Şahlar Xəlilov

Vikipediya, açıq ensiklopediya
Jump to navigation Jump to search
Picto infobox character.png
Şahlar Xəlilov
Şahlar İsa oğlu Xəlilov
Fotoqrafiya
Doğum yeri Laçın rayonu
Vətəndaşlıq Azərbaycan
Elmi dərəcəsi Fizika-riyaziyyat elmləri namizədi

Şahlar İsa oğlu Xəlilov - Fizika-riyaziyyat elmləri namizədi

Həyatı[redaktə | əsas redaktə]

Şahlar İsa oğlu Xəlilov 1948-ci ilin aprel ayının 10-da Laçın rayonunun Ərəb kəndində anadan olmuşdur.

1954-58 ci illərdə Unannovu ibtidai məktəbində, 1958-62 ci illərdə Ağanus səkkizillik məktəbində, 1962-65 ci illərdə Laçın Şəhər 1 № li onbirillik məktəbində təhsil almışdır.

1966 -cı ildə indiki Bakı Dövlət Universitetinin Mexanika-Riyaziyyat fakultəsinin qiyabi şöbəsinə daxil olub. 1966-67 ci illərdə Mığıdərə kənd orta məktəbində laboratoriya müdiri vəzifəsində işləmişdir. 1968-ci ildə isə indiki Azərbaycan Dövlət Pedaqoji Universitetinin Fizika-Riyaziyyat fakultəsinin Riyaziyyat şöbəsinə əyani daxil olub, 1972-ci ildə orani bitirmişdir.

1972-73 cü tədris ilində Laçın rayonu Zabux kənd səkkizillik məktəbində muəllim işləmişdir. 1973-74 cü illərdə həqiqi hərbi xidmətdə olmuşdur. 1974-75 ci illərdə Rayonun İrçan səkkizillik və Mığıdərə orta məktəblərində müəllim, 1975-ci ilin sentyabr ayından 1976-cı ilin yanvar ayına kimi İrçan səkkizillik məktəbində direktor, 1976-cı ilin yanvar ayından 1982-ci ilin mart ayına kimi Mığıdərə kənd orta məktəbində direktor vəzifəsində işləmişdir. 1982-ci ilin mart ayından 2007-ci ilin fevral ayına kimi indiki Azərbaycan Müəllimlər İnstitinda (keçmiş Azərbaycan Mərkəzi Müəllimlər İnstitutu) metodist, müdir, fakultədə dekan əvəzi, dekan vəzifələrində işləmişdir. Bir neçə il İnstitutun Xalq Nəzarət Komitəsinin sədri vəzifəsində işləmişdir. 2007-ci ilin fevral ayından 2012-ci ilin fevral ayına kimi Laçın rayon Təhsil Şöbəsinin müdiri vəzifəsində işləmişdir. 2012-ci ilin mart ayından 2014- cü ilin oktyabr ayına kimi rayonun Binə qəsəbəsində yerləşən 46 № li tam orta məktəbində direktor vəzifəsində işləmişdir. O, təhsilin idarə olunması, məktəblərdə təlim-tərbiyə prosesinin təkmilləşdirilməsi və riyaziyyatın tədrisi ilə əlaqədar bir çox məqalə və kitabın müəllifidir. Azərbaycan Təhsil Sistemində minlərlə pedaqoji kadrların hazırlanması, ixtisasının artırılması və onların işinin təkmilləşdirilməsi sahəsində onun xüsusi xidmətləri olmuşdur. İnstitutda işlədiyi müddətdə rəhbərlik tərəfindən 3 dəfə fəxri fərmanla, Təhsil Şöbəsinin müdiri işlədiyi müddətdə 3 dəfə Rayon İcra Hakimiyyətinin, 1 dəfə Təhsil Nazirliyinin fəxri fərmanı ilə, 2009-cu ildə isə Təhsil Nazirliyi tərəfindən "Respublikanin Qabaqcıl Təhsil İşçisi" döş nişanı ilə təltif olunmuşdur. 2011-ci ilin oktyabr ayında isə Respublika Prezidentinin sərəncamı ilə "Əməkdar Müəllim" fəxri adına layiq görülmüşdür.

Hal-hazirda dövlət qulluqçusu təqaüdçüsüdür.

Həmçinin bax[redaktə | əsas redaktə]

İstinadlar[redaktə | əsas redaktə]

  • [mylachin.wordpress.com/2010/05/13/izi-qalmis-lacinlilar/ ]