Məzmuna keç

Şəfəq Nasir

Keçid əlavə et
Vikipediya, azad ensiklopediya
Şəfəq Nasir
Doğum tarixi 25 iyun 1954(1954-06-25) (72 yaş)
Doğum yeri
Elmi dərəcəsi
  • filologiya üzrə fəlsəfə doktoru[d]
İş yerləri
Təhsili
Üzvlüyü

Şəfəq Nasir (Şəfəq Oqtay qızı Məmmədova; 25 iyun 1954, Beyləqan rayonu) — Azərbaycanlı jurnalist, yazıçı və publisist, mətbuat tədqiqatçısı, filologiya üzrə fəlsəfə doktoru. Qərbi Azərbaycan İcması Ziyalılar şurasının, Azərbaycan Jurnalistlər Birliyinin (1985) və Azərbaycan Yazıçılar Birliyinin (1998) üzvü.

Həyatı

[redaktə | vikimətni redaktə et]

25 iyun 1954-cü ildə Beyləqan rayonunda müəllim ailəsində doğulub. 1971-ci ildə orta məktəbi, 1976-cı ildə isə Azərbaycan Dövlət Universitetinin Jurnalistika fakültəsini bitirib.[1]

Əmək fəaliyyətinə 1974-cü ildə "Gənclik" nəşriyyatında başlamış, 20 il redaktor, şöbə müdiri vəzifələrində çalışmışdır. 1992–1994-cü illərdə "Təhsil" nəşriyyatında baş redaktor vəzifəsində işləmişdir.

1995–2015-ci illərdə Azərbaycan Respublikası Mərkəzi Seçki Komissiyası Katibliyi Aparatında Ümumi məsələlər qrupunda böyük məsləhətçi, Sənədlərlə iş və protokol şöbəsinin müdiri, "Azərbaycan Respublikası Mərkəzi Seçki Komissiyasının xəbərləri" jurnalının redaksiya qrupunda qrup rəhbəri – redaktor, Media və ictimai əlaqələr şöbəsində Baş məsləhətçi vəzifələrində çalışmışdır.

2016–2021-ci illərdə "Respublika" qəzetində Humanitar siyasət redaksiyasının müdiri vəzifəsində işləmişdir.

Filologiya üzrə fəlsəfə doktorudur. 12 bədii, publisistik və elmi kitab, 500-dən çox elmi, publisistik və tədqiqat xarakterli məqalələrin, tərtib və ön sözün müəllifidir.[2]

Qərbi Azərbaycan İcması Ziyalılar şurasının, Azərbaycan Jurnalistlər Birliyinin (1985) və Azərbaycan Yazıçılar Birliyinin (1998) üzvüdür.

3 dekabr 2024-cü ildə Azərbaycan Mətbuat Şurasında 70 illik yubileyi ilə bağlı toplantı keçirilmişdir.[3]

Kitabları

[redaktə | vikimətni redaktə et]
  • Gecə yağışı (nəsr). Bakı. Yazıçı. 1988. 128 səh.
  • Beyləqanın güllü yazı (nəsr). Bakı. Gənclik. 1991. 206 səh.
  • Ciddi söhbət. (publisistika). Bakı. Günəş. 1999. 248 səh.
  • Bir ömrün üç bucağı (nəsr). Bakı. Şirvannəşr. 2004. 260 səh.
  • Məmmədəli Nasir (monoqrafiya). Bakı. Nurlar. 2013. 176 səh.
  • Könüllərə şəfəq payı (publisistika). Bakı. Nurlar. 2014. 376 səh.
  • Bürhani-həqiqət (transliterasiya). Bakı. Bakı mətbəəsi. 2017. 172 səh.
  • Sözümdən ocaq çatdım (publisistika). Tehran. 2019
  • XX–XXI əsrlərin qovşağında Milli mətbuatın çətin və şərəfli mübarizəsi (ədəbi qeydlər). Bakı. Nurlar. 2020. 80 səh.
  • Ləklək (transliterasiya). Bakı. Bakı mətbəəsi. 2020. 148 səh.
  • Məmmədəli Nasirin "Seçilmiş əsərləri" Bakı. Bakı mətbəəsi. 2024. 388 səh.
  • İdrak işığında (publisistika). Bakı. Bakı mətbəəsi. 2024. 516 səh.[4]

Təltifləri

[redaktə | vikimətni redaktə et]
  • Həsən bəy Zərdabi (1998)
  • Mətbuat Şurası. Diplom (2014)
  • Mətbuat Şurası. Diplom (2024)
  • Prezident mükafatçısı (2019)
  • Rəsul Rza mükafatı (2024)
  • Azərbaycan milli mətbuatının 150 illik medalı (2025)

İstinadlar

[redaktə | vikimətni redaktə et]
  1. ↑ Albalıyev, Şakir. "Gözdən-könüldən süzülənlər". 9 fevral 2018. 26 may 2026 tarixində arxivləşdirilib. İstifadə tarixi: 26 may 2026.
  2. ↑ Şahin, Şahnaz. "Ömür xətti". 11 iyul 2024. 26 may 2026 tarixində arxivləşdirilib. İstifadə tarixi: 26 may 2026.
  3. ↑ "Jurnalist, yazıçı və publisist Şəfəq Nasirin 70 illik yubileyi qeyd edilib". 3 dekabr 2024. 26 may 2026 tarixində arxivləşdirilib. İstifadə tarixi: 26 may 2026.
  4. ↑ "Qərbi Azərbaycan İcmasında tədqiqatçı Şəfəq Nasirin yeni kitablarının təqdimatı olub". 23 may 2026. İstifadə tarixi: 26 may 2026.
Mənbə — "https://az.wikipedia.org/w/index.php?title=Şəfəq_Nasir&oldid=9028163"