İynəada Subasar Meşələri Milli Parkı

Vikipediya, açıq ensiklopediya
Jump to navigation Jump to search

İynəada Subasar Meşələri Milli Parkı
türk. İğneada Longoz Ormanları Millî Parkı
Sarmaşıqlı ağac
Sarmaşıqlı ağac
BTMB kateqoriyası — II (Milli park)
WLE Austria Logo (no text).svg
41°49′10″N 27°57′14″E / 41.81944°N 27.95389°E / 41.81944; 27.95389Koordinatlar: 41°49′10″N 27°57′14″E / 41.81944°N 27.95389°E / 41.81944; 27.95389
Ölkə Flag of Turkey.svg Türkiyə
VilayətKırklareli
RayonDəmirköy
Yaxın şəhərİynəada
Sahəsi31,55 km2
Tarixi13 noyabr 2007
İdarəsiTürkiyə Meşə və Su İşləri Nazirliyi
İynəada Subasar Meşələri Milli Parkı (Türkiyə)
İynəada Subasar Meşələri Milli Parkı
Commons-logo.svg İynəada Subasar Meşələri Milli Parkı Commonsda

İynəada Subasar Meşələri Milli Parkı (türk. İğneada Longoz Ormanları Millî Parkı) — Türkiyənin Kırklareli ilində yerləşən, sahəsi 31,55 km2 olan milli park.[1] Milli park 13 noyabr 2007-ci ildə yaradılmışdır.

Əsas xüsusiyyətlər[redaktə | əsas redaktə]

Milli park Bolqarıstanla sərhəddə yerləşir. Bu ərazi adını İnə bəydən almışdır və bir müddət sonra İynəada formasına düşmüşdür. İynəada Subasar Meşələri Milli Parkı Türkiyənin 39-cu milli parkıdır. Milli parkda bataqlıqlar, subasar meşələr, şorsulu və şirinsulu göllər yerləşir. Milli parkın Qara dənizə çıxış vardır.

Coğrafiya[redaktə | əsas redaktə]

Sahil zonası.

Ulduz dağlarından Qara dənizə çatan dərələrin əmələ gətirdiyi subasar ərazilər boyunca meşələr uzanır. İynəadanın şimalında Ərikli gölü, cənubunda Mərt gölü yerləşir. Sahil boyunca uzanan səhra landşaftı İynəada yaşayış məntəqəsində pozulur. 50-60 metr genişliyindəki qumluqlar cənubdakı Saka gölünə qədər uzanır. Uzunluğu 10 km olan bu qumluqlarda quraqlığadavamlı bitkilər bitir. Qumluqlar qurudakı bataqlıq, göl, subasar kimi şirinsulu hövzələrlə dənizi bir-birindən ayırır.[2]

Milli parkda 5 göl var. Ərikli gölü laqun mənşəli göl olub yayda dənizlə əlaqəsi kəsilir. Çavuşdərə çayının dənizə töküldüyü yerdə Mərt gölü yerləşir. Parkın cənubunda dənizdən qumluqlarla ayrılan digər bir göl Saka gölüdür. Digər iki göl Pedina gölü və Hamam gölüdür.[3]

Flora və fauna[redaktə | əsas redaktə]

Flora[redaktə | əsas redaktə]

Subasar meşələr və qumluqlar milli parkdakı həssas ekosistemlərdir. Cənub-şərqi Avropaya xas olan palıd-qızılağac-göyrüş meşələrinin nümayəndələrindən — subasar ərazilərdə göyrüşqızılağac, quruda palıd ağacları yayılmışdır. Meşələrdə sarmaşıqlar geniş yayılmışdır.[2]

Fauna[redaktə | əsas redaktə]

Çöl pişiyi, çöldonuzu, çöl dovşanı, Avropa cüyürü, ağac dələsi, adi canavar, porsuq, tülkü, gəlincik, su samuru, safsar, böyükqulaqlı yarasa milli parkda yaşayan məməli növləridir.

Quş növlərinə aiddir: ağquyruq dəniz qartalı, yaşıl ağacdələn, kiçik qartal, bayquş, şanapipik, qara leylək, zərricə, boz vağ, qara ağacdələn. Qara dənizdə qış fəslində Avropa ançousu və tyurboya, yay fəslində stavrit, pikşadəniz dilinə rast gəlinir. Şirin su hövzələrində kefal, forel və gümüş balığı yaşayır.

Turizm[redaktə | əsas redaktə]

Milli park fotoqrafiya, ekoturizim, ekstrim idman növləri, piknik kimi fəaliyyətlərə açıqdır.[2]

İynəadaya İstambuldan avtobusla çatmaq mümkündür. Milli parkda otellər fəaliyyət göstərsə də, çadır qurmaq imkanı da mövcuddur.[3]

İstinadlar[redaktə | əsas redaktə]

Xarici keçidlər[redaktə | əsas redaktə]