Şəfiqə Məhərrəmova

Vikipediya, açıq ensiklopediya
Jump to navigation Jump to search
Şəfiqə Məhərrəmova
Avşarova Şəfiqə Məşədi Ələsgər qızı
Şəfiqə Məhərrəmova.JPG
Doğum tarixi 1 iyul 1925(1925-07-01)
Doğum yeri İrəvan, Ermənistan SSR
Vəfat tarixi 22 mart 2014 (88 yaşında)
Vəfat yeri Bakı, Azərbaycan Azərbaycan
Həyat yoldaşı Məhərrəmov Məmmədəli Məmmədcəfər oğlu (1923-1989)
Uşaqları Abel Məhərrəmov
Adil Məhərrəmov
Rauf Məhərrəmov
Məhərrəm Məhərrəmov
Atası Məşədi Ələsgər
Milliyyəti Azərbaycanlı
Təhsili İrəvan Azərbaycanlı Pedaqoji Texnikumu
Mükafatları Ermənistan SSR-in Əməkdar Müəllimi.

Şəfiqə Məhərrəmova (Avşarova)Ermənistan SSR-nin Əməkdar müəllimi (1978)[1]

Həyatı[redaktə | əsas redaktə]

Məhərrəmova Şəfiqə Əsgər qızı 1925-ci il iyulun 1-də İrəvan şəhərində dövrünün tanınmış ziyalısı Məşədi Ələsgərin ailəsində anadan olub. Şəfiqə xanım Məhərrəmova Böyük Vətən müharibəsinin qızğın günlərində İrəvan Azərbaycanlı Pedaqoji Texnikumunu bitirib. O, 1942-cü ildə Respublika Maarif Nazirliyinin əmri ilə bir sıra məzunlarla birlikdə səfərbər olunaraq Amasiya rayonuna müəllim kimi işləməyə göndərilib. O, Amasiyanın bir çox kəndlərində, o cümlədən rayonun ən böyük kəndi olan Güllbulaq kəndində müəllimlik edib[2].

Ermənistan azərbaycanlılarının Ermənistandan 1948-ci il deportasiyası zamanı Şəfiqə xanım ailəsi ilə birlikdə əvvəlcə Saatlı, Sabirabad, Xocavənddə yaşayıblar. Daha sonra ailə Ağdam şəhərinə köç ediblər. Beləliklə, 1950-ci il yanvarın 5-də Abel Məhərrəmov Ağdam şəhərində anadan olub. Aranın hava şəraitinə uyğunlaşa bilmədiklərindən ailə 1956-cı ildə yenidən Ermənistana köçüblər. Ermənistana qayıdanda ermənilər İrəvanda olan evlərini Məmmədəli müəllimə verməyiblər. Ailə məcbur olub Amasiya rayonunun Güllübulaq kəndində məskunlaşıblar. Şəfiqə Məhərrəmovanın həyat yoldaşı Məmmədəli müəllim Güllübulaq məktəbinin riyaziyyat müəllimi, sonralar isə məktəbin direktoru olub. Şəfiqə xanım özü də məktəbdə müəllimə olub[3].

Şəfiqə xanım Qərbi Azərbaycanın Amasiya rayonunun müxtəlif kəndlərində, o cümlədən Güllübulaq kənd orta məktəbində ibtidai sinif müəllimi kimi çalışıb, böyük bir alimlər ordusunun, kimyaçılar və həkimlər nəslinin, müxtəlif peşə sahiblərinin yetişməsində müstasna rol oynayıb. Uzun illər pedaqoji fəaliyyətlə məşğul olmuş Şəfiqə xanım 24 yanvar 1978-ci ildə Ermənistan SSR-in “Əməkdar müəllimi” adını almışdır.[4]

2014-cü ilin mart ayında vəfat etmişdir.

Ailəsi[redaktə | əsas redaktə]

Şəfiqə xanım dörd qardaşın yeganə bacısı olub. Nadir şahın sülaləsini İrəvan xanlığında təmsil edən Avşarlar nəsli İrəvanda öz nüfuzlari ilə seçilib, tanınıb. Şəfiqə xanımın atası Məşədi Ələsgər, nənəsi Hacı Səkinə, babası Hacı Mehdi maarifpərvər, dövrünün tanınımış ziyalısı kimi İrəvan elitasının nüfuzlu nümayəndələrindən olublar[2].

Həyat yoldaşı Məhərrəmov Məmmədəli Məmmədcəfər oğlu 1923-cü ildə anadan olub. 1989-cu ildə Moskva şəhərində vəfat etmiş, Abşeron rayonunun Mehdiabad qəsəbəsində dəfn olunmuşdur.

İstinadlar[redaktə | əsas redaktə]

  1. Modern.az. "Abel Məhərrəmovun anasının yas mərasimi Təzə Pirdə olacaq" (azərb.). modern.az (25.03.2014, 17:47).
  2. 2,0 2,1 Modern.az. "Unudulmaz insan" (azərb.). modern.az (03.2014).
  3. Amin Səfərli. "Güllübulaqlı gənc kimyagər....." (azərb.). press.bsu.edu.az ("Elçi" qəzeti, 10-16 oktyabr 2010-cu il).
  4. Ermənistan azərbaycanlılarının tarixi coğrafiyası, Bakı, «Gənclik», 1995. səh.444. ISBN 5-8020-0852-0

Həmçinin bax[redaktə | əsas redaktə]