Əbdülkərim Xarəzmi

Əbdülkərim Xarəzmi
Doğum tarixi	XV əsr
Doğum yeri	Şiraz, Mərkəzi bəxşi[d], Şiraz şəhristanı, Fars ostanı, İran
Fəaliyyəti	xəttat, şair
Fəaliyyət illəri	1478–1487
Vikianbarda əlaqəli mediafayllar

Əbdülkərim Xarəzmi (XV əsr, Şiraz) — Azərbaycan və İran şairi, xəttatı və alimi. O, Əbdürrəhman Xarəzminin oğlu və Əbdürrəhim Xarəzminin qardaşı idi.

Həyatı

Şirazda anadan olmuşdur, lakin cdadları Xarəzmdən olduğuna görə o, "Xarəzmi" ləqəbini seçmişdir. Məlumata görə, Əbdülkərim Xarəzminin həyatı daha çox Şirazda keçmişdir, lakin bəziləri bu fikirdədirlər ki, Əbdülkərim Xarəzmi Ağqoyunlu hökmdarı Yaqubun dövründə Təbrizdə yaşamışdır. Əbdülkərim Xarəzmi uşaqlıqdan xəttatlıqla məşğul olmuş, sonra bu sahədə şöhrət qazanmışdır. Onun qardaşı Əbdürrəhim Xarəzmi də istedadlı xəttat idi. "Gülistani xurt" kitabının müəllifi Qazı Əhmədin məlumatına görə, qardaşların xəttatlıq üslubu oxşar olmuşdur. Bu iki xəttat ataları Əbdürrəhman Xarəzminin xəttatlıq sənətində özlərinə ustad hesab edirdilər.

Yaradıcılıq

Əbdülkərim Xarəzmininin xəttatlıq əsərlərindən nümunələr qorunub saxlanılmışdır. Tarixi mənbələrə görə, Əbdülkərim Xarəzmi çoxlu tələbələr yetişdirmişdir ki, onlardan biri də xəttat və rəssam Məhəmməd Bəqquldur. Xarəzminin əsərləri İstanbul, Tehran, Sankt-Peterburq dövlət kitabxanalarında saxlanılır.