar, yoldaşlar, tərəfdaşlar, düşmənlər və hətta şam tutanlar belə məni pessimist olaraq şərh ediblər. Yəni hər şeyə mız qoşan, hər şeyə qulp qoyan bir adam. Halbuki niyyətim heç bir zaman özümü göstərmək və ya kiminsə qanını qaratlmaq olmayıb. Sadəcə mənsub olduğum toplumun daha ziyalı, daha intellektual və daha savadlı olmasını arzu etmişəm. Bir nəfər olsun belə azərbaycanlının Nobel mükafatı almamasının səbəbi masonlarda deyil. Bunun yeganə səbəbi azərbaycanlıların tənbəl və öz üzərində çalışmağa meyilli olmamalarındadır. Hələ utanmaz-utanmaz yəhudi əsilli Lev Landaunu azərbaycanlı, türk edənlər də var. Nəsə, əşi, deyəsən, çox boşboğazlıq elədim. Bu yazını bura qədər oxumağa səbr edən dost və yoldaş, sənə bir virtual məsləhətim var:

- "Azviki" mənim və ya sənin mülkiyyətində olan bir məkan deyil, bura tam azad və müstəqil bir məkandır. Amerikalı ağsaqqallar hər bir toplumun öz ana dilində pulsuz və tam azad elektron ensiklopediya yaratmalarına imkan yaradıb. Bununla, bir növ, "Görək hər millətin qabında nə var?" sualına cavab tapmağa çalışıblar və bunu bütün dünyaya göstərməkdədirlər. Toplumun intellektual və elmi səviyyəsini müəyyənləşdirməyin, məncə, ən rahat və asan yolu həmin toplumun "viki"sinə baxmaqdır. Bir az ətraflı araşdırma etməklə bilmək olar ki, hər hansısa bir xalq hansı vəziyyətdədir. Ona görə sən də əlindən gələn qədər qaydalarla tanış olmalı və qaydalara uyğun, əvvəlcə yaradılmayan məqalələri yaratmalısan. Bunu özün üçün bir müqəddəs vəzifə fərz et. Necə ki XI əsrdə Avropanın göbəyindən durub Fələstinə gedən fransızlar orada xristianlıq yolunda ölməyi özlərinə bir müqəddəs vəzifə fərz etmişdilər. Səndən heç kim durub Fələstinə getməyi istəmir, sadəcə həftədə 1-2 saat vaxt tapıb maraqlı bir məqalə yaratsan, gedib orada ölən fransızlar qədər öz toplumun naminə iş görmüş olarsan.

Həyat pərəstişkarı olduğun aktyorun 11 sentyabr terror aktları zamanı həlak olması qədər qəribə və gözlənilməzdir.

Bu məsələləri bir kənara qoyub sizə bir az da özüm barədə danışım. Boş zamanlarımda kitab oxumağı çox sevirəm. Çarlz Bukovski, Edqar Allan Po, Fyodor Dostoyevski, Erix Mariya Remark, Stiven Kinq, Cəlil MəmmədquluzadəArtur Konan Doyl kimi yazarlar ən çox oxuduğum yazarlardır. Yerdə qalan yazarların isə hər əsərini oxuya bilmirəm. Poçt markası toplamaq anlamına gələn Filateliya işlə də məşğulam. Üzməyi, qaçmağı, tullanmağı bacarıram və ən əsası da odur ki, hündür bir yerdən suya tullanmaqdan böyük zövq alıram. Hər zaman Kristofer Makkendles kimi bir həyat yaşamaq arzusunda olmuşam, ancaq indiki zamanda bunu gercəkləşdirməyin o qədər də real olmadığını bilirəm. İstənilən halda bu şəxs mənə həyatı daha fərqli cəhətlərdən dərk etməyə böyük köməklik edib. Allahın varlığını qəbul etsəm də, özümü tam olaraq hər hansısa bir dinin ardıcılı olaraq görmürəm. Ən gözəl din bütün dinlərə məsafəli olaraq yanaşmaqdır. Yenə də bir seçim etmək arasında qalsaydım, məmuniyyətlə Bəhailik və ya Nəqşibəndilik kimi cərəyanlardan birinə qoşulardım.

Əgər yeni fəaliyyətə başlayan birisinizsə, bəzi bölmələrə (Yeni istifadəçilərə köməkTez-tez soruşulan suallar) baş çəkməyiniz mütləqdir. Nəsə qaranlıq məqam olsa, mənə və ya digər idarəçilərə müraciət edə bilərsiniz. Özünüz barədə məqalə yazmayın, yaxın qohumlarınız barədə də həmçinin. Əgər niyyətiniz Ermənistan səhifəsinə girib ora nəsə söyüş yazmaqdırsa, özünüzə boş-boşuna əziyyət verməyin. Siz tərəfdən ediləcək vandallıq hallarının aşkarlanması və aradan qaldırılması idarəçilər üçün bir neçə saniyəlik işdir. Əlimdən gələn qədər Azərbaycan dilində internet üzərində ən böyük məlumat bazası olan "Azviki"də məqalələr yazmağa və mövcud məqalələri genişləndirməyə davam edəcəm. Sən də bunu etsən, yaxşı olar.

Barəmdə[redaktə | əsas redaktə]

C2H5
OH-0
Bu istifadəçi spirtli içki içir.
Male.svg Kişi istifadəçi
VikiLayihə ABŞ.svgBu istifadəçi ABŞ VikiLayihəsi iştirakçısıdır.Unclesamwantyou.jpg
Noia 64 apps karm.svg İstifadəçinin Vikipediyada fəaliyyət göstərmə müddəti — 8 il, 7 ay və 12 gün.
B.e. Bu istifadəçi Bazar ertəsi günlərini sevmir.
26 Bu istifadəçinin bugünkü yaşı
26 il, 6 ay və 19 gündür.
50.000+
Bu istifadəçi Azərbaycandilli Vikipediyada 50.000-dən çox dəyişiklik etmişdir.
Sleep.svg Bu istifadəçi yatmağı çox sevir
Taurus.svg Bu istifadəçi
Buğa bürcü
ndəndir.
Chilli pepper 4.svg Bu istifadəçi acı sevəndir.
Webroot Spy Sweeper (green).png Bu istifadəçi Səyahət etməyi sevir

Faydalı linklər[redaktə | əsas redaktə]