Şahrux Xanın aldığı mükafatların və nominasiyaların siyahısı
Şahrux Xan (2 noyabr 1965) ən çox hallarda Shah Rukh Khan, rəsmi olaraq isə SRK kimi göstərilən məşhur hind aktyorudur. "Bollivudun Kralı" kimi tanınan aktyor 70-dən çox hind filmində yer almışdır. O karyerasına 1980-ci illərin sonlarında çəkildiyi bir neçə televiziya serialı ilə başladı. Film karyerasında isə debütü "Dəlisov məhəbbət" (1992) filmində olmuşdur və bu filmdəki roluna görə Filmfare Ən Yaxşı Debüt Mükafatı'na layiq görülmüşdür. Növbəti illərdə o tənqidçilər tərəfindən bəyənilən detektiv janrında olan "Qumarbaz" filmində rol aldı və bu filmdəki roluna görə ilk Filmfare Ən Yaxşı Aktyor Mükafatını qazandı. Xan 15 dəfə Filmfare Mükafatlarına layiq görülmüşdür ki, bunlardan 8-ni Filmfare Ən Yaxşı Aktyor kateqoriyası üzrə almışdır, bununla da Dilip Kumar ilə ən yüksək nəticəni göstərir. O həmçinin "The Star of the Decade Award (Bu Onilliyin Mükafatı Ulduzu)" daxil olmaqla 6 dəfə IIFA Mükafatına, 8 dəfə Zee Cine Mükafatları və bunlardan 6-na Ən Yaxşı Aktyor (həmçinin rekord) kateqoriyası üzrə, 13 dəfə Star Screen Mükafatlarına, 3 dəfə Bollivud Film Mükafatına, 2 dəfə Qlobal Hind Film Mükafatına və Asiya Film Mükafatlarının Ən Yaxşı Aktyor kateqoriyası üzrə bir çox mükafatlarına və nominasiyalarına layiq görülmüşdür.
Xan 1997-ci ildə bir çox milli və beynəlxalq mükafatlar sırasında olan Ən Yaxşı Hindistan Vətəndaşı Mükafatına,[1] 2005-ci ildə isə Padma Şri, Hindistan Hökuməti tərəfindən verilən Hindistanın dördüncü ən yüksək mülki mükafatına layiq görülüb.[2] O həmçinin 2002-ci ildə "Əyləncə Sahəsində Mükəmməllik" nailiyyətlərinə görə Raciv Qandi Mükafatını alıb. 2007-ci ilin aprel ayında aktyorun Londonda yerləşən Madame Tussauds Mum Muzeyində yaşam ölçülərində mum heykəli quraşdırılmışdır. Honk Konq və Nyu Yorkda da heykəlləri vardır.[3][4] Digər bir heykəl eyni ildə Parisdə Qrevin Muzeyində quraşdırılıb.[5] Həmin illər ərzində Fransa hökuməti tərəfindən "inanılmaz karyerasına" görə İncəsənət və Ədəbiyyat Ordeni ilə mükafatlandırılıb.[6] Eyni ildə Xan Datuk adını daşıyan Darjah Mulia Seri Melaka (oxşar olaraq İngilis cəngavərlərində "Ser") adı ilə təltif edilmişdir.[7] O həmçinin 2009-cu ildə Britaniyanın Bedfordşir Universiteti tərəfindən incəsənət və mədəniyyət sahəsinin fəxri doktoru adına layiq görülmüşdür.[8]
Ümumilli uğurları[redaktə | mənbəni redaktə et]
- 1997 — Ən Yaxşı Hindistan Vətəndaşı Mükafatı[1]
- 2002 — Əyləncə Sahəsində Mükəmməllik nailiyyətlərinə görə Raciv Qandi Mükafatı
- 2005 — Padma Şri, Hindistan Hökuməti tərəfindən verilən Hindistanın dördüncü ən yüksək mülki mükafatı
Böyük mükafatlar[redaktə | mənbəni redaktə et]
Filmfare Mükafatları[redaktə | mənbəni redaktə et]
Filmfare Mükafatları hər il Hindistanın Hind dilli film sənayesində həm artistik, həm də texniki mükəmməllik peşəkarlarına təqdim olunan mükafatdır. Mərasim ilk dəfə 1954-cü ildə təşkil olunub və Hindistanda ən gözəl Hind filmlərinə təqdim olunan ən qədim və məşhur mərasimlərdən biridir. Filmfare Mükafatları bir çox hallarda Oskar mükafatı'nın Hindistanda ekvivalenti kimi göstərilir. Xan 15 mükafat alıb, bunlardan 8-nə Ən Yaxşı Aktyor kateqoriyasında layiq görülüb (Dilip Kumar ilə ortaq nəticə). 30 nominasiya içərisində İsveçrə konsulluğunun təqdim etdiyi xüsusi mükafat da vardır.
| İl | Kateqoriya | Film və filmin orijinal adı | Nəticə |
|---|---|---|---|
| 1993 | Ən Yaxşı Debüt | Dəlisov məhəbbət — Deewana | Qazandı |
| 1994 | Ən Yaxşı Aktyor | Qumarbaz — Baazigar | |
| Ən Yaxşı Aktyor | Bəzən hə, bəzən yox — Kabhi Haan Kabhi Naa | Namizəd | |
| Ən Yaxşı Performans üzrə Tənqidçilər Mükafatı | Qazandı | ||
| Ən Yaxşı Mənfi Obraz | Qorxu — Darr | Namizəd | |
| 1995 | Ən Yaxşı Mənfi Obraz | Nəticə — Anjaam | Qazandı |
| 1996 | Ən Yaxşı Aktyor | Cəsur ürək gəlini alar — Dilwale Dulhania Le Jayenge | |
| 1998 | Ən Yaxşı Aktyor | Dəli ürək — Dil To Pagal Hai | |
| Ən Yaxşı Aktyor | Bəli boss — Yes Boss | Namizəd | |
| 1999 | Ən Yaxşı Aktyor | Nə isə baş verir — Kuch Kuch Hota Hai | Qazandı |
| Ən Yaxşı Mənfi Obraz | İki oxşar adam — Duplicate | Namizəd | |
| 2000 | Ən Yaxşı Komediya Rolu | Padşah — Baadshah | |
| 2001 | Ən Yaxşı Aktyor | Aşiqlər — Mohabbatein | |
| Ən Yaxşı Aktyor üzrə Tənqidçilər Mükafatı | Qazandı | ||
| 2002 | Ən Yaxşı Aktyor | Bəzən sevincdə, bəzən kədərdə — Kabhi Khushi Kabhie Gham | Namizəd |
| Ən Yaxşı Film | Asoka — Asoka | ||
| 2003 | Ən Yaxşı Aktyor | Devdas — Devdas | Qazandı |
| 2004 | Ən Yaxşı Aktyor | Sabah açılacaq, yoxsa yox? — Kal Ho Naa Ho | Namizəd |
| 2005 | Ən Yaxşı Aktyor | Vətən — Swades | Qazandı |
| Ən Yaxşı Aktyor | Vir və Zara | Namizəd | |
| Ən Yaxşı Aktyor | Mən yanındayam | ||
| Ən Yaxşı Film | |||
| 2007 | Ən Yaxşı Aktyor | Kabhi Alvida Naa Kehna | |
| Ən Yaxşı Aktyor | Don | ||
| 2008 | Ən Yaxşı Aktyor | İrəli, Hindistan | Qazandı |
| Ən Yaxşı Aktyor | Om Şanti Om | Namizəd | |
| Ən Yaxşı Film | |||
| 2009 | Ən Yaxşı Aktyor | Bu cütlüyü Tanrı yaradıb | |
| 2011 | Ən Yaxşı Aktyor | Mənim adım Xandır | Qazandı |
| Ən Yaxşı Film | Namizəd | ||
| 2012 | Ən Yaxşı Aktyor | Don 2 | |
| Ən Yaxşı Film |
İstinadlar[redaktə | mənbəni redaktə et]
- ↑ 1,0 1,1 "Cinema unplugged, music unleashed". Indian Express. 2008-01-17. İstifadə tarixi: 2012-01-19.
- ↑ Pg.261 – Indian Affairs Annual, Volume 2 :by Mahendra Gaur. Books.google.co.in. 2 April 2015 tarixində arxivləşdirilib. İstifadə tarixi: 24 June 2011.
- ↑ "Bolywood Star Shahrukh Khan". Madametussauds.com. 21 July 2010. 26 September 2010 tarixində orijinalından arxivləşdirilib. İstifadə tarixi: 10 September 2010.
- ↑ "Shah Rukh Khan's wax figure to enter Maddam Tussauds New York". Dnaindia.com. 11 August 2010. 27 September 2010 tarixində arxivləşdirilib. İstifadə tarixi: 10 September 2010.
- ↑ "Shah Rukh Khan Now Live At Madame Tussauds". 2009-04-30 tarixində orijinalından arxivləşdirilib. İstifadə tarixi: 2012-12-16.
- ↑ "Shah Rukh Khan to be honoured by French Govt". Indiafm.com. 21 June 2007. 24 August 2007 tarixində arxivləşdirilib. İstifadə tarixi: 10 September 2010.
- ↑ "Shah Rukh to accept Malaysian Datukship in person". Zee News. 21 October 2008. İstifadə tarixi: 23 October 2008.[ölü keçid]
- ↑ "London calling Dr Shah Rukh!". Timesofindia.indiatimes.com. 28 June 2009. 1 July 2009 tarixində orijinalından arxivləşdirilib. İstifadə tarixi: 10 September 2010. (#invalid_param_val)