Şotlanlı (Ağcabədi)

Kənd
Şotlanlı
40°02′31″ şm. e. 47°10′02″ ş. u.
Ölkə	Azərbaycan
Rayon	Ağcabədi rayonu
Tarixi və coğrafiyası
Sahəsi	3.4 km²
Mərkəzin hündürlüyü	252 m
Saat qurşağı	UTC+4, yayda UTC+5
Əhalisi
Əhalisi	253 nəfər (2015)
Rəsmi dili	Azərbaycan dili
Rəqəmsal identifikatorlar
Poçt indeksi	AZ0433
Şotlanlı

Şotlanlı — Azərbaycan Respublikasının Ağcabədi rayonunun inzibati ərazi vahidində kənd.

Tarixi

Şotlanlı kəndi Ağcabədi rayonunda, Şərəfxanlı inzibati ərazi vahidində, rayon mərkəzindən 28 km məsafədə, düzənlik ərazidə yerləşən kənd. Bəzi arşdırıcılar Şotlanlı oykonimini səhvən kürd mənşəli şotlanlı tayfasının adı ilə bağlayırlar.Onlar bunu 1828-ci ildə imzalanmış "Türkmənçay" müqaviləsindən sonra Zilanlı tayfası ilə birlikdə Cənubi Azərbaycandan gəlmiş şotlanlıların əvvəlcə Zəngəzurda yaşamaları, XIX əsrin ortalarında isə onların bir hissəsinin Cahangir xanın başçılığı ilə Qarabağa (Ağdam və Ağcabədi rayonları ərazilərinə)gələrək burada yaşamaları ilə əsaslandırırlar.

Əhalisi

Əhalisinin sayı 286-(01.01.2007-ci il üçün) nəfərdir. Əhalinin əsas məşğuliyyəti heyvandarlıq,taxılçılıq, pambıqçılıqdır.Kəndin əsgəruşağı nəsli,bayramuşağılar, davudlular, şirinlilər,əliuşağılar, məcnunuşağılar, misirağlılar və başqa tayfaları vardır.

Toponimikası

Şotlanlı oykonimini hunların varisi olan qədim türk mənşəli şot-şatı etnonimi ilə əlaqələndirən tədqiqatçılar vardır.Toponimin tərkibindəki -lan komponenti "məskən", "Yurd" mənasındadır, -lı səkilçisi mənsubluq bildirir. Şotlanlı toponimini "dəvəli" yozumu ilə izah edənlər var.