Əbdürrəhman Güləhmədov

Vikipediya, azad ensiklopediya
Jump to navigation Jump to search
Əbdürrəhman Güləhmədov
azərb. Əbdürrəhman Niyaz oğlu Güləhmədov
Doğum tarixi 25 iyul 1908(1908-07-25)
Vəfat tarixi

(-Şablondakı doğum və ya ölüm tarixində texniki yanlışlıq var!-00)

Elmi dərəcəsi kənd təsərrüfatı elmləri doktoru
Elmi adı professor

Əbdürrəhman Güləhmədov — Axısqa türkü, kənd təsərrüfatı elmləri doktoru, 1963-cü ildən professor, 1976-cı ldən Azərbaycan SSR EA müxbir üzvü, 1978-ci ildə Azərbaycan SSRİ Dövlət Mükafatına layiq görülmüşdü. 1956-cı ildən Azərbaycan SSR EA Torpaqşünaslıq və Aqrokimiya İnstitutu Mikroelementlər şöbəsinin rəhbəri olmuşdur. Azərbaycan SSR-in pambıqçılıq zonasında torpaqların azot, fosfor və kaliumla təmin olunması kartoqramını tərtib etmişdir. Torpağın aqrokim-yəvi tədqiqat üsullarını, həmçinin yerli xammal bazası əsasında kompleks gübrələrin yeni növlərinin alınma texnologiyasını işləyib hazırlamışdır.Respublikada ilk torpaq-aqrokimya xaritələrini tərtib etmişdir.

Əbdürrəhman Niyaz oğlu Güləhmədov 1908-ci ildə iyulun 25-də Borçalı mahalına qonşu Ahılkələk (Ağcaqala) rayonunun Kokya kəndində (köyündə) anadan olmuşdur. Uşaq ikən yetim qaldığı üçün natamam orta təhsilini Gəncə şəhərinin uşaq evində almışdır. Sonra Gəncə Kənd Təsərrüfatı Texnikumunun aqronomluq şöbəsini bitirmiş və Azərbaycan Elmi-Tədqiqat Pambıqçılıq İnstitutunda işləmişdr.

Əbdürrəhman Güləhmədov 1932-ci ildən etibarən həm də Azərbaycan Kənd Təsərrüfatı İnstitutunda aqrokimya fənnindən mühazirələr oxumaqla kadr hazırlığı işində yaxından iştirak etmişdir.

Ə.Güləhmədovun tədqiqatlarının ən aktual sahələrindən biri yeni növ gübrələrin istehsal texnologiyasının hazırlanması olmuşdur. O, yerli sənaye tullantılarından alınan yeddi növ polimikrogübrələrin və sənaye miqyasında 100 tonlarla istehsal edilən mikroelementləşdirilmiş istehsal texnologiyalarının müəllifi olmuşdur.

Uzun illər o, torpaqşünaslıq və aqrokimya ixtisası üzrə müdafiə şurasının və Ümumittifaq Kənd Təsərrüfatı Akademiyası Zaqafqaziya şöbəsinin torpaqşünaslıq, aqrokimya bölməsinin üzvü olmuşdur.

Mənbə[redaktə | əsas redaktə]

  • Sarvan M. Borçalı alimləri. Bakı, "Azərbaycan Milli Ensiklopediyası" nəşriyyatı, 2001, 510 s., s.20-22.
  • Sevil Piriyeva. Ahıska türkləri Azərbaycanda (tarixi, sosial-mədəni həyatı). Bakı, "Elm", 2005, 264 s., s.50-51.