İstifadəçi müzakirəsi:HulaguKaan

Vikipediya, açıq ensiklopediya
Jump to navigation Jump to search
  Xoş gəldiniz, HulaguKaan!

Salam, HulaguKaan. Tamamilə könüllü istifadəçilərin səyləri ilə yaradılan Vikipediya ensiklopediyasının Azərbaycan dilindəki versiyasına xoş gəlmisiniz!

Fəaliyyətə başlamamışdan əvvəl aşağıdakı qaydalarla tanış olmağınızı tövsiyə edirik:

  • Mövcud məqalələri redaktə etməyə və ya yeni məqalə yaratmağa tərəddüd etməyin, cəsur olun. Bir neçə cümləlik məqalələr yaratmaqdan çəkinməyin.
  • Məqalələrin informativ, ensiklopedik, tərəfsizqərəzsiz olmasına diqqət yetirin.
  • Məqalələri redaktə etməmişdən öncə redaktə qaydaları ilə tanış olun.
  • Suallarınıza kömək səhifələrində cavab axtara bilərsiniz. Orada cavab tapmasanız, müvafiq müzakirə səhifələrində soruşun.
  • Başqa istifadəçilərdən kömək istəməkdən çəkinməyin, onların müzakirə səhifələrini redaktə edərək suallarınızı əlavə edin.
  • Yeni yaratdığınız məqalələrin Azərbaycan dilində olmasına diqqət edin. Tərcümə proqramları vasitəsilə edilmiş tərcümələri Azərbaycan dilinə uyğunlaşdırdıqdan sonra məqalələrə yerləşdirin.
imzanı belə atmaq olar
  • Məqalələrdə və bunlara köməkçi səhifələrdə (kateqoriyalar, şablonlar və s.) imzanızı və adınızı yazmayın. Əksinə, müzakirə, səsvermə, sual-cavab və s. formada olan yazılarınızın sonuna ~~~~ (4 tilda) işarəsini əlavə edərək və ya alətlər lövhəsindəki müvafiq düyməni basaraq imzanızı atmağı unutmayın.
  • Mövzu seçimində çətinlik çəkirsinizsə, aşağıdakı səhifələr sizə kömək edəcək:
  • Vikipediya istifadəçiləri ensiklopedik şəxs deyillərsə, özləri haqqında məqalə yarada bilməzlər! Bu cür informasiyanı onlar yalnız öz istifadəçi səhifələrində verə bilərlər.
  • Yaratmaq istədiyiniz məqalənin adını aşağıdakı xanaya daxil edin və "Məqalə yarat" düyməsini basın.

Şahzadə 17:14, 5 Avqust 2010 (UTC)

Bəxtiyar Hacıyev[əsas redaktə]

Salam, Bəxtiyar Hacıyev başlığını sizin sildiyiniz görünür. Niyə "lazımsız" kateqoriyasından sayılır ki? HulaguKaan 21:37, 8 Oktyabr 2010 (UTC)

Qiyabi olaraq tanıdığım Bəxtiyar Hacıyev haqqında olan məqaləni mən silməmişəm. Vago silib. Ensiklopedik məqalə olmadığı üçün silinib. Mən isə Bəxtiyar hacıyev.jpg faylını silmişəm. Çünki heç bir məqaləyə yerləşdirilməmişdir. Mən o əməliyyatı Vagodan sonra etdim. Əgər mən silməsəydim, istənilən halda digər idarəçilərdən biri tərəfindən silinəcəkdi. --Cekli829 12:37, 9 oktyabr 2010 (Cek vaxtı ilə)

Müzakirə:Musa Manarov[əsas redaktə]

Bot, sonra linkləmə, bu kimi kodlardan başım çıxmır, əlimdən gəldiyincə diqqət etməyə çalışıram. Sizlərə əlavə zəhmət verdiyim üçün üzr istəyirəm.HulaguKaan 00:28, 18 Oktyabr 2010 (UTC)

Bu səhifəni oxuyun. Həmdə qaralama dəftərində redaktə təcrübələrinizi edə bilərsiniz. Əgər bundan sonra da hansısa mövzuda çətinlik çəksəniz, kömək etməyə hazıram. Hörmətlə:--  Pərviz  00:47, 18 Oktyabr 2010 (UTC)

Müzakirə:Mario Varqas Yosa[əsas redaktə]

Neçə gündür "Yosa" başlığında müzakirədə yazı yazmışam, kitabdan qaynaq göstərmişəm, müdaxilə edən yoxdur. Durumu protest edirəm!!! — Bu imzasız yazı HulaguKaan (müzakirəfəaliyyət) tərəfindən əlavə edilmişdir. 16:02, 26 Oktyabr 2010

Əlavə edildi[əsas redaktə]

Sizin İstifadəçi adınızı dəyişmək barədə müraciətiniz bu səhifəyə əlavə edildi. Əlavələrinizi edə bilərsiniz. Hörmətlə: -- ■ Sultan mesaj 20:32, 4 may 2013 (UTC)

Ulduz[əsas redaktə]

Salam. Maraqlı fəaliyyətə görə Ulduz mükafatı aldınız. Ümüd edirəm ki, fəaliyyətiniz davamlı olacaq. Hörmətlə:--Baskervill (talk) 20:52, 24 aprel 2014 (UTC)

DƏVƏT[əsas redaktə]

Ambox wikify.svg
DƏVƏTNAMƏ
Salam!
Bakı Slavyan Universiteti məqaləsinin "Seçilmiş məqalə" statusu alması üçün Vikipediya:Məqalə laboratoriyası/Bakı Slavyan Universiteti səhifəsində keçirilən səsvermədə sizin də iştirak etməyinizi xahiş edirəm.

--Ayşad Əsgərli (talk) 14:13, 1 may 2014 (UTC)

İbrahim Ləmbəranski məqaləsi[əsas redaktə]

Salam. 5 iyun 2014-də İbrahim Ləmbəranski məqaləsini sildiyiniz görünür. Bu barədə açıqlama verərdiniz zəhmət olmasa, axı bu adam çox önəmlidir son dövlərdə, ayrıca köklü bir ailədən gəlir. Nəsə senzura var? --HulaguKaan (talk) 12:00, 1 iyul 2014 (UTC)

Yalnız o məqaləni yox, həmin dövrdə 2000-dən çox məqalə silmişəm. Hansı ki, o məqalələr boş və qeyri-ensiklopedik məqalələr idi. Hörmətlə, --►Cekli829 06:45, 2 iyul 2014 (UTC)

Lyosa[əsas redaktə]

Salam. Niyə israrla məqalənin adını "Mario Barqas Yosa"ya dəyişdirirsiniz? Özünüz də müzakirə səhifəsində qeyd edirsiniz ki, hətta ASE-də də "Mario Varqas Lyosa" yazılıb. İnternetdə sizdən başqa kimsə bu yazıçını "Barqas Yosa" kimi axtaracaqmı Azərbaycan dilində. İndi nə zamansa səhv transliterasiya edilib, ruslar alınıb - hər nə. Fakt odur ki, bu adamın adı bu günə qədər Azərbaycandilli mənbələrdə həmişə Varqas Lyosa kimi yazılıb. Özümüzdən yenilik etməyək. Hörmətlə:--Sortilegus (talk) 21:59, 3 iyul 2014 (UTC)

İstinad etdiyiniz sayt da viruslu saytdır. --Sortilegus (talk) 22:05, 3 iyul 2014 (UTC)

Siz sayılırla hərəkət edirsiz ya faktlarla? Sayta Opera ilə girsəniz bütün detalları və subutlarla sizin indiyə qədər "hər nə" deyib ört-bas etdiyiniz səhv çürüdülməkdədir. "Hər nə"yə qalsa, sizin adını çəkdiyiniz saytların hamısı hansı təhsil sisteminin yetişdirdiyi müxbirlərin yazdığı yazılardır, bilirsiniz. Hispaniya.com-dakı məqalə ispan dili üzrə filoloq tərəfindən ortaya qoyulmuş məsələdir. Qaldı ki ASE, bu kitab aktuallığını itirib. Bu kitab rus dilinin hegemonluğu zamanı yazılmış bir kitabdır. O zaman Azərbaycan dili digər dillərlər müstəqil ünsiyyətdə olmadığından, bu cür səhvlərə yol verilə bilər. Kimsə də, irdələməz.

Sizin kimi on nəfər Lyosa yazandan sonra niyə kimsə internetdə Yosa yazsın ki? Ekspert olmadığınız bir sahədə sırf adminlik imkanınızdan yararlanıb vandallıq edirsiniz. --HulaguKaan (talk) 09:49, 5 iyul 2014 (UTC)

Fayl statusu Şəkil:Bəylər eyyubov.jpg[əsas redaktə]

Hörmətli istifadəçi! Sizin yüklədiyiniz faylın Şəkil:Bəylər eyyubov.jpg yoxlanılması zamanı bəzi problemlər aşkarlanmışdır. Diqqət edin ki, hər bir faylın təsviri onun müəllifi, mənbəlisenziya şablonunu da həmçinin əhatə etməlidir (ətraflı bax: "Şəklin istifadə qaydası"). Əgər Siz bunu necə etməyi bilmirsinizsə, bununla bağlı Kənd Meydanında sual verə bilərsiniz. Əgər göstərilən faylın statusu 7 sutka ərzində göstərilməsə, idarəçilər onu silməyə məcbur olacaqlar. O üzdən faylın statusunun aydınlaşdırılması üçün vaxt itirməyin. -- ■ Sultan mesaj 16:32, 1 avqust 2014 (UTC)

Dəvət[əsas redaktə]

Ambox wikify.svg
DƏVƏTNAMƏ
Salam!
Tənha kişi (film, 2009) məqaləsinin "Seçilmiş məqalə" namizəd statusunu əldə etməsi ilə əlaqədar, Sizi Vikipediya:Seçilmiş məqalə namizədləri/Tənha kişi (film, 2009) səhifəsində keçirilən səsvermələrə dəvət edirəm.

--Keete 37 (Farid Aliev) (müzakirə) 15:08, 19 may 2015 (UTC)

Colan təpələri[əsas redaktə]

Salamlar! Bu təpənin adı Ərəbcə Colandır. Bir çox Azərbaycan kitab və dərsliklərində də bu cür yazılıb. Siz hansı əsasa görə dəyişiklik etdiniz? Xahiş edirəm əsaslandırın. Hörmətlə:--Enver62 (müzakirə) 21:04, 29 mart 2016 (UTC)

Xosep Qvardiola[əsas redaktə]

HulaguKaan sizi 24 saatlığa blokladım. Ümüdvaram gələcəkdə digər istifadəçilərlə müzakirə zamanı Siz oxumağı bacarırsınız? tipli cümlələrdən daha istifadə etməyəcəksiniz. Mənim nə sizinlə, nə də Xosep Qvardiola ilə şəxsi qərəzim yoxdur. Ola bilər siz haqlısınız və həqiqətən də Cuzep Quardiola yazılmalıdır. Sadəcə iş burasındadır ki, axtarış zamanı saytların demək olar hamısında Xosep Qvardiola çıxır. Cuzep Quardiola isə ümumiyyətlə çıxmır. Sizi səbrli olmağa çağırıram. Əminəm ki yekunda düzgün qərar veriləcək.--Nicat49   müzakirə 23:34, 8 iyun 2017 (UTC)

Nicat49, qəbul edirəm ki, emosional davranmışam. Amma sizinlə mənim aramdakı danışıqda, siz özünüz özünüzü hakim təyin edə bilməzsiniz. Bu ədalətsizdir. Verdiyiniz qərarın ədalətdə yeri yoxdur. Əgər şikayətiniz varsa, bunu digər idarəçilər müəyyənləşdirməli idi. İndiki halda siz, idarəçi hüququnuzdan öz mənfəətiniz, öz qərarlarınızı diktə etmək üçün istifadə etmiş sayılırsınız. Əgər sizdən daha yüksək nəzarətçi varsa, ümid edirəm, bu vəziyyətə göz yummayacaq. HulaguKaan (müzakirə) 08:57, 9 iyun 2017 (UTC)

Cekli829, Sortilegus, Baskervill

HulaguKaan vikipediyada heç kim heç kimə hakimlik etmir. Yazdığınız absurt cümlələrə cavab yazıb müzakirəni başqa səmtə yönəltmək istəmirəm. Hörmətli idarəçilər - Araz Yaquboglu, Babək Akifoğlu, Baskervill,Cekli829, Sortilegus, Vusal1981Wertuose istifadəçi HulaguKaan iddia edir ki, Xosep Qvardiolanın adı azərbaycan dilində Cuzep Quardiola formasında yazılmalıdır. Düzü mən ispanca bilmirəm, ancaq KİV-lərin demək olar hamısında (Azertag, 1news, APA, Trend, İdmantv və s.) Xosep Qvardiola yazılır. Cuzep Quardiola formasında isə heç bir KİV məlumatı tapmaq mümkün deyil. İstifadəçinin özü də heç bir mənbə göstərə bilmir. Mən bütün bunları nəzərə alıb məhs Xosep Qvardiola yazılmasının tərəfdarıyam. Əgər aranızda mənim yanlış düşündüyümü iddia edən varsa lütfən bildirsin. Birdə onuda qeyd edim ki, mən maraq üçün Azərbaycan Respublikası Prezidentinin saytında Xosep yazıb axtarışa verdim və orada Avropa Parlamentinin sədri Xosep Borrell Fontellesin adı çıxdı. Bu şəxin adı ingiliscə belə yazılır - Josep Borrell Fontelles, Qvardiola isə ingiliscə belə yazılır - Josep Guardiola Sala. Yəni gördüyünüz kimi bütün KİV-lər kimi Azərbaycan Respublikası Prezidentinin saytıda Josepi Cuzep yox Xosep kimi tərcümə edib.--Nicat49   müzakirə 20:28, 9 iyun 2017 (UTC)

Nicat49, təəssüf ki, vikidə bu cür səlahiyyət sizə verilib. Adın tərcümə yox transliterasiya edilə biləcəyini, ümumiyyətlə bunun nə demək olduğunu, fərqin nə olduğunu anlamamısınız, yəqin sizin üçün heç fərqi də yoxdur. Odur ki, imkan varkən, bas getsin edirsiniz. Yuxarıda bir ton yazı yazmışam, 4 dənə link atıb qaynaq göstərmişəm, təkrarən sizə demişəm ki, mən göstərən qaynağın sizin qaynaqlardan geri qalan yanı yoxdur, gəlib burda yazırsınız ki, qaynaq göstərə bilmir. Deyirsiniz ispanca bilmirsiniz, məsələyə hakim deyilsiniz, çünki burda heç ispan dilinin dəxli yoxdur, katalon dilinə görə belə vəziyyət yaranıb. Yənə təkrar edirəm, sizin bu məsələdə fikir yürütmək imkanınız çatmır təəssüf ki, amma sırf idarəçi statusunuz var deyə, bundan maksimum yararlanırsınız. Nəysə, burda belə yazırsız, da cəhənnəmə yazın, amma real həyatda birdən tema düşsə, Xosep deyəndə ağlınıza gələcək ki, əslində səhv deyirsiz, katalonlarda Xosep adı yoxdur, Cuzep adı var və bu ad Josep yazılır. İspanlarda isə Josep adı yoxdur. Daa heçnə :D

HulaguKaan yuxarıda yazdığım kimi yenədə sizin təəssüf ki, vikidə bu cür səlahiyyət sizə verilib.sizin bu məsələdə fikir yürütmək imkanınız çatmır kimi cəfəng fikirlərinizə münasibət bildirməyəcəm. Boş-boş cümlələr yazmaqdansa mənbə göstərsəydəniz daha yaxşı olardı. Sizin deməyinizdən belə çıxır ki, mən bütün KİV-lərə inanmayıb, onların hamısını görməməzdikdən gəlib sırf sizin sözünüzə inanıb məqalənin adını Cuzep Quardiola qoymalıyam ? Yuxarıda digər idarəçiləridə müzakirəyə tag etmişəm. Əminəm ki, əgər onlar mənim yanlış olduğumu düşünsələr mütləq fikir bildirəcəklər. Qvardiola kataloncada məhs Josep Guardiola i Sala yazılır. Yəni ispancadan fərqli bir şey yoxdur yazılışında. Ən maraqlısı odur ki, mən google-da azərbaycanca ümumiyyətlə Cuzep adlı şəxs tapa bilmədim. Bu arada sizdən daha öncə müzakirə zamanı etik qaydalara riayət etməyinizi xahiş etmişdim, ancaq görünür siz (imkan varkən, bas getsin edirsiniz / burda belə yazırsız, da cəhənnəmə yazın) xəbərdarlığı qulaq ardına vurmusuz. Ona görə sizin blokunuzun müddətini uzadıram. Gələcək fəailiyyətinizdə uğurlar.--Nicat49   müzakirə 22:47, 9 iyun 2017 (UTC)

Səsvermə[əsas redaktə]

Salam. Sizi mənim idarəçilik statusum ilə bağlı keçirilən səsvermədə iştirak etməyə dəvət edirəm.--Anar kerimxanov (müzakirə) 19:54, 21 iyun 2017 (UTC)

Əlaqə[əsas redaktə]

Salam. Sizinlə necə əlaqə saxlamaq oalr? Mailiniz var mı?--131.117.142.115 11:27, 7 avqust 2017 (UTC) ==

Salam. Vikipediyada özəl məktub da yollamaq olur. ~~~~

Seçilmiş məqalə statusunun geri alınması[əsas redaktə]

Salam həmkar, mən Seçilmiş məqalələr arasında təmizlik işi aparıram və aşağıda yazılan məqalələr SM-ın standartlarına cavab vermir. Ona görə də xahiş edirəm səsvermədə iştirak edəsiz. Siyahı aşağıda göstərilib

Hörmətlə --Azerifactory (müzakirə) 07:31, 7 sentyabr 2017 (UTC)

İdarəçi seçkisi[əsas redaktə]

Wikipedia-logo-v2-az.png
İDARƏÇİ SEÇKİSİ
Salam!
Sizi mənim Vikipediyada idarəçi seçilməyim ilə bağlı keçirilən səsverməyə dəvət edirəm. Hörmətlə --Drabdullayev17 (müzakirə) 07:11, 1 oktyabr 2017 (UTC)

İdarəçi seçkisi[əsas redaktə]

Wikipedia-logo-v2-az.png
İDARƏÇİ SEÇKİSİ
Salam!
Sizi mənim Vikipediyada idarəçi seçilməyim ilə bağlı keçirilən səsverməyə dəvət edirəm. Hörmətlə --Azerifactory (müzakirə) 21:10, 2 oktyabr 2017 (UTC)

Məqalə Silmə Fəaliyyəti[əsas redaktə]

Hörmətli @Babək Akifoglu yaratdığım "Joze Mauru di Vaskonselos" səhifəsini səsverməyə belə qoymadan, silmisiniz. Xahiş edirəm, sildiyiniz məqaləni bərpa edin, və daha sonra məqalənin genişləndirilməsi üçün kömək edin. Kömək ola bilmirsinizsə, köstəklik eləməyin.

Hörmətli AzVikinin digər istifadəçilər, bu kimi vandalizmlə dəfələrlə qarşılaşıram. Bu da növbəti vandalizm nümunəsidir. İdarəçilərdən, burokratdan xahiş edirəm, bu istifadəçinin fəaliyyəti nəzarətdə saxlanılsın, özbaşına sildiyi başqa məqalələr varsa, onlar da müvafiq yoxlanışdan keçsin. — Bu imzasız yazı HulaguKaan (müzakirəfəaliyyət) tərəfindən əlavə edilmişdir. 09:13, 3 yanvar 2018

Hörmətli istifadəçi HulaguKaan. İstənilən idarəçiyə qarşı təhdid qarışıq xəbərdarlıq elan etməyiniz xoşagəlməz haldır. Bloklanma qaydalarının müvafiq bəndinə əsasən gələcəkdə bu kimi hallara görə bloklana bilərsiniz. Hər hansısa anlaşılmazlığı sadəcə sual verməklə, qərəzsiz, hisslərə qapılmadan, normal ifadələrlə də soruşub aydınlaşdıra bilərsiniz. Məqalənin silinməsinə gəldikdə isə, yaratdığınız adı çəkilən məqalə boş və mətnsiz olduğuna, ay yarım müddətinə bu vəziyyətdə saxlanıldığına, üzərində heç bir iş aparılmadığına görə, eyni zamanda məqalənin işlənəcəyi barədə heç bir şablon yerləşdirilmədiyinə görə silinmişdir. Gələcəkdə bela hallarda {{iş gedir}} şablonundan istifadə etməyinizi məsləhət görürəm. Fəaliyyətinizdə uğurlar diləyir və məqaləni zənginləşdirməyə davam etdiyinizə görə təşəkkürümü bildirirəm. --Babək Akifoğlu (müzakirə) 14:23, 3 yanvar 2018 (UTC)

Hörmətli Babək Akifoğlu, qeyd etdiyiniz iradları qəbul etmirəm, çünki heç bir texniki imkanı olmayan bir istifadəçinin hər hansısa təhdit, hədə, hökmranlıq üçün nə fürsəti var, nə də gücü. Heç seçdiyim ifadələrdə də bu cür bir təhditkar, hədələyici ifadə olmadığına inanıram. Əksinə, sizin texniki olaraq əldə etdiyiniz "bloklanma" xüsusiyyətindən əsassız şəkildə faydalana bilənəcəyinizə dair məni hədələməyiniz, sizin bir idarəçi olaraq sorğulanmanıza səbəbdir. Növbəti seçkilərdə bunu nəzərə alacağımı nəzərinizdə saxlayın.

Bir məqalənin silinməsi üçün onun səsverməyə qoyulmağı lazım olduğunu güman edirdim. Əgər Az-Vikidə belə bir qayda yoxdursa və idarəçilər şəxsi qənaətlərinə görə məqalə silmək hüququna malikdirlərsə, bəs bizim vikipediyaçılar olara könüllü bir-birimizə dəstək olmaq xüsusiyyətimiz harda qalıb? Bir məqaləni silməkmi daha asandır, yoxsa, içi "boş olan" başlığı doldurmaqmı? Bir idarəçi asan olanı seçib, məqaləni zənginləşdirmək əvəzinə onu silir, bircə cümləlik də olsa, kiçik bir məlumatın yerləşdirilməsinə baxmayaraq, özü bircə cümlə belə əlavə etmədən, tamamiylə silirsə, onda o nə təhər idarəçidir? Qeyd etdiyim kimi, növbəti seçkilərdə, bunu mütləq hamı nəzərə almalıdır.

Paylaşdığınız koda görə minnətdaram, çalışacam, digər məqalələrdə istifadə edim. Amma yenə xatırladıram, başlığı silib yox etməkdənsə, həmin işarəni siz özünüz də qoya bilərdiniz və bu daha pozitiv, dostanə olardı, nəyinki silib yox etmək. Xatırladıram ki, silmək dağıtmaq, yox etmək vandallıq əlamətidir və siz bu əməli törətmisiniz. HulaguKaan (müzakirə) 17:58, 3 yanvar 2018 (UTC)


Baskervill, Azerifactory, Cekli829, White Demon Wertuose

Hörmətli istifadəçi. Nəzərəinizə çatdırıram ki, "Bloklanma funksiyasından istifadə edib hər hansısa istifadəçini hədələmək" deyə bir şey yoxdur. İstifadəçi müəyyən etik normaları keçdiyində ona xəbərdarlıq etmək və ya bloklamaq biz idarəçinin borcudur, əks təqdirdə vikipediyada anarxiya hökm sürər. Hər hansısa istifadəçinin boş məzmunlu məqaləsini zənginləşdirmək idarəçinin vəzifəsi deyildir. Sizin "məqalə" adlandırdığınız mətnsizlik yalnız kiçik preambuladan ibarət boş məzmun idi. Əgər idarəçinin sizin bir cümlədən belə ibarət olmayan məqalənizi silməyini vandallıq hesab edirsinizsə və buna görə onu vandal adlandırırsınızsa, siz artıq ikinci dəfə etik normaları keçirsiniz. Sizə ikinci dəfə xəbərdarlıq edir və diqqətli olmağa çağırıram. --Babək Akifoğlu (müzakirə) 19:07, 3 yanvar 2018 (UTC)


Hörmətli Babək Akifoğlu, Verdiyiniz bu cavabla törətdiyiniz əməllə bağlı əvvəlki fikrimdə sabit qalıram. HulaguKaan (müzakirə) 19:13, 3 yanvar 2018 (UTC)

Sildiyiniz Səhifələr[əsas redaktə]

Hörmətli Emin bəy, sildiyiniz https://az.wikipedia.org/wiki/Əfqan_Xəlilli məqaləsinin https://az.wikipedia.org/wiki/Vikipediya:Ensiklopedik_əhəmiyyətlilik_(şəxslər) əsasında, və ya "Wikipedia" ingilis dilində olan prinsipləri əsasında izah edə bilərsinizmi, niyə ensiklopedik deyil? HulaguKaan (müzakirə) 18:43, 5 yanvar 2018 (UTC)

Salam. Qeyd etdiyiniz məqalədə heç bir istinad yox idi. Bəzi linklər əlavə etmişdiniz, həmin linklərdə sadəcə tərcüməçi kimi Əfqan Xəlillinin adı qeyd olunmuşdu. Yəni şəxs haqqında məlumat deyildi, tərcümə etdiyi əsərlərin linkləri idi. Bu, şəxsin ensiklopedik olduğuna gətirib çıxarmır. Şəxslərin ensiklpedik əhəmiyyətlilik kriteriyalarının heç biri ilə uzlaşmır bu məqalə.--Emin ismarıc 18:48, 5 yanvar 2018 (UTC)

Şəxsin özünün ensiklopedik olduğuna dair mətbuatda haqqında gedən məlumatlar, müsahibələri, açıqlamaları etibarlı mənbələrlə göstərilmişdi. Səsvermədəki digər iştirakçılardan biri isə tərcümələri haqqında mənbə olmadığını göstərən şərh qoymuşdu, onun vurğuladığı çatışmazlıq aradan qaldırılmışdı. Müəyyən bir müddət idman mediasında gündəm olmuş, ümumiyyətlə isə idman sahəsində, bir tərcüməçi olaraq tanınan şəxsdir. Qeyd etdiyim prinsiplər baxımından ensiklopedik şəxs olduğu qənaətindəyəm. Və təklif edirəm ki, tələsməyib səsvermənin yekununu gözləyəsiniz. Gəlin mövqelərimizi şəxsi qənaətlə yox Wikipedia prinsipləriylə əsaslandıraraq ortaya qoyaq. HulaguKaan (müzakirə) 18:55, 5 yanvar 2018 (UTC)

Şəxsin ensiklopedik olduğuna dair heç bir istinad yoxdur. Cəmi bir müsahibəsindən [1], [2] iki fərqli linkə keçid verib istinad etmisiniz. Yəni heç bir yerdə Əfqan Xəlilli adlı şəxs haqqında məlumat yoxdur. Yuxarıda qeyd etdiyiniz Şəxslərin ensiklopedik əhəmiyyətliliyi kriteriyasından hansına görə bu şəxsi ensiklopedik hesab etdiyinizi qeyd etmədiniz. Belə məqalələr inkişaf etmiş vikipediyalarda müzakirəsiz silinir. Vikipediya prinsiplərinə əsasən məqalənin silinməsi düzgün qərardır.--Emin ismarıc 19:20, 5 yanvar 2018 (UTC)

Hörmətli Emin, 1 məqalədə onun bioqrafik məlumatları qeyd olunub. Onu ensiklopedik şəxs edən, məşhurluğudur. Fəaliyyəti onu ictimai şəxs edir və buna görə fəaliyyəti jurnalistlər tərəfindən də izlənilir. Bundan əlavə peşəsi etibariylə yayımlanmış məqalə və tərcümələri də onu ensiklopedik şəxs edir. Bunlarla bağlı isə onlarla mənbə qeyd edilib və yenə də etmək mümkündür. Vikipedianın hansı prinsipinə əsasən ensiklopedik şəxs olmadığını əsaslandıra bilərsinizmi? HulaguKaan (müzakirə) 19:45, 5 yanvar 2018 (UTC)

Bioqrafik məlumatlar şəxsi ensiklopedik edirmi? Bütün bioqrafik məlumatlar Vikipediyaya əlavə olunmalı deyil. Mən ensiklopedik sayıla biləcək bir səbəb olmadığı qənaətindəyəm. Siz iddia edirsiniz ki, ensiklopedikdir və bunu sübut edəcək istinadlar yoxdur. Qeyd etdiyiniz onlarla mənbəni göstərəsiniz, bəlkə? Müzakirəni çox uzatmağın mənası yoxdur, çünki bu, Əfqan Xəlillini ensiklopedik şəxs etmir.--Emin ismarıc 19:56, 5 yanvar 2018 (UTC)

Fəaliyyəti ilə bağlı məlumat - tərcümələri, məqalələri, müsahibələri üçün ayrı ayrı qaynaqlar, mənbələr göstərilib. Bioqrafik məlumat onsuz da istənilən şəxs haqqında verilir, bu da normaldır. Həyatı hissəsində bu məlumatlar göstərilib, məlumatın hardan alındığına dair də, müsahibəsinin girişində gedən məlumatda göstərilib. Siz daha diqqətli baxsanız görərsiniz. Lakin onu ensiklopedik şəxs edən, məşhurluğu və fəaliyyətidir. Məşhurluğuna dair yenə internetdəki məlumatlar, müsahibələr qoyulub və yenə əlavə edilə bilər. Tərcüməçi olaraq yaradıcılığına dair də etdiyi tərcümələrlə bağlı məlumatlar qaynaqlarıyla bərabər göstərilib. Siz daha diqqətli baxın lütfən. Daha nə olmalıdır ki? Başda göstərdiyim prinsipləri əsas götürərək - məşhurluğu və yaradıcılığı - , ensiklopedik şəxs olduğunu bildirirəm. Bəs siz hansı əsasla, hansı qayda və prinsiplə bunun əksini sübut edirsiniz? HulaguKaan (müzakirə) 20:07, 5 yanvar 2018 (UTC)

Özünüzün istinad etdiyi Şəxslərin ensiklopedik əhəmiyyətlilik kriteriyasında yazılan bəndlər bunlardır:

  • Şəxs vacib adam hesab olunur və ya öz həmkarları və ya davamçıları tərəfindən geniş şəkildə istinad edilir.
  • Şəxs yeni konsepsiya, nəzəriyyə, elmi yenilik və ya texniki üsulların yaradıcısı kimi tanınır.
  • Şəxs müstəqil kitabın, filmin və ya çoxsaylı dövri nəşrlərin mövzusunu təşkil etmiş əhəmiyyətli və ya məşhur bir işin icraçısı və icrasında iştirakçı olmuşdur.
  • Şəxsin işi əhəmiyyətli abidə, mühüm bir sərginin vacib hissəsi olmuş, tənqidçilərin diqqətini əhəmiyyətli dərəcədə cəlb etmiş, yaxud bir neçə məşhur muzey və ya qalereyanın daimi kolleksiyaları arasında təmsil olunmuş, yaxud işləri bir sıra məşhur kitabxanada yer almışdır.

Bunlardan heç biri Əfqan Xəlilliyə aid edilə bilmir. Şəxsin məşhur olduğunu, fəaliyyətini qeyd edirsiniz. Amma bunları təsdiq edən bir mənbə yoxdur. Əfqan Xəlilli tərcüməçidir, öz peşəsi ilə məşğuldur. Amma hər hansı xüsusi bir işlə yadda qalmayıb, uğur qazanmayıb. Ümid edirəm, sizə hər şey aydın oldu. Əfqan Xəlilli haqda məqalə nə vaxtsa, vikipediyada ola bilər, bu da şəxsin karyerasının necə olacağı ilə bağlıdır. İndiki vəziyyəti ilə məqalə bərpa olunmayacaq. Sağ olun.--Emin ismarıc 14:15, 6 yanvar 2018 (UTC)

Share your experience and feedback as a Wikimedian in this global survey[əsas redaktə]

WMF Surveys, 18:32, 29 mart 2018 (UTC)

Reminder: Share your feedback in this Wikimedia survey[əsas redaktə]

WMF Surveys, 01:30, 13 aprel 2018 (UTC)

Your feedback matters: Final reminder to take the global Wikimedia survey[əsas redaktə]

WMF Surveys, 00:40, 20 aprel 2018 (UTC)