İstifadəçi:Qalib Bəyməmmədoğlu

Vikipediya, azad ensiklopediya
Jump to navigation Jump to search
Qalib Bəyməmmədoğlu

Quliyev Qalib Bəyməmməd oğlu[1] — 1986-cı ildə Xocalı rayon Kosalar kəndində anadan olmuşdur.

2004-cü ildə Azərbaycan Müəllimlər İnstitutunun Gəncə filalının İbtidai təhsilin pedaqogikası və metodikası fakültəsinə daxil olmuşdur. 2009-cu ildə Azərbaycan Dövlət Pedaqoji Universitetində Riyaziyyat və informatika müəllimliyi üzrə ixtisasartırma kursundan keçmişdir. 2019-cu ildə Azərbaycan Texnologiya Universitetinin Kommersiya fakültəsinə qəbul olub.

2012-ci ildən Xocalı rayon Kosalar kənd tam orta məktəbində İnformatika müəllimi işləyir. "İlin gənc müəllimi-2019" müsabiqəsində ilk 50 namizəd arasına düşmüşdür. Onun məsuliyyətli və fəal olması "Ölkəmizi tanıyaq" maarifləndirici tur-aksiyasında dəfələrlə Xocalı rayon məktəbliləri üzərində qrup rəhbəri kimi iştirak etməsinə səbəb olmuşdur. Gənc pedaqoq şagirdləri ixtiralar etməyə həvəsləndirən ixtiralar.com saytının da adminidir.

Qalib Quliyevin şeirləri mütamadi olaraq qəzet və jurnallarda dərc olunur. 2018-ci ildə keçirilən Prezident seçkilərində Yeni Azərbaycan Partiyasının seçki kampaniyası dövründə gənc şairin "Verək səsimizi haqqın səsinə" adlı şeiri müxtəlif mətbu orqanlarda çap edilmiş, həmçinin xocalıların keçirdiyi təbliğat-təşviqat mitinqində səsləndirilmişdir.

2014-cü ildən Yeni Azərbaycan Partiyasının üzvüdür.

2013-cü ildən Xocalı rayon İcra Hakimiyyətinin qəzeti olan "Xocalının səsi" qəzetində bölgə muxbiri və texniki redaktor kimi işləyib. Qəzetin internet ünvanı olan xocalininsesi.info saytının və Xocalı rayon Kosalar kəndinə aid kosalar.com saytının baş redaktourdur. 2015-ci ilin noyabr ayından "Xocalının səsi" qəzetinin baş redaktoru vəzifəsində çalışır.

Qalib Quliyev jurnalistika sahəsində bir çox uğurlar qazanıb. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun təşkil etdiyi müsabiqələrdə 5 dəfə III yerin, 1 dəfə I yerin qailibi olub.

2013-cü ildən Azərbaycan Jurnalistlər Birliyinin üzvüdür.

2018-ci il dekabr ayının 20-də "Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin II Qurultayında Birliyin 23 nəfərdən ibarət İdarə Heyətinin üzvü seçilib. İcmada fəallıq göstərir.

2019-cu ildə Qarabağ həqiqətlərini, Xocalı soyqırımı nəticələrini, erməni vəhşətini ictimaiyyətə çatdırılmasında fəallığına və sosial şəbəkələrdə geniş təbliğinə görə Beynəlxalq Zaparojye Kazakları Birliyinin Ali Məclisinin Getmanının Ukrayna-Azərbaycan əlaqələri üzrə məsul nümayəndələrindən biri Üzeyir Vahabovun şərəfinə təsis edilmiş 65 il yubileyi medalı ilə təltif edilmişdir.

2020-cu ildə 2 Fevral Gənclər Günü münasibətilə "Qafqaz-Media" İctimai Birliyinin "Gənclər gələcəyimizdir" layihəsi çərçivəsində "İlin fəal gənci" və "Gənclərin dostu" medalı ilə təltif olunub.

"Qələmizimizi süngüyə çevirək" devizi altında mütəmadi olaraq şeir, rəsm və yazı müsabiqələrinin təşəbbüskarıdır.

"Yeniləşən Dövlətə Dəstək" İctimai Birliyinin Xocalı rayon bölməsinin sədridir.

2021-ci ilin yanvar ayında Xocalı rayon İcra Hakimiyyəti yanında İctimai Şuranın sədri seçilmişdir.

  1. xocalininsesi.info