Əşir Bəşiroğlu

Vikipediya, azad ensiklopediya
Jump to navigation Jump to search
Əşir Bəşiroğlu
Şəkil yoxdur.jpg
İlk adı Əşir Bəşir oğlu Fətəliyev
Təxəllüsü Əşir Bəşiroğlu
Doğum tarixi 3 noyabr 1935(1935-11-03)
Doğum yeri Azərbaycan Azərbaycan,Aşağı Mollu, Qubadlı
Milliyyəti azərbaycanlı
Təhsili ali
İxtisası filoloq
Fəaliyyəti yazıçı
Mükafatları “Qızıl qələm” mükafatı

Əşir Bəşiroğlu - Azərbaycanlı şair, publisist, Azərbaycan Yazıçılar Birliyinin üzvü, “Qızıl qələm” mükafatı laureatı.

Əşir Bəşiroğlu (Fətəliyev Əşir Bəşir oğlu) 3 noyabr 1935-ci ildə Qubadlı rayonunun Aşağı Mollu kəndində kolxozçu ailəsində anadan olub. 1953-cü ildə Qubadlı rayon Xanlıq kənd orta məktəbini bitirib. 1954-1957-ci illərdə hərbi xidmətdə olub. 1958-1969-cu illərdə Sumqayıt şəhərindəki Alüminium zavodunda fəhlə, növbə rəisi və sex partiya komitəsinin katibi işləmişdir. Dəfələrlə Sumqayıt şəhər Sovetinin deputatı və konfrans nümayəndəsi seçilmişdir. İşdən ayrılmadan təhsilini davam etdirmişdir. O, əvvəlcə Bakı Statistika Texnikomunu, sonra isə V.İ.Lenin adına APİ-ni bitirmişdir. Elə həmin illərdə də Qubadlı rayonunun Aşağı Mollu kənd orta məktbində müəllim işləmişdir. İndi o məktəb Sumqayıt şəhrində yerləşir. 3 noyabr 1970-ci ildə Aşağı Mollu kəndindəki Qaçaq Nəbi adına kolxozun İdarə heyətinə sədr seçilmişdir. İşlədiyi müddətdə kolxoz keçici qırmızı bayraq, o özü isə fəxri fərman və döş nişanı ilə təltif olunmuşdur. 25 dekabr 1975-ci ildə səhhəti ilə əlaqədar olaraq işdən çıxmışdır. O, yenə də Aşağı Mollu kənd məktəbində müəllimlik etmişdir. Əşir Bəşiroğlu “Qızıl qələm”, “Xalqın nüfuzlu ziyalısı”, “Azərbaycan bayrağı”, “H.Z.Tağıyev”, “H.B.Zərdabi” və “Şərəf” media mükafatları fəxri diplomları ilə təltif olunmuşdur. Azərbaycan KİVİHİ-nin və Azərbaycan yazıçılar birliyinin üzvüdür. Şairin iri həcmli 13 kitabı nəşr olunub oxuculara təqdim edilmişdir. Onun əvvəlki kitabları oxucular tərəfindən rəğbətlə qarşılanmışdır.

Mənbə[redaktə | əsas redaktə]

  • "Cəsur qardaşlar" kitabı, Bakı: “Təknur” nəşriyyatı, 2013, səh. 2.