Şövkət Ələkbərova

Şövkət Ələkbərova
Ümumi məlumatlar
Doğum tarixi	20 oktyabr 1922
Doğum yeri	Bakı, Bakı qəzası, Azərbaycan SSR, ZSSRFİ
Vəfat tarixi	7 fevral 1993 (70 yaşında)
Vəfat yeri	Bakı, Azərbaycan
Dəfn yeri	Fəxri xiyaban
Vətəndaşlığı	SSRİ Azərbaycan
Milliyyəti	azərbaycanlı
Musiqiçi məlumatları
Fəaliyyəti	müğənni
Fəaliyyət illəri	1937–1992
Janr	klassik musiqi
Musiqi aləti	kamança[d]
Mükafatları

Şövkət Feyzulla qızı Ələkbərova (20 oktyabr 1922(1922-10-20), Bakı – 7 fevral 1993(1993-02-07), Bakı) — Azərbaycan müğənnisi, Azərbaycan SSR xalq artisti (1959).

Həyatı

Şövkət Ələkbərova 1922-ci il oktyabrın 20-də Bakıda anadan olmuşdur. Asəf Zeynallı adına Musiqi Məktəbində Hüseynqulu Sarabskinin sinfini bitirdiktən sonra səhnə yaradıcılığına başlamışdır.

1938–1945-ci illərdə Azərbaycan Dövlət Mahnı və Rəqs Ansamblının solisti olmuşdur. 1945-ci ildən etibarən Azərbaycan Dövlət Filarmoniyasının solisti işləmişdir. Şövkət Ələkbərovanın ifaçılığı üçün yüksək vokal mədəniyyəti, emosionallıq və lirizm, muğam yaradıcılığı üçün isə məharətli improvizasiya bacarığı səciyyəvi idi.

1937-ci ildə bədii özfəaliyyət kollektivlərinin müsabiqəsində iştirak etmiş və öz çıxışı ilə Üzeyir Hacıbəyov, Səid Rüstəmov, Bülbül kimi sənətkarların diqqətini cəlb etmişdir. Opera Teatrında keçirilən yekun konsertdə Şövkət Ələkbərova "Qarabağ şikəstəsi"ni oxumuş və Fatma Mehrəliyeva və Gülağa Məmmədovla birlikdə ilk üçlüyə daxil olmuşdur. Bu müsabiqə Şövkət Ələkbərovanın peşəkar musiqi sənətinə gəlişinin əsasını qoydu. 1945-ci ildən Filarmoniyanın solisti kimi işə başlayan Şövkət Ələkbərovanın ifasında səslənən xalq mahnıları, muğamlar, bəstəkar mahnıları Azərbaycanda çox böyük məşhurluq qazanır.

SSRİ-nin bir çox şəhərlərində, Fransa, İsveçrə, Şri-Lanka, Əfqanıstan, Hindistan, Misir, Əlcəzair, İran, Türkiyə, Polşa və digər xarici ölkələrdə uğurla çıxış edən Şövkət Ələkbərovanın repertuarına Segah, Qatar, Şahnaz kimi muğamlar, Azərbaycan bəstəkərlarının və Orta Şərq xalqlarının mahnıları daxil idi.

Repertuarı

• Axşam
• Ayrılıq
• Gəl səhərim
• Bir könül sındırmışam
• Dərələr
• Sən mənim, mən sənin
• Sənsən ürəyim
• Tez gəl

Filmoqrafiya

İştirak etdiyi filmlər

• Doğma xalqıma (film, 1954) (tammetrajlı bədii film)
• Payız konserti (film, 1962) (qısametrajlı bədii film)
• Oxuyur Şövkət Ələkbərova (film, 1970) (qısametrajlı sənədli televiziya film-konserti)
• Azərbaycan elləri (film, 1976) (qısametrajlı sənədli televiziya film-konserti)
• Səs (film, 1988) (qısametrajlı sənədli film)

Mahnı ifa etdiyi filmlər

• Görüş (film, 1955) (tammetrajlı bədii film)
• Mahnı belə yaranır (film, 1957) (tammetrajlı bədii film)
• Qızmar günəş altında (film, 1957) (tammetrajlı bədii film)
• Kölgələr sürünür (film, 1958) (tammetrajlı bədii film)
• Ögey ana (film, 1958) (tammetrajlı bədii film)
• Onu bağışlamaq olarmı? (film, 1959) (tammetrajlı bədii film)
• Aygün (film, 1960) (tammetrajlı bədii film)
• Koroğlu (film, 1960) (tammetrajlı bədii film)
• İyirmialtılar (film, 1966) (tammetrajlı bədii film)
• Mücrü (film, 1973) (qısametrajlı bədii film)

İfasından istifadə olunan filmlər

• Şəki (film, 1977) (qısametrajlı sənədli film)
• Dmitrov küçəsi 86 (film, 2015) (qısametrajlı bədii film)

Mənbə

• Mustafa Çəmənli. "Şövkət Feyzulla qızı Ələkbərova" //Odlar yurdu.- 1993,- 20 fevral.- № 5–6.- səh. 2.
• Tahir, R. "Unudulmaz müğənni" [Şövkət Ələkbərova — 80] //Xalq.- 2002.- 29 noyabr.

Xarici keçidlər

• Şövkət Ələkbərovanın doğum günüdür
• Şövkət Ələkbərova — Gedək üzü küləyə (mus: Elza İbrahimova )
• Qarabağ Mahnısı (1970)
• Gecə yaman uzundur
• Çay
• Ana
• İlk bahar
• Axşam mahnısı
• Qaragilə
• Bir könül sındırmışam
• Ağ çiçək
• Dərələr