Şimal könlücəsi

Vikipediya, azad ensiklopediya
Jump to navigation Jump to search
Şimal könlücəsi
Eptesicus nilssoni.jpg
Elmi təsnifat
Aləmi: Heyvanlar
Tip: Xordalılar
Yarımtip: Onurğalılar
Sinif: Məməlilər
Dəstə: Yarasalar
Fəsilə: Hamarburun yarasalar
Cins: Könlücələr
Növ: Şimal könlücəsi
Elmi adı
Eptesicus nilssonii
Keyserling & Blasius, 1839

Wikispecies-logo.svg
Vikinnövlərdə
təsnifat

Commons-logo.svg
Vikianbarda
axtar

ÜTMS [1]
NCBI {{{1}}}

Şimal könlücəsi (lat. Eptesicus nilssonii) — könlücələr (lat. Eptesicus) cinsinə aid yarasa növüdür.

Xarici görünüşü[redaktə | mənbəni redaktə et]

Orta ölçülü növdür (kütləsi 8,0 – 14,5 q, bədəninin uzunluğu 50 – 60 mm, quyruğun uzunluğu 39 - 47 mm, qulaqların uzunluğu 12 - 15 mm, bazusu 37,5 -43,0 mm-dir). Qulaqları nazik dərilidir. Qulağın qısa dəri çıxıntısının orta hissəsi enlidir. Qanadları nazik, ucları isə itidir. Xəzi sıx, nisbətən uzun və yumşaqdır. Bədənin üst hissəsində ikirəngli (qızılı çalarlı tünd qonur) alt hissəsidə noxudu bozdur.

Yayılması[redaktə | mənbəni redaktə et]

Bütün Şimal Avroasiyada yayılmışdır. Arealın cənubunda hər yerdə nadirdir. Azərbaycanda şimal yarasasına Masallı rayonunun Viləşçay ətrafında təsadüf edilmişdir[1].

Yaşayış yeri və həyat tərzi[redaktə | mənbəni redaktə et]

Biologiyası kifayət qədər öyrənilməmişdir. Tikililərin müxtəlif hissələri, az hallarda qaya və ağac koğuşlarının yarıqları onların yay sığınacaqları hesab olunur. Kiçik koloniyalar halında erkəklərdən ayrı yaşayan dişilər iyun-iyul əvvəlində iki bala verirlər. Ova çox tez, günəş batan kimi çıxırlar. Uçuşları sürətli və cəlddir. Uçuş zamanı tez-tez qanadlarını vurur və sərt dönüşlər edir.

Mağaralar, zirzəmilər, binaların müxtəlif hissələri, qayadakı dərin yarıqları onların qış sığınacaqları hesab olunur. Soyuğa yüksək dərəcədə davamlılığı sayəsində payızın axırına qədər fəal olur və başqa yarasalar üçün yararlı olmayan soyuq sığınacaqlarda belə qışlayırlar.

İstinadlar[redaktə | mənbəni redaktə et]

  1. Рахматулина И. К. Рукокрылые Азербайджана (Фауна, Экология, Зоогеография) // Баку, 2005

Mənbə[redaktə | mənbəni redaktə et]

  • Azərbaycan faunası. X hissə. Məməlilər. Bakı, Elm nəşriyyatı, 1978
  • Azərbaycanın heyvanlar aləmi. III hissə. Onurğalılar. Bakı, Elm nəşriyyatı, 2004

Xarici keçidlər[redaktə | mənbəni redaktə et]