Əbdürrəhman ibn Mehdi
| Əbdürrəhman ibn Mehdi | |
|---|---|
| ərəb. عبد الرحمن بن مهدي | |
 | |
| Doğum tarixi | 752[1] |
| Vəfat tarixi | 814[1] (61–62 yaşında) |
| Vəfat yeri | |
| Elm sahəsi | hədis |
| Tanınmış yetirmələri | Əhməd ibn İbrahim əd-Dəvrəqi, Yaqub əd-Dəvrəqi, Əhməd ibn Hənbəl, İshaq ibn Rəhaveyh, İbn Əbu Şeybə, Osman ibn Əbu Şeybə, Əbu Ubeyd Qasım ibn Səllam, Yəhya ibn Məin, Əli ibn Mədini, Zöhli |
Əbu Səid Əbdürrəhman ibn Mehdi ibn Həssan əl-Bəsri əl-Ənbəri (ərəb. عبد الرحمن بن مهدي; 752[1] – 814[1], Bəsrə) — hədis hafizi, fiqh alimi. O, təbəut-tabiin nəslinə və "sünnə"yə əsaslanan Mədinə fiqh məktəbinə mənsubdur.[2]
Bioqrafiyası
[redaktə | vikimətni redaktə et]İnci ticarəti ilə məşğul olduğu üçün ləqəbi "Lului"dir. Hicri 135-ci (752) ildə[3] Bəsrədə dünyaya gəldiyi güman edilir.[4]
Təhsil həyatına Quranı əzbərləyərək qədəm qoydu. 15 yaşından etibarən hədisə yönəldi. Şöbə, Malik ibn Ənəs, Süfyan ibn Uyeynə, Süfyan əs-Səvri kimi hədis və fiqh alimlərindən təhsil aldı.[2]
Ondan da Əhməd ibn Hənbəl, Yəhya ibn Main, İshaq ibn Rəhuyə, Abdullah ibn Mübarək kimi tanınmış alimlər hədis rəvayət etdilər.[2]
O, 796-cı ildə Bağdada köçdü. Burada dərslər verdi, hədis rəvayəti ilə məşğul oldu. Qüvvətli yaddaşa sahib, dəqiq və etibarlı hədis alimi idi. Yazmaqdan çox əzbərləməyə üstünlük verirdi. Əhməd ibn Hənbəl onun haqqında belə demişdir:
 |
Məchul bir ravidən rəvayət etsə belə höccətdir. |  |
O, mötəzilə və cəhmiyyənin görüşlərinə şiddətlə qarşı çıxırdı. Bəsrədə vefat etmişdir.[2][4]
İstinadlar
[redaktə | vikimətni redaktə et]- 1 2 3 4 Center for the Great Islamic Encyclopedia. Böyük İslam Ensiklopediyası (ing.). (İstifadə tarixi: 22 mart 2021).
- 1 2 3 4 Uğur, Mücteba. "Abdurrahman b. Mehdî". TDV İslâm Ansiklopedisi (türk). 1988. Archived from the original on 18 mart 2025. İstifadə tarixi: 24 sentyabr 2025.
- ↑ Zəhəbi, Şəmsəddin. Siyəru Aləmin-Nubəla (ərəb). IX. 193.
- 1 2 "عبد الرحمن بن مهدي". tarajm.com (ərəb). Archived from the original on 6 sentyabr 2025. İstifadə tarixi: 26 sentyabr 2025.