Şahverdi xan Ziyadxanov

Vikipediya, azad ensiklopediya
Jump to navigation Jump to search
Şahverdi xan Ziyadxanov
Shahverdi Khan Ziyadkhanov.jpg
Şəxsi məlumatlar
Doğum tarixi 3 oktyabr 1869(1869-10-03)
Doğum yeri
Vəfat tarixi 1919
Vəfat yeri
Hərbi fəaliyyəti
Qoşun növü süvari
Rütbə Rotmistr
Döyüşlər
Təltifləri qılınclı və bantlı 3-cü dərəcəli "Müqəddəs Anna" ordeni 3-cü dərəcəli "Müqəddəs Anna" ordeni qılınclı və bantlı 3-cü dərəcəli "Müqəddəs Stanislav" ordeni 3-cü dərəcəli "Müqəddəs Stanislav" ordeni 4-cü dərəcəli "Müqəddəs Anna" ordeni 4-cü dərəcəli "Müqəddəs Anna" ordeni

Ziyadxanov Şahverdi xan Əbülfət ağa oğlu (3 oktyabr 1869, Yelizavetpol1919, Gəncə) — Çar ordusunun zabiti, İsmayıl xan Ziyadxanovun qardaşı.

Həyatı[redaktə | mənbəni redaktə et]

Şahverdi xan Ziyadxanov 3 oktyabr 1869-cu ildə Gəncə şəhərində anadan olmuşdu. Gəncə gimnaziyasını 1-ci dərəcə ilə bitirmişdi. Sonra Yelisavetqrad yunker məktəbində 2-ci dərəcəni oxumuşdu.

Şahverdi xan xidmətə 29 noyabr 1890-cı ildə 44-cü Nijninovqorod draqun polkunun 3-cü eskadronunda sıravi kimi başlamışdı. 1891-ci ilin 12 avqustunda yunker məktəbinə ezam olunmuşdu. Öncə aşağı sinifi qəbul olunmuş, 14 iyul 1892-ci ildə isə yuxarı sinifə dəyişilmişdi. Məktəbi 1 avqust 1893-cü ildə 2-ci dərəcə ilə bitirib estandert-yunker ünvanı ilə polka qayıtmışdı. 4 sentyabr 1893-cü ildə 5-ci eskadrona təyin olunmuşdu. 15 yanvar 1895-ci ildə kornet rütbəsi almışdı. 29 aprel 1895-ci ildə sapyor, dəmiryol və başqa hərbi sənətləri öyrənmək üçün Qafqaz sapyor briqadasına ezam olunmuşdu. Kursu əla qiymətlərlə tamamlayaraq Qafqaz atlı alayının 2-ci dəstəsinə göndərilmişdi. 1 sentyabrdan 23 okyabra qədər burda qalmışdı. 1896-cı ildə 22 avqustdan 26 okyabra qədər Kuban vilayətinin Armavir kəndində hərbi-atlı alayda ezamiyyətdə olmuşdu. 5 fevral 1897-ci ildə alayın 3-cü eskadronuna keçirilmişdi.1898-ci ilin iyul ayının 14-dən 24-ə dək 2-ci eskadrona müvəqqəti ezam edilmişdi.15 mart 1898-ci ildə poruçik hərbi rütbəsi almışdı. 1898-ci ilin 27 avqustundan 1 oktyabradək Bakıda hərbi-atlı alayda qeydiyyatdan keçmişdi. Ordan da iki dəfə (birinci dəfə 11–13 oktyabr 1899, ikinci dəfə 18 sentyabrdan 9 noyabr 1900-cü ilədək) müvəqqəti 6-cı eskadrona ezam olunmuşdu. 1902-ci il iyunun 15–23-ü arası Aleksandropola zabitlərin hərbi-səhra səfərinə ezam olunmuşdu. Orda 1903-cü ili mayın 3–23-ü arası keçirilən hərbi-atlı qeydiyyata düşmüşdür. 1903-cü ilin 15 martında ştabs-rotmistr rütbəsi almışdı. Elə həmin ilin 29 mayından 1 iyunadək 2-ci eskadronda müvəqqəti ezamiyyətdə olmuşdu. 1904-cü ilin 26 martından 6 sentyabradək Sibir hərbi dairəsinin ştabı yerləşən Omsk şəhərinə ezam edilmişdi. O, podyasavul rütbəsi ilə 20 noyabr 1904-cü ildə 1-ci Sunjen-Vladimir kazak alayına dəyişilmişdi. Alaya gəldikdən sonra, 27-si dekabrda 2-ci yüzlükdə xidmət etmişdi. 17 iyun 1905-ci ildə 1-ci yüzlüyə dəyişilmişdi. 16 dekabr 1905-ci ildə 2-ci Dağıstan atlı alayına göndərilmişdi. Ordan da 12 aprel 1906-cı ildə 44-cü Nijeqorod draqun alayına keçirilmişdi. 11 aprel 1907-ci ildə köhnə alayına qaytarılmışdı.

Şahverdi xan 1919-ci ildə Qazaxıstana sürgün olunmuşdur.

Ailəsi[redaktə | mənbəni redaktə et]

Şahverdi xan Ağca bəyim Məhəmməd ağa qızı Abraxanova ilə ailə qurmuşdu.

  • Atası Əbülfət ağa Ziyadxanov — Cavad xanın nəvəsi. 1843-cü ildə Gəncədə doğulmuşdur. Bəhmən mirzə Qovanlı-Qacarın qızı Azərhümayun xanım Qovanlı-Qacar ilə ailə qurmuşdu. İsmayıl xan, Şаhvеrdi хаn, Adil xan аdlı оğullаrı, Sultаn bəyim, Fəхritаc bəyim, Şirin bəyim, Хırdа bəyim, Qəmərtаc bəyim аdlı qızlаrı vаrdı.
  • Anası Azərhümayun xanım Qovanlı-QacarQacar şahzadəsi, xəttat. Azərhümayun xanım Bəhmən mirzə qızı Şuşa şəhərində anadan olmuşdu. Onu Şahzadə xanım kimi tanıyırdılar. Şahzadə xanım xəttat idi. Şаhzаdə хаnım Əbülfət ağa Ziyadxanov ilə аilə qurmuşdu. İsmayıl xan, Şаhvеrdi хаn, Adil xan аdlı оğullаrı, Sultаn bəyim, Fəхritаc bəyim, Şirin bəyim, Хırdа bəyim, Qəmərtаc bəyim аdlı qızlаrı vаrdı.

Mənbə[redaktə | mənbəni redaktə et]

  • Ənvər Çingizoğlu. Qacarlar və Qacar kəndi. Bakı: "Şuşa", 2008, 334 səh.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]