Əbdürrəhman ibn Əbu Bəkr
| Əbdürrəhman ibn Əbu Bəkr | |
|---|---|
| ərəb. عبدالرحمن بن أبي بكر | |
| Doğum tarixi | 596 və ya 605 |
| Doğum yeri | |
| Vəfat tarixi | 675 (69–79 yaşında) |
| Vəfat yeri | |
| Həyat yoldaşları | |
| Atası | Əbu Bəkr |
| Anası | Ümmü Ruman bint Amir |
| Fəaliyyəti | alim |
Əbu Məhəmməd Əbdürrəhman ibn Əbu Bəkr əs-Siddiq ibn Əbi Quhafə əl-Qureyşi ət-Teymi (ərəb. عبدالرحمن بن أبي بكر; 596 və ya 605, Məkkə – 675, Məkkə) — Məhəmməd peyğəmbərin səhabəsi, Əbu Bəkrin oğlu, Aişənin qardaşı.[1]
Bioqrafiyası
[redaktə | vikimətni redaktə et]Anası Ümmü Rumandır. İslamın ilk illərində Bədr[2] və Uhud döyüşlərində bütpərəstlərin tərəfində vuruşub. Hudeybiyə Sülhü zamanı və ya daha çox yayılan rəvayətə görə Məkkənin fəthindən əvvəl[2] müsəlman olub. Əsl adı Əbdülkəbə olub, bu adı Peyğəmbər Əbdürrəhman olaraq dəyişdirib. Xeybər döyüşündə və sonrakı döyüşlərdə iştirak edib. Vida həccində Məhəmməd peyğəmbər tərəfindən Aişəyə ümrə etdirmək vəzifəsi ona tapşılıb. Peyğəmbərin xəstəlik dövründə də daim yanında olaraq xidmətində durub.
Ox atmaqda ustalığı və cəsarəti ilə tanınan Əbdürrəhman,[2] atasının xilafəti dövründə baş verən ridda hadisələrində Xalid ibn Vəlidin komandanlığı altında, xüsusilə Bəni Hənifə qəbiləsinə qarşı döyüşlərdə böyük qəhrəmanlıqlar göstərib. Ömərin dövründə də Şam fəthlərində iştirak etib. Cəməl döyüşündə Aişənin tərəfində vuruşub. Əlini dəstəkləyən Misir valisi olan qardaşı Məhəmmədin üzərinə yürüş edib. Qardaşının Muaviyə ibn Hudeyc tərəfindən öldürülməsinə mane olmayıb. Muaviyə ibn Əbu Sufyanın oğlu Yezidi varis təyin etməsinə Hüseyn, Abdullah ibn Zübeyr və Abdullah ibn Ömərlə birlikdə qarşı çıxıb və Yezidə beyət etməyib. Daha sonra Muaviyyənin beyət etməsi üçün göndərdiyi 100.000 dirhəmi də rədd edərək Məkkəyə qayıdıb.
Qureyşin ən yaxşı ox atanlarından biri olan Əbdürrəhman Məkkəyə 6 mil uzaqlıqdakı Hubşi (və ya Həbəşi) adlı yerdə vəfat etdi. Cənazəsi Məkkəyə gətirilib və orada dəfn olunub.
Hədis elmindəki yeri
[redaktə | vikimətni redaktə et]Əbdürrəhmandan təxminən səkkiz hədis rəvayət olunmuşdur ki, bunlardan üçü Buxari və Müslimin[2] "Səhih" əsərlərində, digərləri isə "Kütübi-sittə"nin digər kitablarında yer almışdır. Onun rəvayətlərini Əhməd ibn Hənbəlin "Müsnəd" əsərinin[3] bir hissəsində cəm şəkildə görmək mümkündür.
İstinadlar
[redaktə | vikimətni redaktə et]- ↑ "Abdurrahman bin Ebubekir". Archived from the original on 12 aprel 2025. İstifadə tarixi: 12 aprel 2025.
- 1 2 3 4 "عبدالرحمن بن أبي بكر". Archived from the original on 25 aprel 2025. İstifadə tarixi: 12 aprel 2025.
- ↑ İbn Hənbəl, Əhməd. əl-Musnəd (ərəb). I. 197–199.