Şişli məscidi
| Şişli məscidi | |
|---|---|
| Şişli Camii | |
 | |
| Ölkə | |
| Yerləşir | Şişli |
| Tikilmə tarixi | 28 iyun 1949 |
| Üslubu | Osmanlı memarlığı |
| 41°03′41″ şm. e. 28°59′16″ ş. u.HGYO | |
 |
|
 Vikianbarda əlaqəli mediafayllar | |
Şişli məscidi (türk. Şişli Camii) — İstanbulun Şişli səmtində, Böyükdərə prospekti, Halaskargazi küçəsi və Abide-i Hürriyyət küçəsi arasında Şişli meydanında yerləşən məscid.[1][2]
Tarixi
[redaktə | vikimətni redaktə et]1940-cı illərdə İstanbul şəhərinin sürətli genişlənməsi ilə şəhər ərazisinə daxil olan Şişli bölgəsində heç bir məscidin olmaması səbəbindən sakinlər məscid tikilməsini tələb ediblər. Bələdiyyə sədri Lütfi Kırdarın təşəbbüsü ilə 3,219 $m^2$ (34,650 kv. fut) sahəsi olan torpaq sahəsi simvolik bir qiymətə məscidin mütəvəllilərinə (himayədarlarına) verilib. Memar Əli Vasfi Egeli tərəfindən klassik Osmanlı memarlıq üslubunda layihələndirilən məscidin tikintisinə 1945-ci ildə başlanılıb və 1949-cu ildə ibadətə açılıb.[3]
Bu məscid, İstanbulda 1923-cü ildən sonra, Respublika dövründə tikilmiş ilk məsciddir.[4]
Kobud dənəli qumdaşı (yonulmuş daş) materialından tikilən məscid üç qapısı olan hörülmüş həyətdə yerləşib. Bina tağlı giriş eyvanına malikdir, üç yarımbölmə ilə əhatə olunmuş əsas qübbə ilə tamamlanıb və müqərnəsli bir şərəfəsi (qalereyası) olan minarəyə sahibdir. Mıxlanmış əsas giriş qapısının üzərində Həmid Aytaç (1891–1982) tərəfindən yaradılmış ərəb qrafikalı xəttatlıq yazısı yerləşdirilib.[1] Həyətin mərkəzində dəstəmaz almaq üçün su paylayan onikibucaqlı şadırvan yerləşib.[4] Həyətdə həmçinin imam, müəzzin, digər məscid rəsmiləri üçün otaqlar və bir kitabxana mövcuddur. Məscidin girişinə pilləkənlərlə qalxılır. Daxildə, mərkəzdə mərmər fəvvarə var. Girişin hər iki tərəfində skamyalar qoyulub. Döşəmə qızılgül rəngli xalça ilə örtülüb və altdan isitmə sistemi ilə təchiz edilib. Tavan bəzədilib. Daxili divarlarda xəttatlıq yazıları var. Mərmərdən hazırlanmış mehrabın üzərindəki pəncərələr isə vitrajdan (rəngli şüşədən) hazırlanıb.[4]
Qalereya
[redaktə | vikimətni redaktə et]
Abide-i Hürriyyət küçəsindən məscidin görününşü (İyul, 2013)
Məscidin ön tərəfi
Girişdə yerləşən lövhə
Məscidin girişi və ön hissəsi (Oktyabr, 2021)
Çılçıraq ilə arxa tərəfdəki divar və qübbə detalları
Günbəzlərindən birinin daxili
Məscidin daxilində yerləşən fəvvarə
Mehrap
Alt mərtəbədə pəncərə
Qadınlar üçün bölmənin sütunlarında yer alan bir bəzək detalı
Qadınlar üçün bölmənin tavanlarında yer alan qələm işləmli ornamentlər
Xarici fasadda yerləşən rozetka motivi
İstinadlar
[redaktə | vikimətni redaktə et]- 1 2 "Tarihçemiz" (Turkish). Şişli Camii Şerifi Vakfı. 13 may 2019 tarixində arxivləşdirilib. İstifadə tarixi: 26 avqust 2014.
- ↑ "Arxivlənmiş surət". 23 dekabr 2014 tarixində arxivləşdirilib. İstifadə tarixi: 1 iyul 2026.
- ↑ "Arxivlənmiş surət". 29 dekabr 2020 tarixində arxivləşdirilib. İstifadə tarixi: 1 iyul 2026.
- 1 2 3 "Şişli Camii" (Turkish). İstanbul Net. iyun 2012. 13 may 2019 tarixində arxivləşdirilib. İstifadə tarixi: 26 avqust 2014.
Xarici keçidlər
[redaktə | vikimətni redaktə et]- Dünden Bugüne İstanbul Ansiklopedisi (Turkish). 7. Tarih Vakfı. 1994. 185. ISBN 975-7306-00-2.