Şövkət Ağayev
| Şövkət Ağayev | |
|---|---|
| azərb. Şövkət Həsənoviç Ağayev | |
 | |
| Doğum tarixi | 14 dekabr 1936 |
| Doğum yeri | |
| Vəfat tarixi | 20 yanvar 1990 (53 yaşında) |
| Vəfat yeri | |
| Vəfat səbəbi | "20 Yanvar Şəhidi" |
| Vətəndaşlığı |
 SSRİ |
| Atası | Həsən |
| Anası | Rəhimə |
| Milliyyəti | azərbaycanlı |
| Fəaliyyəti | Hüquqşünas, hakim, vəkil |
Şövkət Ağayev (tam adı: Şövkət Həsənoviç Ağayev; 14 dekabr 1936, Bakı, Azərbaycan SSR, SSRİ – 20 yanvar 1990, Bakı, Azərbaycan SSR, SSRİ) — Qanlı Yanvar şəhidi.[1]
Həyatı[redaktə | mənbəni redaktə et]
Şövkət Ağayev 1936-cı il 14 dekabr tarixində Bakıda anadan olmuşdur. Əslən qarabağlı idi. Anası Rəhimə xanım əslən Osetiyadan, atası Həsən bəy isə içərişəhərli olmuş, 70-ci illərdə Azərbaycan Tibb Universitetinin göz xəstəlikləri kafedrasının müdiri vəzifəsində çalışmışdır.[2]. Şövkət Ağayev əvvəlcə Bakıda 18 nömrəli məktəbi bitirmiş, sonra BDU-da hüquq fakültəsində təhsil almışdır. Təhsilini bitirdikdən sonra, əvvəlcə hüquqşünas, sonra keçmiş Orconokidze rayonunda (indiki Suraxanı rayonunda) xalq hakimi, daha sonra isə Poladtökmə zavodunda vəkil işləmişdir.[3] 1983-cü ildə ailə həyatı qurmuş, ailə həyatından bir qızı yadigar qalmışdır.[2]
Qanlı Yanvar faciəsi[redaktə | mənbəni redaktə et]
19 yanvar 22:00 radələrində XI Qızıl Ordu meydanına getmək üçün evdən çıxmış və bir daha geri qayıtmamışdır. Binəqədi Rayon Məhkəməsinə itkin düşməsilə bağlı ailəsi tərəfindən müraciət edilmiş, Məhkəmənin 22 may 1996-cı il qətnaməsilə Şövkət Ağayevin xəbərsiz itkin düşməsi elan olunmuşdur.[4]. Ailəsi tərəfindən şəhid statusu alması üçün müraciətlər yalnız itkin düşdüyü tarixdən 27 il sonra — 2017-ci ildə "20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 2 avqust 2017-ci il tarixli 3140 saylı Sərəncamından sonra müsbət başa çatmışdır.[1]
Həmçinin bax[redaktə | mənbəni redaktə et]
- "20 Yanvar Şəhidi" fəxri adı alanların siyahısı
- Azərbaycan Respublikasının Azadlıq uğrunda mübarizlərinin siyahısı
- Şəhidlər Xiyabanında dəfn olunanlar
İstinadlar[redaktə | mənbəni redaktə et]
- ↑ 1,0 1,1 ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 2 avqust 2017-ci il tarixli 3140 saylı Sərəncamı". 2022-08-17 tarixində arxivləşdirilib. İstifadə tarixi: 2022-09-02.
- ↑ 2,0 2,1 "Məzarsız şəhid, yaxud itkin düşmüş arzular…". 2022-09-02 tarixində arxivləşdirilib. İstifadə tarixi: 2022-09-02.
- ↑ "27 ildən sonra Şəhid statusu alan Şövkət Ağayevin ailə dramı — FOTO". 2022-09-02 tarixində arxivləşdirilib. İstifadə tarixi: 2022-09-02.
- ↑ "20 yanvar hadisələrində itkin düşən Bakı sakini — Ailəsi ona ŞƏHİD statusu istəyir". 2022-09-02 tarixində arxivləşdirilib. İstifadə tarixi: 2022-09-02.