Şәrq başlıqotu

Vikipediya, açıq ensiklopediya
Keçid et: naviqasiya, axtar

Şәrq başlıqotu - Scutellaria orientalis L.

Hündürlüyü 25-30 sm-ə qədər olan, gövdəsi çoxsaylı, əsasında qalxan və ya aşağı hissədən yayılmış, bəzən düzdür, qısa sıx tüklü yarımkol ot bitkisidir.

Yarpaq[redaktə | əsas redaktə]

Yarpaqları saplaqlıdır, uzunluğu 4-20 mm, eni 4-15 mm-dir, yumurtaşəkilli, yumurtaşəkilli-üçbucaq və ya uzunsovyumurtaşəkillidir, uzunsov formaya qədər dəyişir, qaidə hissəsində kəsilmiş və ya zəif ürəkşəkillidir, kənarları qismən dərin, bəzən çox dərin dairəvi dişlidir, oval, uzunsov bəzən demək olar ki, xətvari dişlidir, üst tərəfdən tündyaşıl rəngli, səpələnmiş qısa və basıq xırda tüklü və ya demək olar ki, çılpaqdır, alt tərəfdən nazik basıq ağ keçə tüklü və ya ağımtıldır.

Çiçək[redaktə | əsas redaktə]

Çiçək qrupu 5-6 sm-ə qədər uzunluqdadır, sıx və yaxud seyrəkdir. Tac iridir, uzunluğu 2,5-3 sm-dir, parlaq-sarı rəngdədir, xaricdən tüklü, bəzən çılpaqdır.

Meyvə[redaktə | əsas redaktə]

Fındıqcalar 1,5 mm uzunluqdadır, yumurtaşəkilli və ağımtıldır.

Çiçəkləməsi[redaktə | əsas redaktə]

(Aprel) May-İyul

Meyvə verməsi[redaktə | əsas redaktə]

İyun-Sentyabr Azərbaycanda yayılması: BQ (Quba –cənub-şərqdə), BQ şərq, BQ qərb, Qobustan, Abşeron, Kür düz. Aşağı dağ qurşağından, orta, bəzən yuxarı dağ qurşağına qədər.

Yaşayış mühiti[redaktə | əsas redaktə]

Quru gilli və daşlı yamaclarda, qayalarda və töküntü yerlərdə, meşələrdə və kolluqlarda, otlaqlarda, çayın quru yatağında, bəzən bağlarda və əkin sahələrinin kənarlarında rast gəlinir.

Təsərrüfat əhəmiyyəti[redaktə | əsas redaktə]

Quraqlığa davamlı dekorativ bitkidir.

Mənbə[redaktə | əsas redaktə]

Eldar Şükürov. İsmayıllı rayonu meşə bitkilərinin bələdçi kitabı,Bakı 2016