Əbu Züra ər-Razi
| Əbu Züra ər-Razi | |
|---|---|
| ərəb. أبو زرعة الرازي | |
 | |
| Doğum tarixi | 809, 816 və ya 815[1] |
| Doğum yeri | |
| Vəfat tarixi | 878[2] (61–69 yaşında) |
| Vəfat yeri | |
| Elm sahəsi | hədis elmi |
| Tanınmış yetirmələri | Əbu Hətim ər-Razi, Müslüm ibn Həccac, Əbu Əvanə əl-İsfərayni |
Əbu Züra Ubeydullah ibn Əbdilkərim ibn Yezid ər-Razi (809, 816 və ya 815[1], Rey, Tehran ostanı – 878[2], Rey, Tehran ostanı) — hədis hafizi və tənqidçisi.
Bioqrafiyası
[redaktə | vikimətni redaktə et]Hicri 194-cü (809-810) ildə anadan olub. "Muvatta"nı əzbərləyib. Kufə, Bəsrə, Misir, Cəzirə, Bağdad, Qəzvin, Nişabur və Şama elmi səyəhətlər edib. Hədis sahəsi üzrə Əbu Nuaym Fəzl ibn Dükeyn, Əhməd ibn Hənbəl, Rəbi ibn Süleyman əl-Cizi Əbu Sələmə ət-Təbuzəki, İbrahim ibn Musa əl-Fərra, İbn Əbu Şeybə və başqalarında bəhrələnib, onlardan yüz minlərlə hədis yazıb. Qiraət sahəsi üzrə isə Qalun, Xələf ibn Hişam və Duri kimi alimlərə tələbəlik edib. Sədi əl-Haşimi onun həyatını tədqiq etdiyi əsərində 580 müəlliminin adını qeyd edib.[3]
Ondan hədis rəvayət etmiş şəxslər arasında isə Hərmələ ibn Yəhya, Fəllas, Yunus ibn Əbdüləla əs-Sədəfi, Müslüm ibn Həccac əl-Quşeyri, İbn Varə, Tirmizi, Əbu Hətim ər-Razi, Əbu Züra əd-Dəməşqi, İbrahim əl-Hərbi, Abdullah ibn Əhməd ibn Hənbəl, Nəsai, Əbu Yalə öl-Mövsili, Təbəri, Əbu Əvanə əl-İsfərayini və İbn Əbu Davud kimi tanınmış alimlər vardır.
Əbu Züra ər-Razi hicri 264-cü (878) ildə Reydə vəfat edib.
Onunın dövrümüzə qədər gəlib çatmış yeganə əsəri "Kitabüd-Duafə vəl-kəzzabin vəl-mətrukin min əshabil-hədis" adlı kitabdır.[4]
İstinadlar
[redaktə | vikimətni redaktə et]- 1 2 Deutsche Nationalbibliothek Record #118981277 // Gemeinsame Normdatei (alm.). 2012—2016.
- 1 2 OpenITI corpus. OpenITI.
- ↑ Əl-Haşimi, Sədi. Əbu Züra ər-Razi və cühuduhu fis-sünnətin-nəbəviyyə (ərəb). I. Mədinə. 1989. 85–155.
- ↑ Kandemir, M. Yaşar. "Ebu Zur'a er-Razi". TDV İslâm Ansiklopedisi. 1994. 10 fevral 2026 tarixində arxivləşdirilib. İstifadə tarixi: 10 fevral 2026.