İvan Franko adına Lvov Milli Universiteti

Vikipediya, açıq ensiklopediya
(İvan Franko adına Lvov milli universiteti səhifəsindən istiqamətləndirilmişdir)
Keçid et: naviqasiya, axtar

İvan Franko adına Lvov Milli Universiteti
Львівський національний університет імені Івана Франка

Universitetin baş korpusu
Universitetin baş korpusu
Şüar Раtriаe dесоri сіvibus еducаndis
Yaranma tarixi 1661
Rektor İvan Vakarçuk
Tələbə sayı 11649
Şəhər Lvov
Ölkə Ukrayna
Ünvan Univesitetskaya küç. 1, Lvov, 79000, Ukrayna
Vebsayt lnu.edu.ua

İvan Franko adına Lvov Milli Universiteti (ukr. Львівський національний університет імені Івана Франка) — Şərqi Avropanın ən qədim universitetlərindən biridir. Əvvəlcə universitet Yan Kazimirin adını daşıyırdı və Polşaya, sonra Avstriya-Macarıstana məxsus idi və artıq 1939-cu ildən isə Ukraynanın universiteti oldu.

Tarixi[redaktə]

1661-ci ilin 20 yanvarı Lvov Universitetinin yaranma tarixi hesab edilir. Bu gündə kral Yan ІІ Kazimir fərmanı dərc etdi, hansına ki uyğun olaraq, 1608-ci ildə yaradılmış yezuit kollegiyasına akademiya və "universitet titulu" statusu verilmişdir. Akademiyanın və universitetin hüquqlarının formal təsdiqi 1758-1759-cu illərdə baş vermişdir.

Lvov universitetinin Universitet küçəsində yerləşən əsas korpusunun indiki binası 1877-1881-ci illərdə memar Yu. Qoxberqerin rəhbərliyi altında tikilmişdir. Əvvəlcə binada Qalitsiyanın və Lodomeriyanın Ölkə seymi yerləşirdi. Əsas korpusun fasadı sütunlu böyük portiklə və lociya ilə bəzənmişdir. Girişdə heykəltəraşlıq alleqorik "İş" və "Təhsil" qrupları, çardağında isə "Qalitsiya, Visla və Dnestr" qrupları yerləşdirilmişdir. İşlər heykəltəraş T. Riqer tərəfindən yerinə yetirilmişdir. 1920-ci ildə bu bina Yan Kazimirin Lvov universitetinə verilmişdir.

2011-ci ilin məlumatına görə Universitetdə gündüz formasında 11 649 tələbə, həmçinin 2980 təhsil xərclərinin tam kompensasiyası şərtlərində, təhsil alırdı. Qiyabi formada 3680 tələbə, onlardan 2543 tələbə pullu əsasda, oxuyurdu.

Fakültələr və ixtisaslar[redaktə]

Universitetdə təhsilin tam kursu 5 il təşkil edir. Ümumilikdə universitetdə 112 kafedra işləyir, hansılardan ki, dördü 2001-ci ildə açılmışdır. Aspirantura elmi kadrların hazırlığının əsas formasıdır ki, humanitar və təbii profillərin 89 ixsisası üzrə mütəxəssisləri hazırlayır. Bu gün Lvov Universitetində tələbələrin hazırlığı belə fakültələrdə həyata keçirilir:

  • Biologiya
  • Coğrafiya
  • Geologiya
  • İqtisadiyyat
  • Elektronika
  • Universitetə qədər hazırlıq
  • Jurnalistika
  • Xarici dillər
  • Tarix
  • Mədəniyyət və incəsənət
  • Beynəlxalq münasibətlər
  • Mexaniki-riyaziyyat
  • Tətbiqi riyaziyyat və informatika
  • Fizika
  • Filologiya
  • Fəlsəfə
  • Kimya
  • Hüquq

Reytinq[redaktə]

2008-ci ildə Ukrayna sahibkarlarının qiymətləri üzrə Lvov milli universiteti dördüncü yeri tutdu. 2012-ci ildə "Webometrics" dünya universitetlərinin reytinqində o Ukrayna Milli texniki universitetindən "Kiyev politexnik institutu", Taras Şevçenko adına Kiyev milli universitetindən, Milli aviasiya universitetindən və Draqomanov adına Milli pedaqoji universitindən geri qalaraq 2105-ci yeri tutdu və Ukrayna ali məktəbləri arasında altıncı nəticəni göstərdi.

Xarici keçidlər[redaktə]