Şuşa məhəllələri

Vikipediya, azad ensiklopediya
Jump to navigation Jump to search

Şuşanın bir şəhər kimi formalaşması 3 mərhələdən keçmişdir. Pənahəli xanın hakimiyyət dövrünü əhatə edən birinci mərhələdə şəhərin ən qədim məhəlləsi olan Təbrizli məhəlləsi salınmışdır. Qarabağ xanlığının ləğv olunmasına qədər bu adla tanınan məhəllə sonralar şəhərin relyefinə uyğun olaraq "Aşağı məhəllə" adlandırılmışdır. [1] Aşağı məhəllə də öz növbəsində 9 kiçik məhəllədən təşkil olunmuşdur. Şuşanın bir şəhər kimi formalaşmasının ikinci mərhələsi İbrahimxəlil xanın hakimiyyəti illərinə (1763-1806) təsadüf edir. Bu mərhələdə “Yuxarı məhəllə” adlanan ikinci məhəllə formalaşmışdı. Şəhərsalma üçün əlverişli olan “Aşağı məhəllənin” yerindən fərqli olaraq bu məhəllənin ərazisi nisbətən dağlıq olub sıx meşə ilə örtülmüşdü. Elə buna görə də tələbat yarandıqca ərazi meşələrdən təmizlənir və yerində küçələr salınırdı. Təxminən 40 il ərzində formalaşan “Yuxarı məhəllə”də 8 yeni məhəllə salınmışdı. [2] Şəhərin dağlıq ərazisində salınmış üçüncü məhəlləsinin tikintisi 1805-ci ildə Qarabağ xanlığı Rusiya tərəfindən işğal edildikdən sonra salınmağa başlamış və bütün XIX əsr ərzində davam etmişdi. On iki küçədən (məhəllədən) ibarət olan bu məhəllə Şuşanın ən çox əhali yaşayan məhəlləsi olmuşdu. Mirzə Yusif Qarabaği bu məhəllənin küçələri kimi Mehrili, Qazançalı, Ciləbörd, Dərə, Bağlar və başqalarının adlarını çəkir. [3]

Yuхarı məhəllə:

  1. Saatlı məhəlləsi
  2. Köçərli məhəlləsi
  3. Mamayı məhəlləsi
  4. Xoca Mərcanlı məhəlləsi
  5. Dəmirçilər məhəlləsi
  6. Hamamqabağı məhəlləsi
  7. Merdinli məhəlləsi
  8. Təzə məhəllə məhəlləsi

Aşağı məhəllə:

  1. Seyidli məhəlləsi
  2. Culfalar məhəlləsi
  3. Quyuluq məhəlləsi
  4. Çuхur məhəllə məhəlləsi
  5. Dördlər qurdu məhəlləsi
  6. Hacı Yusifli məhəlləsi
  7. Dörd çinar məhəlləsi
  8. Çöl qala məhəlləsi
  9. Qurdlar məhəlləsi (Şuşa)

Mənbə[redaktə | əsas redaktə]

  • Baharlı "Əhvalati-Qarabağ"

İstinadlar[redaktə | əsas redaktə]

  1. Şuşa- Qədim Azərbaycan diyarı, səh.4
  2. Şuşa- Qədim Azərbaycan diyarı, səh.4
  3. Mirzə Yusif Qarabaği. Tarixi-Safi. Qarabağnamələr. II kitab. səh.38