Şönhof (Görlitz)

Vikipediya, azad ensiklopediya
Jump to navigation Jump to search
Şönhof
Schönhof
Zgorzelec, Schlesisches Museum (Muzeum Śląskie) - fotopolska.eu (110180).jpg
51°09′21″ şm. e. 14°59′26″ ş. u.
Ölkə Almaniya Almaniya
Şəhər Wappen Goerlitz vector.svg Görlitz
Aidiyyatı Sileziya muzeyi
Memar Böyük Vendel Roskopf
Tikilmə tarixi 1526
Commons-logo.svg Vikianbarda əlaqəli mediafayllar

Şönhof evi (alm. Schönhof‎) — Almaniyanın Görlitz şəhərinin köhnə hissəsində yerləşən və intibah üslubunda inşa edilmiş tanınmış memarlıq abidəsidir. Bina Brüderştrasse № 8-də yerləşir və 1525-ci ildə baş vermiş böyük yanğından dərhal sonra, keçmiş Şura evinin xarabalıqları üzərində memar Böyük Vendel Roskopf tərəfindən tikilmişdir. Özünün çox uğurlu topoqrafik mövqesinə görə, bina XV-XVI əsrlərdə şəhərə təşrif buyuran qonaqların rəsmi knyaz iqamətgahı kimi fəaliyyət göstərirdi. Bütün bu məsələlərlə yanaşı, burada Bohemiya kralı IV Ventsel və kurfürst Yohann Georq fon Zaksen kimi tanınmış insanlar qonaq qalmışdı. Bu gün keçmiş orta əsr tualet mexanizmlərin v struktur qalıqlarını görə bilərsiniz[1].

Bina[redaktə | əsas redaktə]

Şönhof 1952-ci ildə.

Erkən intibah dövrünə aid qumdaşından hazırlanmış pəncərəarası lentlər onun xüsusi mürəkkəbliyini xarakterizə edir. Həmçinin binanın interyerində də intibah üslubunda bir çox elementi görmək olar. Bundan başqa tavanarası tir və divarları rəngarəng quşlar və meyvələr, çoxsaylı gül motivləri və bəzək ornamentləri bəzəyir[2].

Təmir işləri zamanı işıqlanmaya məruz qalmış bir çox rəsm əsərlərini detallı şəkildə daha bərpa etmək mümkün deyil. Beləliklə binada bir sıra detallar tamamlanmamış qalacaq. Abidələrin qorunması nəzarəti altında çirklənmə aradan qaldırılır, buna baxmayaraq binada yara izləri və zədələnən hissələr hələ də gözə çarpır. Əhəng maddənin altında aşkar olunan və qorunub saxlanılan bədii rəsm əsərləri ehtiyatla bərpa olunmuşdu. Demək olar ki qara rəng almış suvaq altında XVI əsrə aid rəngli çiçəklərin fiqurları aşkar olunmuşdu. Almaz formalı çərçivələrdə yerləşən rəsmlərin işıq və kölgə detalları sərtləşdirilmişdir.

Kirəmitli döşəmələrin yaranması Orta əsrin sonlarına təsadüf edilir.

Sərgi[redaktə | əsas redaktə]

2006-cı ilə sona çatan genişmiqyaslı bərpa işlərindən sonra, binada Görlitz Sileziya muzeyi yerləşmişdi. Burada Silezianın mədəni tarixinin bütün mühüm hadisələrini geniş şəkildə nümayiş olunur. Sərginin dizayn sistemi qiymətli rəsm əsərlərinin ziyarətçilərə tam nümayiş etdirməklə, binanın xüsusi xarakterini göstərməli idi. Sərgi otaqlarının divarlarında yanğın söndürmə balonu istisna olmaqla heç bir şey asıla bilməz. Sərgidəki eksponatlar daxildən işıqlanaraq, xüsusi vitrinin arxasından nümayiş olunur.

Gələcəkdə sərginin 2000 m2 sahəsi mərkəzi istilik sistemi ilə təchiz olunacaqdır.

Sileziya Muzeyi tam olaraq incəsənətə yönəlmişdir. Muzey ümumilikdə 2001-ci ildə "Silezianın axtarışında" adı altında açılmışdı və ilk öncə Şönhofun yanında yerləşən, 350 m² sahəyə malik "Qızılağac evində" (alm. Haus zum Goldenen Baum‎) öz sərgilərini nümayiş etdirirdi. Şəxsi ianələr, Sileziya mədəniyyət qurumunun və xüsusilə Federal Hökumətin daimi krediti vasitəsilə, 12,000-dən çox eksponat Görlitzdə toplanmışdır. "Sileziya Alman Mərkəzi Muzeyinin" əsas xüsusiyyəti onun strukturunda öz əksini tapıb: belə ki, bu obyekt Saksoniya Federal Hökuməti və Sileziya komandası tərəfindən birqə maliyyələşdirilir.

Sileziya muzeyinin daxilindəki sənət əsərləri 2006-cı ildə baş vermiş böyük konsepsiya işləri nəticəsində ziyarətçilərə təqdim olunmuşdu. Bununla belə, muzeyin əsas eksponatlarının tarixi XII əsrdən başlayır və gələn qonaqlara TüringiyaFrankoniya mühacirlərinin Sileziyaya axını barədə bəhz edir. Həmçinin, sərginin kiçik bir hissəsi Krkonoşe dağ massivinin və Breslau (indiki Vrotslav) şəhərinin landşaftı barədə və bu ərazilərdə yaşamış müxtəlif tayfaların mədəniyyəti, dilləri barədə insanlara zəngin məlumat verir.

İstinadlar[redaktə | əsas redaktə]

  1. "Schlesisches-Museum Schönhof". Görlitz-Zgorzelec Europastadt. Montag, 21. September 2015.
  2. "Görlitz - Schönhof in der Brüderstraße". Quermania.de.

Xarici keçidlər[redaktə | əsas redaktə]