Şişqayalı Bəhman

Vikipediya, açıq ensiklopediya
Jump to navigation Jump to search
Picto infobox auteur.png
Şişqayalı Bəhman
Süleymanov Bəhman İsa oğlu
Fotoqrafiya
İlk adı Bəhman
Təxəllüsü Şişqayalı
Doğum tarixi
20 yanvar 1941(1941-01-20)
Doğum yeri Şişqaya, Göyçə mahalı
Vəfatı 29 iyun 2002 (61 yaşında)
Atası İsa
Anası Şamama
Həyat yoldaşı Samaya
Uşaqları Elçin, Etibar, Müşviq,Elnur, Əfsanə, Rəqsanə
Vətəndaşlıq Flag of the Azerbaijan Soviet Socialist Republic.svg Azərbaycan SSR, Flag of Azerbaijan.svg Azərbaycan
Peşəsimuhəndis-geoloq
MilliyyətiAzərbaycanlı
İxtisası Geoloq
Əsərlərinin diliAzərbaycan dili

Şişqayalı Bəhman (tam adı: Süleymanov Bəhman İsa oğlu,d.20 yanvar, 1941, Göyçə mahalı, Şişqaya-v.29 iyun, 2002, Sumqayıt) — mühəndis-geoloq, müəllim, şair[Mənbə göstərin].

Həyatı[redaktə | əsas redaktə]

Şişqayalı Bəhman 20 yanvar 1941-ci ildə Göyçə mahalının Şişqaya kəndində anadan olmuşdur. Şişqaya kənd orta məktəbini medalla bitirmişdir. Bakı Dövlət Universitetinin filologiya fakultəsinə qəbul olsa da, kənddən bərabər gəldikləri dostlarının imtahanda kəsildiklərini görüb onlarla bərabər geri dönmüş və bir il sonra maddi vəziyyətini də nəzərə alaraq gündüz işləyib, axşam təhsil almaq məqsədi ilə Azərbaycan Sənaye İnstitutunun (indiki Neft Akademiyası) geoloji-kəşfiyyat fakultəsinin axşam şöbəsinə qəbul olmuşdur.

1961-1966-ci illərdə Bəxtiyar Vahabzadənin iştirakı ilə düzənlənən tələbə ədəbi cəmiyyətlərində aktiv iştirak etmiş və bir çox məşhur və gənc şairlərlə tanış olmuş, müxtəlif şeir məclislərində iştirak etmişdir. Ədəbi mühitlə sıx əlaqəli olsa da, həm maddi vəziyyəti həm də Bakı mühitində sıxılması onu ali təhsilini başa vurduqdan sonra doğma Göyçəyə qayıtmasına səbəb olmuşdur.

Bir müddət "Vardenis" rayon qəzetində işlədikdən sonra, Zod qızıl mədənində geolog işləmişdir. Erməni milliyətçiləri ilə tez-tez mübahisə və münaqişələri onu doğma kəndi Şişqayaya dönməsinə gətirib çıxarmışdır. 1980-ci ildən mənfur ermənilərin azərbaycanlıları dədə baba ocaqlarından deportasiya edənə qədər Şişqaya kənd orta məktəbində, daha sonra 1988-1992-ci illərdə Şəmkir rayonu Dağ Cəyir kənd orta məktəbində müəllim, 1992-1997-ci illərdə Binəqədi Neft Qaz çıxartma idarəsində mühəndis-geolog işləmişdir.

29 iyun 2002-ci ildə Sumqayıt şəhərində vəfat etmişdir.

Göyçə məclislərində şairin bir çox şeri dillər əzbəri olmuşdur. Şerlərinin çap olunmasını istəməməsi onun bir çox şerinin itməsi və ya unudulmasına səbəb olmuşdur. Ölümündən sonra 2003-cü ildə övladı Elçin Göyçə ədəbi mühitində və məclislərində, dövrü mətbuatda çap olunan yüzdən çox şerini toplayaraq "İstədim ki gülşənindən gül dərəm" şeir kitabını çap etdirmişdir.

Ailəsi[redaktə | əsas redaktə]

Samaya xanım ilə ailəli idi.

Uşaqları — Tibb xidməti mayoru Etibar Suleymanov, mühəndis-elektrik Müşviq Suleymanov, Prosses mühəndisi Elnur Suleymanov, kimya-biologiya muəllimi Əfsanə Suleymanova, İbtidai sinif muəllimi Rəqsanə Suleymanova və alim Elçin Süleymanov onun uşaqlarıdır.