Şərur Türk Liseyi
| Şərur Türk Liseyi | |
|---|---|
 | |
| Əsası qoyulub | 1994 |
| Ölkə | |
Şərur türk liseyi, Akademik Mahmudov adına Şərur Türk Liseyi — 1994-2014-cü illər arasında Şərurda fəaliyyət göstərmiş lisey. Naxçıvan Türk liseylərinin Şərur filialı idi.[1]
Naxçıvan Türk liseyleri[redaktə | mənbəni redaktə et]
Naxçıvan Türk liseyleri 1992-ci il oktyabr ayında, Ümumilli lider Heydər Əliyevin 1991 ci il noyabr ayında imzaladığı sərəncam əsasında [2]fəaliyyətə başlamışdır. Naxçıvan Türk liseyləri dünyada türkiyə hüdudları xaricində fəaliyyət göstərən ilk türk liseyi olmuşdur. Zaman Təhsil şirkətinin nəzdində fəaliyyət göstərmiş və Naxçıvanda 3 təhsil müəssisəsi – Naxçıvan Türk liseyi, Şərur Türk liseyi və Ordubad Qız liseyi olaraq fəaliyyətdə olmuşdur.[3] Naxçıvan Türk liseylərində ümumilikdə 21i Türkiyədən, 46sı Azərbaycandan olmaqla toplamda 67 müəllim çalışmışdır.[4]
Şərur Türk Liseyinə qəbul[redaktə | mənbəni redaktə et]
Naxçıvan Türk liseylərinin Şərur filialı olan Akademik Mahmudov adına Şərur Türk Liseyi 1994-2014-cü illər arasında Şərurda fəaliyyət göstərmişdir. Liseyə qəbul imtahan əsasında olmuşdur. İmtahanda 6cı sinifi bitirən hər bir şagirdin iştirak edə bilməsi nəzərdə tutulmuşdur. İmtahan riyaziyyat, məntiq və ana dili fənlərinə dair 100 sualdan ibarət olmuşdur. Qəbul imtahanlarında maksimum nəticə 2008-ci ildə qeydə alınmışdır.
Təhsil[redaktə | mənbəni redaktə et]
Liseydə tədris dili Azərbaycan dili olmuşdur və xarici dil kimi məcburi olaraq ingilis və türk dilləri tədris olunmuşdur. Tədris mərhələsində həm Türkiyədən, həm də Azərbaycandan olan müəllimlər iştirak etmişdir.Tədris mərhələsində müasir tədris metodlarından və vasitələrindən istifadə olunmuşdur. Tədris otaqları komputerlərlə və projektorlarla təmin olunmuş və müasir təhsil standartlarına tam cavab vermişdir.Həmçinin korpusun bütün otaqlarında elektron lövhe üçün şerait var.Bütün fenlerin kabinetleri fealiyyet göstermişdir.
Kampus[redaktə | mənbəni redaktə et]
Lisey kampusu 2 ədəd 4 mərtəbəli tədris binası, 3 mərtəbəli yataqxana və idman zalından ibarətdir.Fəaliyyətdə olduğu müddət ərzində kampus 24 saat lisey rəhbərliyi tərəfindən kameralarla nəzarət altında saxlanılmışdır.
Lisey nəzdində müasir standartlara cavab verən yataqxana fəaliyyət göstərmiş, bu da kənar rayonlardan gələn şagirdlərin yerlə təminatı problemini tam aradan qaldırmışdır. Yataqxananın verdiyi xidmətlərə gündə 3 dəfə yemək, camaşırxanadan və video otaqlarından istifadə və s. də daxil olmuşdur. Lisey şagirdlərinin 85 faizi yataqxana xidmətlərindən yararlanmışdır. Yataqxana xidmətləri üçün illik qiymət 200 AZN olmuşdur.
Uğurları[redaktə | mənbəni redaktə et]
Fəaliyyətdə olduğu müddət ərzində məktəbin şagirdləri hər il beynəlxalq fənn olimpiadalarında və idman turnirlərində çıxış etmişlər. Qatıldığı yarışmalar və olimpiadalarda ŞTL Azərbaycan daxilində fəaliyyət göstərən 5 min lisey arasında 5ci sırada yer almışdır.[5] Medalların əksəriyyəti riyaziyyat, fizika, kimya və bu fənlər üzrə olan müvafiq layihə olimpiyadalarında qazanılmışdır. 2009-cu ildə Türkdilli ölkələrin Naxçıvan sammiti zamanı Türkiyə Respublikası prezidenti Abdullah Gül liseyi ziyarət etmiş və keçirilən tədbirdə həmin il uğur qazanmış lisey şagirdlərini şəxsən mükafatlandırmışdır.
Əlavə maraqlar[redaktə | mənbəni redaktə et]
Liseydə futbol, voleybol, basketbol, tennis, stolüstü tenis şahmat,trenajor, lanqırd klubları da fəaliyyət göstərmişdir.Liseyin idman komandaları qatıldıqları bir çox yarışları qələbə ilə başa vurmuşlar.Liseyin basketbol komandası qatıldığı Azərbaycan Super Liqasını 3cü olaraq başa vurub. Komandanın adı Naxçıvan Türk Liseyi-Tudor (NTL-Tudor) olmuşdur. Bu komandaya Azərbaycanın məşhur çay markası Tudor sponsorluq etmişdir və komanda Azərbaycan Super liqasında iştirak edən tek lisey komandası olmuşdur.[6]
Bağlanması[redaktə | mənbəni redaktə et]
Şərur Türk liseyinin fəaliyyəti, Azərbaycanda bütün digər türk məktəbləri kimi, 2014-cü ilin avqust ayında dayandırılmışdır.
İstinadlar[redaktə | mənbəni redaktə et]
- ↑ Naxçıvan Ensiklopediyası. II cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 316. ISBN 5-8066-1468-9.
- ↑ "Arxivlənmiş surət". 2016-11-11 tarixində orijinalından arxivləşdirilib. İstifadə tarixi: 2017-06-11.
- ↑ Naxçıvan Türk Liseyləri
- ↑ http://www.haber10.com/yasam/nahcivandaki_turk_liselerinin_basarisi-329457[ölü keçid]
- ↑ http://www.haber10.com/yasam/nahcivandaki_turk_liselerinin_basarisi-329457[ölü keçid]
- ↑ "Arxivlənmiş surət". 2016-11-11 tarixində orijinalından arxivləşdirilib. İstifadə tarixi: 2017-06-11.