Əşrəf Əsgərov

Vikipediya, azad ensiklopediya
Jump to navigation Jump to search
Əşrəf Əsgərov
Əşrəf Əsgərov.jpg
Doğum tarixi 6 sentyabr 1945 (1945-09-06) (74 yaş)
Doğum yeri Ağyataq, Kəlbəcər rayonu, Azərbaycan SSR, SSRİ
Milliyyəti azərbaycanlı
Fəaliyyəti Mingəçevir Turizm Kollecində direktor müavini

Əsgərov Əşrəf Bayram oğlu - Mingəçevir Turizm Kollecində direktor müavini.

Həyatı[redaktə | əsas redaktə]

Əşrəf Əsgərov 6 sentyabr 1945-ci ildə Kəlbəcər rayonunun Ağyataq kəndində kəndli ailəsində anadan olub. Azərbaycan Dövlət Pedoqoji İnistutunun (keçmiş V.İ.Lenin adına APİ) Azərbaycan dili və ədəbiyyat fakültəsini bitirib. 1969-cu ildə təyinatla Mingəçevir şəhərinə gəlib, əvvəlcə 5 saylı fəhlə-gənclər orta məktəbində müəllim, dərs hissə müdiri, M.Davudova adına Mingəçevir Dövlət Dram Teatrında ədəbi hissə müdiri, 10 saylı orta məktəbdə müəllim işləyib. Sonra 1980-1981-ci illərdə 5 N-li səkkiz illik məktəbdə direktor olub. 1981-2005-ci illərdə 1 nömrəli (39 nömrəli) peşə məktəbində direktor işləyib. Peşə məktəbində direktor işləyən vaxtlarda 1998-2005-ci illərdə keçmiş San Marino adına BEAAM-ın və AMİ-nin Mingəçevir filialında dərs deyib. 1988-1994-cü illərdə Ermənistandan, Dağlıq Qarabağ ərazisindən və Özbəkistandan zorla çıxardılmış azərbaycanlıların problemləri ilə ciddi məşğul olub. Peşə məktəbində və Mingəçevir şəhərinin müxtəlif yerlərində onlara sığınacaq verib, məcburi köçkünlərin xeyli hissəsini işlə təmin edib. Peşə məktəbində işləyərkən rəhbərlik etdiyi kollektivin gücü ilə bugünkü Azərbaycan İES-in bloklarının tikintisində, həmin stansiyanın yaşayış binalarının, şəhərin məktəb, bağça,xəstəxana və s. tikintisində yaxından iştirak edib. 1977-ci ildə "Azərbaycan dili və ədəbiyyat dərslərində texniki təlim vasitələrindən necə istifadə edirəm" adlı elmi metodiki işi Moskvada Xalq Nailiyyətləri sərgisində nümayiş olunub. 1978-ci ildə Maarif Nazirliyinin Fəxri Fərmanına layiq görülüb, Mingəçevir şəhərinin 50 illiyi münasibəti ilə fəxri fərman alıb, Azərbaycan müəllimlərinin VIII qurultayının nümayəndəsi olub. Baş müəllim və ali kateqoriyalı ixtisas dərəcəsinə layiq görülən Ə.Əsgərov maraqlı hekayələr, elmi və publisist məqalələr müəllifidir. Respublika və şəhər mətbuatında dəfələrlə çıxış edib, fəal ictimaiətçidir. 1993-cü ildən YAP-ın üzvüdür.

Əsgərov Əşrəf Bayram oğlu eyni zamanda 2006-cı ildən Mingəçevir Turizm Kollecində direktor müavini vəzifəsində çalışır.

Mənbə[redaktə | əsas redaktə]