Şokçu (komiks)

Vikipediya, açıq ensiklopediya
Jump to navigation Jump to search
Şokçu
ing. Shocker
Shocker-comics.jpg
NəşriyyatFlag of the United States.svg Marvel Comics
Yayım tarixi"The Amazing Spider-Man" #46 (mart, 1967)
Yaradıcı(lar)Sten Li
Con Romita
Xüsusiyyətlər
Əsl adıGerman Şults
Doğum yeriNyu York
Cinsiyyətikişi
Boyu175 sm
Çəkisi79 kq
Göz rəngiqəhvəyi
Saç rəngiqəhvəyi
Növüinsan
VətəndaşlıqFlag of the United States.svg ABŞ
Təhsilimühəndis təhsili
Komiks bioqrafiyası
ÜzvlükləriMəşum altılıq
İldırımsaçanlar
Məşum sindikat
Muzdlu cinayətkarlar
PartnerləriTarakan
Bumeranq
DüşmənləriHörümçək-adam
Güclərişok əlcəkləri vasitəsilə elektrik buraxmaq qabiliyyəti
Silahlarışok əlcəkləri

Şokçu (ing. Shocker) — Marvel Comics tərəfindən yaradılan supercinayətkar personaj. Baş düşməni Hörümçək-adamdır. 2017-ci ildə MKK-ya daxil olan "Hörümçək-adam: Evə qayıdış" filmində Bukem Vudbayn tərəfindən canlandırılmışdır.

Nəşr olunma tarixi[redaktə | əsas redaktə]

Şokçu ilk dəfə 1967-ci ilin martında "The Amazing Spider-Man" komiksinin 46-cı buraxılışında peyda olmuşdur. Personajın yaradıcıları Sten Li və Con Romitadır.

"Thunderbolts" komiksinin 157-162 saylarında komandanı tərk edənədək görünmüşdür.

Bioqrafiya[redaktə | əsas redaktə]

"The Amazing Spider-Man" komiksinin 46-cı sayı (mart, 1967)

Əsl adı German Şultsdur. Nyu York şəhərində anadan olur. Orta məktəb təhsili alır və bununla yanaşı əla mühəndis və ixtiraçı bacarıqlarına yiyələnir. Qanunlara uyğun olaraq işləmək əvəzinə dünyanın ən yaxşı oğrusu və seyf qırıcısı olur. Nəhayət, polis tərəfindən tutulur və həbsə atılır. Həbsdə olduğu müddət ərzində özünə partlayış törədən xüsusi əlcəklər düzəldir.

Şults bu əlcəklərdən istifadə edərək həbsdən qaçır, Şokçu adını alaraq super cinayətkara çevrilir. Oğurluqla məşğul olarkən ilk dəfə Hörümçək-adam ilə qarşılaşır və onu məğlub edir. (Hörümçək-adam bu zaman əlverişsiz vəziyyətdə idi. Belə ki, Kərtənkələ[1] ilə döyüşdə onun sol qolu burxulmuşdu) Daha sonra Hörümçək-adam Şokçunu bank soyarkən məğlub edir və həbsxanaya geri yollayır. Belə ki, döyüş zamanı Hörümçək-adam Şokçunun əlcəklərini baş barmağı ilə işə saldığını görmüş, baş barmağına tor ataraq ona qalib gəlmişdir.[2]

Şokçu daha əvvəl Kinqpin tərəfindən oğurlanmış və üzərində gənclik formulunun yazılmış olduğu qədim daşı oğurlayır.[3] O, daha sonra Yumurtabaşın Bəla Ustaları komandasına qoşulur. (Radioaktiv adam, Pələng köpəkbalığı, Munston və Böcəklə birlikdə) Komanda Qisasçıları öz malikanələrində məğlub edirlər.[4] Şokçu nasist cinayətkar Baron van Lundt tərəfindən Dominik Fortunu və özünə şok alətləri düzəltmək üçün kirayələnir. Daha sonra Buqelemun və Çəkicbaş tərəfindən kirayələnərək Elektronu komandalarına qoşulmasına razı salmaq üçün göndərilir. Şokçu Nyu York Şəhər Kitabxanası[5] üçün pul toplayan xeyriyyə fondunu soyur. Yenə Hörümçək-adam tərəfindən tutulur və həbsə atılır.[6] Bumeranqla birlikdə həbsxanadan qaçır.

Hörümçək-adam ilə arasındakı düşmənçiliyi hələ davam edir. Müxtəlif vaxtlarda Hobqoblinin Məşum yeddilik, Norman Osbornun Məşum on ikilik, Doktor Səkkizayağın Məşum altılıq və Bəla Ustaları komandasına qoşulur və ya digər super cinayətkarlarla müttəfiq olur. Onun müttəfiq olduğu super cinayətkarlara Rayno, Hidro-adam, Bumeranq, Leyla Deyvis, Sürət şeytanı, Böcək (hamısı Məşum sindikat komandasının üzvləridir), Trapster, Constrictor aiddir. "İntiqam hərəkatı" zamanı super cinayətkarlarla birlikdə uğursuzluqla bitən Fantastik Dördlük hücumunda iştirak edir.[7]

Sonsuzluq müharibəsinə kömək etmək məqsədi ilə Şokçu Doktor Osminoq birlikdə Qisasçılar iqamətgahına basqın edir. Bu zaman Qalaktikanın mühafizəçiləri ilə də döyüşməli olur.

Digər mediada[redaktə | əsas redaktə]

"Lego Marvel Super Heroes" oyununda Şokçu personajı.

Televiziya[redaktə | əsas redaktə]

Göründüyü animasiya serialları:

  • "Hörümçək-adam və onun heyranedici dostları" (1981)
  • "Hörümçək-adam" (1994)
  • "Möhtəşəm Hörümçək-adam" (2008)
  • "Mükəmməl Hörümçək-adam" (2012)

Video oyunlar[redaktə | əsas redaktə]

Göründüyü video oyunlar:

  • "Spider-Man/X-Men: Arcade's Revenge"
  • "Spider-Man Animated Series"
  • "Spider-Man 2: Enter Electro"
  • "Spider-Man"
  • "Spider-Man 2"
  • "Ultimate Spider-Man"
  • "Marvel: Ultimate Alliance"
  • "Spider-Man: Web of Shadows"
  • "Marvel: Ultimate Alliance 2"
  • "Spider-Man: Edge of Time"
  • "Marvel Heroes"
  • "Lego Marvel Super Heroes"
  • "Marvel: Avengers Alliance"
  • "The Amazing Spider-Man 2"

İstinadlar[redaktə | əsas redaktə]

  1. The Amazing Spider-Man #44-45
  2. The Amazing Spider-Man #46
  3. The Amazing Spider-Man #72
  4. Avengers #228
  5. The Amazing Spider-Man #151-152
  6. Spectacular Spider-Man #157
  7. Fantastic Four #334

Xarici keçidlər[redaktə | əsas redaktə]