Şöhrət Şabanov (əsgər)

Şöhrət Şabanov
Şabanov Şöhrət Vilayət Oğlu
Şəxsi məlumatlar
Doğum tarixi	29 aprel 1968
Doğum yeri	Gəncə
Vəfat tarixi	7 mart 1993 (24 yaşında)
Vəfat yeri	Kəpəz rayonu
Vəfat səbəbi	Şəhid
Vətəndaşlığı	Azərbaycan
Milliyyəti	Azərbaycan
Uşağı	Tural Şabanov
Hərbi fəaliyyəti
Hərbi hissə	551 saylı hərbi hissə
Xidmət illəri	1992-1993
Rütbəsi	Əsgər
Döyüşlər	Qarabağ müharibəsi

Şöhrət Şabanov —— ( ) —— Azərbaycanlı şəhid.

Həyatı

Şöhrət Şabanov 1968-ci il aprelin 29-da Gəncə şəhərində anadan olmuşdur. Qeyrətli, vətənpərvər bir gənc idi. 1985-ci ildə 37 saylı orta məktəbi bitirmişdir. 1986-1988-ci illərdə Qazaxıstanda hərbi xidmətdə olmuşdur. Hərbi xidmətdən qayıtdıqdan sonra Xalça-mahud Kombinatında mühafizəçi işləmişdir. O, uşaqlıqdan idmanın boks növü ilə məşğul olmuşdur. Görkəmli məşqçi Çingiz Pirverdiyevin tələbəsi olmuş, Beynəlxalq yarışlarda iştirak etmiş, müxtəlif medallarla, fəxri fərmanlarla təltif edilmişdir. 1990-cı il noyabr ayının 24-də ailə həyatı qurmuş, 1992-ci il oktyabr ayının 12-də Tural adında oğlu dünyaya gəlmişdir.

Hərbi xidmət

1992-ci il dekabr ayının 10-da Kəpəz Rayonu Hərbi Komissarlığı tərəfindən həqiqi hərbi xidmətə çağırılmışdır. Döyüş yolu həddindən artıq qısa olmuşdur. 551 saylı hərbi hissədə vuruşmuşdu. Şöhrət Şabanov göstərdiyi hərbi xidmətə görə 1993-cü il martın 1-də hərbi hissə komandiri tərəfindən fəxri fərmanla təltif olunmuşdur. Bir neçə kəndin müdafiəsində fəal mübarizə aparmışdı. Zabit-gizir heyəti arasında böyük hörməti vardı. Şöhrət Vilayət oğlu Şabanov 1993-cü il martın 7-də ağır döyüşlərdən birində şəhid olmuşdur. Meyitini tapmaq mümkün olmamışdır.