Əşrəf Abbasov

Əşrəf Abbasov
Əşrəf Abbasov
Ümumi məlumatlar
Doğum tarixi	23 mart 1920
Doğum yeri	Şuşa, Şuşa qəzası Azərbaycan Demokratik Respublikası
Vəfat tarixi	8 fevral 1992 (71 yaşında)
Vəfat yeri	Bakı, Azərbaycan
Uşağı	Cəlal Abbasov;
Musiqiçi məlumatları
Fəaliyyəti	bəstəkar
Təhsili	Şuşa şəhər məktəbi,; Moskva Dövlət Konservatoriyası (–1952),; Azərbaycan Dövlət Konservatoriyası (–1948);
Mükafatları	;

Bu məqalə azərbaycanlı bəstəkar haqqındadır. Azərbaycanlı şair və alim üçün Mollalar Əşrəf səhifəsinə baxın.

Əşrəf Cəlal oğlu Abbasov (23 mart 1920^[1], Şuşa, Gəncə quberniyası – 8 fevral 1992, Bakı) — Azərbaycan bəstəkarı, musiqişünas və pedaqoq, Azərbaycan SSR əməkdar incəsənət xadimi (1963), Azərbaycan SSR xalq artisti (1990), professor (1968), Azərbaycan Dövlət Konservatoriyasının rektoru (1953–1957).

Həyatı

Əşrəf Abbasov 1920-ci ildə Şuşa şəhərində anadan olmuşdur. Orta məktəbi tar ixtisası üzrə Şuşada bitirmişdir. 1948-ci ildə Azərbaycan Konservatoriyasını, 1952-ci ildə isə Moskva Dövlət Konservatoriyasının aspiranturasını bitirmişdir. Əşrəf Abbasovun fəaliyyətinin bir sahəsi də musiqi elmi ilə bağlı olmuşdur. Azərbaycan musiqisinin nəzəri problemlərini araşdıran tədqiqatçı-alim 1952-ci ildə Moskvada "Üzeyir Hacıbəyov və onun "Koroğlu" operası mövzusunda dissertasiya işini müdafiə edərək sənətşünaslıq namizədi alimlik dərəcəsinə layiq görülmüşdür.^[2]

1953–1957-ci illərdə Azərbaycan Dövlət Konservatoriyasının rektoru olmuşdur. 1957–1972-ci illərdə Bəstəkarlıq kafedrasının müdiri vəzifəsində çalışmışdır^[3].

Əşrəf Abbasov 1965-ci ildə ilk Azərbaycan uşaq baleti "Qaraca qız"ı yazmışdır. O, fortepiano və orkestr üçün konsertin (1946), simfonik orkestr üçün "Konsertino"nun (1948), "Şuşa" (1945), "Gələcək gün" (1952), "Dramatik" (1953) simfonik poemalarının, "Səndən mənə yar olmaz" (1963), "Dağlar qoynunda" (1970) operettalarının, bir çox instrumental əsərin xor mahnı, romansın müəllifidir.

Musiqi sahəsindəki xidmətlərinə görə 1963-ci ildə bəstəkara "Azərbaycanın Əməkdar incəsənət xadimi" fəxri adı verilmişdir.

1968-ci ildə Əşrəf Abbasova professor elmi rütbəsi verilmişdir.

Əşrəf Abbasov 1992-ci ildə Bakıda vəfat etmişdir.

Əsərləri

Orkestr əsərləri

“Kürdü” (1938) – Azərbaycan xalq çalğı alətləri orkestri üçün
Qızıl əsgər rəqsi (1941) – Azərbaycan xalq çalğı alətləri orkestri üçün
Rəqs süitası
Sevinc valsı (1950) – Azərbaycan xalq çalğı alətləri orkestri üçün
Uvertüra
“Şuşa” simfonik poeması (1946)
“Gələcək gün” (1952) simfonik poeması
“Dramatik” (1962) simfonik poeması
“Fraqmentlər” simfonik süitası
6 pyes – simfonik orkestr üçün
“Vals-rapsodiya” – simfonik orkestr üçün
“Konsertino” (1948) – simfonik orkestr üçün

Balet

Qaraca qız (1965) – Azərbaycanın ilk uşaq baleti

Operettalar

Səndən mənə yar olmaz (1963)
Dağlar qoynunda (1970)
Həyətim mənim – həyatım mənim (1977)

Mahnıları

Al bayraqdan almışam (1968 )
Atanın oğluna nəsihəti (1968)
Bahar gözəlləməsi (1954, romans) – A. Şaiqin “Fitnə” pyesindən
Baxdı mənə, baxdım ona (1971)
Ceyranbatan (1967, söz. H. Arif)
Ceyranım, gəl! (söz. H. Arif)
Ey Füzuli! (1972)
Gəncliyim, irəli! (1965)
Gözəl yar (söz. H. Arif)
Heyran olmuşam (1945,söz. M. P. Vaqif)
Qarabağın qızları (söz. T. Elçin)
Qurban olduğum (1967, söz. M. Müşfiq)
Oxu, bülbülüm! (1949,) – A. Şaiqin “Fitnə” pyesindən
Soldura bilməz (1968,)
Tarla gözəli (1968, söz. T. Elçin)
Yaxşı yol olsun! (söz. H. Arif)

^[4]

Mükafatları

"Azərbaycan SSR əməkdar incəsənət xadimi" fəxri adı — 18 may 1963
"Azərbaycan SSR xalq artisti" fəxri adı — 14 iyun 1990
"Şərəf nişanı" ordeni — 9 iyun 1959
2-ci dərəcəli "Vətən müharibəsi" ordeni — 11 mart 1985

İstinadlar

↑ Ashraf Dzhalal ogly, Ashraf Jalal oglu Abbasov // Musicalics (fr.).
↑ Mədəniyyət TV. "İlk uşaq baletinin müəllifi - Əşrəf Abbasov" (az.). Youtube.com. 09.02.2024. 2024-03-26 tarixində arxivləşdirilib. İstifadə tarixi: 2024-02-09.
↑ Mədəniyyət TV. ""Qarabağın məşhur müəllimləri" - Əşrəf Abbasov" (az.). Youtube.com. 20.12.2020. 2024-03-26 tarixində arxivləşdirilib. İstifadə tarixi: 2020-12-20.
↑ "Arxivlənmiş surət". 2022-09-24 tarixində arxivləşdirilib. İstifadə tarixi: 24.09.2022.

Mənbə

[_8da04b41009554a1-1] Ashraf Dzhalal ogly, Ashraf Jalal oglu Abbasov // Musicalics (fr.).

[2] Mədəniyyət TV. "İlk uşaq baletinin müəllifi - Əşrəf Abbasov" (az.). Youtube.com. 09.02.2024. 2024-03-26 tarixində arxivləşdirilib. İstifadə tarixi: 2024-02-09.

[3] Mədəniyyət TV. ""Qarabağın məşhur müəllimləri" - Əşrəf Abbasov" (az.). Youtube.com. 20.12.2020. 2024-03-26 tarixində arxivləşdirilib. İstifadə tarixi: 2020-12-20.

[4] "Arxivlənmiş surət". 2022-09-24 tarixində arxivləşdirilib. İstifadə tarixi: 24.09.2022.

[1]

[2]

[3]

[4]