Şirzad Əyyubov

Vikipediya, azad ensiklopediya
Jump to navigation Jump to search
Şirzad Əyyubov
Şirzad Şahbaz oğlu Əyyubov
Şirzad Əyyubov.jpg
bayraqAzərbaycan Milli Məclisinin III çağırış üzvübayraq
4 fevral 1996 — 30 noyabr 2005
bayraqŞamaxı rayonunun icra başçısıbayraq
18 noyabr 1992 — 10 noyabr 1993
Sələfi Əli Məmmədov
Xələfi Xudaverdi Lazımov
Şəxsi məlumatlar
Partiya
Təhsili
Doğum tarixi 1 yanvar 1953(1953-01-01) (68 yaş)
Doğum yeri

Şirzad Əyyubov (tam adı: Şirzad Şahbaz oğlu Əyyubov; 1 yanvar 1953(1953-01-01), Gəgəli, Ağsu rayonu) — azərbaycanlı dövlət və siyasi xadim, Azərbaycan Milli Məclisinin III çağırış üzvü, Şamaxı rayonunun icra başçısı (1992–1993).

Həyatı[redaktə | mənbəni redaktə et]

Şirzad Əyyubov 1953-cü il yanvar 1-də Ağsu rayonunun Gəgəli qəsəbəsində anadan olub. M. F. Axundov adına Azərbaycan Pedaqoji Rus dili və Ədəbiyyatı İnstitutunda ali təhsil alıb. Rus dilini bilir. 1995–2000-ci illərdə Müsavat Partiyasının üzvü və Müsavat Partiyası Şamaxı Rayon Şöbəsinin sədri olub.

Şirzad Əyyubov ailəlidir, 2 övladı var.

Fəaliyyəti[redaktə | mənbəni redaktə et]

Şirzad Əyyubov Azərbaycan Prezidenti Əbülfəz Elçibəyin 18 noyabr 1992-ci il tarixli 320 nömrəli Fərmanı ilə Şamaxı rayonunun icra başçısı vəzifəsinə təyin edilib. 1 il sonra isə o, Azərbaycan Prezidenti Heydər Əliyevin 10 noyabr 1993-cü il tarixli 20 nömrəli Fərmanı ilə Şamaxı rayonunun icra başçısı vəzifəsindən azad edilib.[1][2]

1996-cı il fevralın 4-də baş tutan Parlament seçimlərində 98 nömrəli Şamaxı dairəsindən Müsavat Partiyasının namizədi olan Şirzad Əyyubov I çağırış Milli Məclisin deputatı seçilib. 1996-cı il fevralın 4-dən səlahiyyətlərinin icrasına başlayan Şirzad Əyyubov Milli Məclisin Elm və təhsil məsələləri Daimi Komissiyasının və Azərbaycan—Belçiкa parlamentlərarası əlaqələr üzrə işçi qrupunun üzvü olub.[3][4]

Daha sonra 2000-ci il noyabrın 5-də baş tutan Parlament seçimlərində 98 saylı Şamaxı-Ağsu dairəsindən Müsavat Partiyasının namizədi olan Şirzad Əyyubov II çağırış Milli Məclisin deputatı seçilib. 2000-ci il noyabrın 12-dən səlahiyyətlərinin icrasına başlayan Şirzad Əyyubov Milli Məclisin Elm və təhsil məsələləri Daimi Komissiyasının və Azərbaycan—Qazaxıstan parlamentlərarası əlaqələr üzrə işçi qrupunun üzvü olub.[5][6] 2000-ci ildə Müsavat Partiyası İdarə Heyətinin qərarına əsasən Şirzad Əyyubov, partiyanın mövqeyinə zidd olaraq deputat mandatını qəbul etdiyi üçün Müsavat Partiyasının sıralarından xaric edildi.

İstinadlar[redaktə | mənbəni redaktə et]

  1. "Şirzad Şahbaz oğlu Əyyubovun Şamaxı rayonunun icra başçısı vəzifəsinə təyin edilməsi haqqında Azərbaycan Prezidenti Əbülfəz Elçibəyin 18 noyabr 1992-ci il tarixli 320 nömrəli Fərmanı" (az.)). 18.11.1992. 26.08.2020 tarixində arxivləşdirilib. İstifadə tarixi: 26.08.2020.
  2. "Şirzad Şahbaz oğlu Əyyubovun Şamaxı rayonunun icra başçısı vəzifəsindən azad edilməsi haqqında Azərbaycan Prezidenti Heydər Əliyevin 10 noyabr 1993-cü il tarixli 20 nömrəli Fərmanı" (az.)). 10.11.1993. 26.08.2020 tarixində arxivləşdirilib. İstifadə tarixi: 26.08.2020.
  3. "I çağırış Azərbaycan Milli Məclisinin Elm və təhsil məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 24 noyabr 1995-ci il tarixli Qərarı" (PDF) (az.)). 24.11.1995. 26.08.2020 tarixində arxivləşdirilib (PDF). İstifadə tarixi: 26.08.2020.
  4. "I çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 7 mart 1997-ci il tarixli 256-IQR nömrəli Qərarı" (az.)). 07.03.1997. 26.08.2020 tarixində arxivləşdirilib. İstifadə tarixi: 26.08.2020.
  5. "II çağırış Azərbaycan Milli Məclisinin Elm və təhsil məsələləri Daimi Komissiyasının üzvlərinin seçilməsi haqqında Azərbaycan Milli Məclisinin 30 noyabr 2000-ci il tarixli Qərarı" (PDF) (az.)). 30.11.2000. 24.08.2020 tarixində arxivləşdirilib (PDF). İstifadə tarixi: 24.08.2020.
  6. "II çağırış Azərbaycan Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Milli Məclisinin 30 noyabr 2000-ci il tarixli 24-IIQR nömrəli Qərarı" (az.)). 30.11.2000. 26.08.2020 tarixində arxivləşdirilib. İstifadə tarixi: 26.08.2020.