Şərafət Şəfa

Vikipediya, azad ensiklopediya
Jump to navigation Jump to search
Şərafət Şəfa
Şərafət Kəraməddin qızı Muquzova
Şərafət Şəfa.jpg
Şərafət Şəfa
Doğum tarixi (46 yaş)
Doğum yeri Qax rayonu, Qum
Atası Kəraməddin
Milliyyəti azərbaycanlı
Təhsili ali
Fəaliyyəti jurnalist

Şərafət Şəfa — jurnalist, şairə, publisist 2005-ci ildən "Yeni Liqa" həftəlik qəzetinin və "Pak-Azeri nyus" jurnalının təsisçisi və baş redaktoru -Azərbaycan Yazıçılar İttifaqının, Azərbaycan Jurnalistlər Birliyinin, Azərbaycan Veteranlar Təşkilatının üzvüdür.

Şərafət Kəmaləddin qızı Muquzova 28 may 1974-cü ildə Qax rayonunun Qum kəndində anadan olmuşdur. 1990-cı ildə Qum kənd orta məktəbini əla qiymətlərlə bitirmiş, həmin il Bakı Məişət Xidməti Texnikumuna daxil olmuş, tam kursu bitirmişdir. Sonra isə N.Tusi adına Azərbaycan Dövlət Pedaqoji Universitetinin dil-ədəbiyyat fakultəsinin qiyabi şöbəsinə daxil olmuşdur. Uşaqlıqdan ədəbiyyat vurğunudur. "Bir taleyin yollarında", "Yasəmənlər açanda", "Günahkar" adlı əsərlərin, şeir, poema yüzlərlə məqalə və oçerklərin müəllifidir.

Azərbaycan Dövlət Televiziyasında müxbir, müxtəlif qəzetlərdə redaktor, baş redaktor vəzifələrində çalışmışdır. 2005-ci ildən "Yeni Liqa" həftəlik qəzetinin, "Pak-Azeri nyus" jurnalının təsisçisi və baş redaktorudur. "Turan +" MMC-nin sədridir. Azərbaycan Jurnalistlər Birliyinin, Azərbaycan Yazıçılar Birliyinin, Azərbaycan Mətbuat Şurasının, Yeni Azərbaycan Partiyasının, Azərbaycan Ağsaqqallar Şurası, "Azad Qələmlər Cəmiyyət"inin , Dünya Azərbaycanlıları Yazarlar İttifaqının üzvüdür. Bir çox xeyriyyə marafonlarının təşkilatçısı, ideya və layihələrin müəllifidir. Tarixi araşdırmalarla məşğuldur.

KİVİHİ-nin qərarı ilə "Qızıl qələm", "Xalqın nüfuzlu ziyalısı", "Ustad sənətkar" mükafatlarına, ictimai xidmətlərinə görə bir çox təşəkkürnamə və diplomlara layiq görülmüşdür.

Vətənpərvər xidmətlərinə görə “Vətən naminə” medalına layiq görülüb.

Şəfa təxəllüsü ilə tanınır.

2001-220-ci illər Azərbaycan Ağsaqqallar Şurasının mətbuat xidmətinin əməkdaşı kimi fəaliyyət göstərib. Hal-hazırda Agsaqqallar.az saytının baş redaktoru, həftəlik dərc olun Türk Dünyası Ağsaqqaları (qəzeti)nin baş redaktor müavinidir.

3 övladı, 3 nəvəsi var.

İstinadlar[redaktə | əsas redaktə]