Əbu Sələmə ibn Əbdürrəhman ibn Əvf

Əbu Sələmə ibn Əbdürrəhman ibn Əvf
ərəb. أبو سلمة بن عبد الرحمن بن عوف‎
Doğum tarixi	642(0642) və ya 643(0643)
Doğum yeri	Mədinə, Raşidi xilafəti
Vəfat tarixi	712(0712) (68–70 yaşında) və ya 713(0713) (69–71 yaşında)
Vəfat yeri	Mədinə, Əməvilər xilafəti
Atası	Əbdurrəhman ibn Əvf

Əbu Sələmə (Abdullah) ibn Əbdürrəhman ibn Əvf əl-Qureyşi əl-Zöhri (ərəb. أبو سلمة بن عبد الرحمن بن عوف‎; 642 və ya 643, Mədinə – 712 və ya 713, Mədinə) — tabiin nəslinə mənsub hədis hafizi və fəqih. Bəziləri onu mədinəli yeddi fəqihin yeddincisi hesab edirlər.

Bioqrafiyası

Hicri 22-ci (642 və ya 643) ildə Mədinədə anadan olub. Nəsəb alimləri adının Abdullah olduğubu söyləyiblər. Atası Əbdürrəhman ibn Əvfdir. Anasının adı Tümədir. Südanası Ümmü Gülsüm bint Əbu Bəkr olmuşdur. Bu da ona Aişənin elmindən bəhrələnmə fürsəti vermişdir. Osman, Üsamə ibn Zeyd, Abdullah ibn Salam, Əbu Əyyub əl-Ənsari, Ümmü Sələmə, Ümmü Süleym, Əbu Hüreyrə, Muğirə ibn Şöbə onun elmindən bəhrələndiyi şəxslərdən bəziləridir. Ondan oğlu Ömər, Şəbi (Kufədə olarkən), Ömər ibn Əbdüləziz, Nafi, Zöhri, Yəhya ibn Səid əl-Ənsari, Yəhya ibn Əbu Kəsir, Hişam ibn Urvə kmi şəxslər hədis öyrəniblər. Əbu Sələmə hicri 94-cü (712 və ya 713) ildə Mədinədə vəfat etmişdir.