İstifadəçi:Solavirum/Qaralama3

Vikipediya, açıq ensiklopediya
Jump to navigation Jump to search
Kombayn
Half-Life personajı
Şəkil:Kombaynhl2-loqo.png
Kombayn tərəfindən çox istifadə edilən "narıncı sıxac" loqosu
İlk görünməHalf Life 2 (2004)
YaradanQeyb Nyuell
SəsləndirənCon Louri
DizaynerQeyb Nyuell
Mark Leydlou
Viktor Antonov
Ted Bakman
Zabi İnq
Danika Urayt
Uydurma profil
Ləqəb(lər)iAlyans, Kainatlar İttifaqı
TəxəllüslərMüdafiəçilər, Bizim Xeyriyyəçilərimiz
NövüKainatlararası imperiya
Hökümət başçısıMəsləhətçilər (Yer planetində)
Baş komandanUolles Brin (Yer planetində)

Alyans (ing. The Alliance), ingilisdilli mənbələrdə daha çox Kombayn (ing. CombineBirləşmə; abr CMB), oyun-içində Kainatlar İttifaqı (ing. Union of Universes), Müdafiəçilər (ing. Protectors) və ya Bizim Xeyriyyəçilərimiz (ing. Our Benefactors) — "Valve Corporation" tərəfindən hazırlanan "Half Life" video oyun seriyasında əsas antoqanist qüvvə olaraq fəaliyyət göstərən uydurma kainatlararası imperiya. Alyans yad planetli, sintetik və insani elementlərdən təşkil olunub və Yer planeti də daxil olmaqla, çoxlu sivilizasiyalara hökm sürür. İmperiyanın hərbçilərinə "Half-Life 2" video oyununda tez-tez rast gəlinir. Əslində, oyunun əsas süjet xətti seriyanın baş qəhrəmanı Qordon Frimenin "Müqavimət"ə qoşulub bəşəriyyəti Alyans işğalından qurtarmaq üçün olan mübarizəsindən bəhs edir.

Oyun-içi kainatın süjetinə görə, Alyans Yer planetinə hücum edir və sadəcə 7 saatdan az bir müddətə qələbə çalır. Bu hadisədən sonra, Yer planetində totalitar bir hərbi diktatura rejimi qurulur. Rejimin hakimiyyəti zamanı Yer əhalisinin bütün hüquq və azadlıqları ləğv olunur və insanlar geri qalmış, aşağı dərəcəli məxluqlar hesab edilir. İmperiya etirazları zorakılıqla basdırır və insanları ya əsgərlərə, ya da kölələrə çevirir. Əlavə olaraq, Alyans bəşəriyyətə qarşı bir soyqırım törədir. Paralel olaraq, Alyans Yer planetinin təbii sərvətlərini də hasil edir.

Süni intellektdən istifadə edən transinsan Alyans personajlarının digər "Half Life 2" personajlarına müqayisədə daha pis hesab edilməsinə baxmayaraq, antiutopik Alyans dövlətinin yaratdığı ab-hava rəyçilər tərəfindən təriflənmişdir. Əlavə olaraq, "Half Life" seriyasındakı mühüm rollarına görə, Alyans "Machinima Productions" üçün adaptasiya olunmuş və Alyans personajlarından biri "Valve Corporation" tərəfindən plüş oyuncaqlara çevrilmişdir.

Mədəniyyətdə[redaktə | əsas redaktə]

Dizayn[redaktə | əsas redaktə]

Məsləhətçi kimi Alyans personajların xarici görünüşlərindəki bəzi elementlər Frenk Herbertin əsərlərindən ilhamlanıb. Hündür Yolçulara "Half Life 2"-də tez-tez rast gəlinir və onların çox xüsusiyyəti birbaşa olaraq Herbert Uellsin "Dünyaların müharibəsi" əsərindəki üçayaqlara əsaslanıb. Alyansın digər bir adı, ingilisdilli mənbələrdə çox istifadə edilən "Kombayn" (ing. Combine) sözü Ken Kizinin "Bir ququ yuvasının üzərindən uçdu" əsərinin şərəfinə adlandırılıb.