Ədalət Bəşirov

Vikipediya, açıq ensiklopediya
Jump to navigation Jump to search
Ədalət Bəşirov
azərb. Ədalət İsmayıl oğlu Bəşirbəyli
Doğum tarixi 15 yanvar 1957 (1957-01-15) (62 yaş)
Doğum yeri AğdamAzərbaycan
Vətəndaşlıq Flag of Azerbaijan.svg Azərbaycan
Peşəsi Alim
Fəaliyyəti Riyaziyyat

Ədalət Bəşirbəyli - texnika elmləri üzrə fəlsəfə doktoru. Rəşadət Bəşirovun, Bəşarət Bəşirovanın qardaşı

Həyatı[redaktə | əsas redaktə]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Ədalət Bəşirbəyli (Bəşirov) - texnika elmləri üzrə fəlsəfə doktoru. Rəşadət BəşirovunBəşarət Bəşirovanın qardaşı.

Ədalət İsmayıl oğlu Bəşirbəyli 15 yanvar 1957 ildə ziyalı ailəsində dünyaya gəlmişdir. Ağdam 2 saylı beynəlmiləl orta məktəbi bitirib, Kiyev Milli Mühəndislik Akademiyasında (Kiyev Politexnik İnstitutu) ali təhsil aldıqdan (1980) sonra Bakıda təyinatla Kosmik Elmi-Tədqiqatlar İnstitutunda işləmişdir. Aspiranturaya daxil olmuş və "Aerokosmik informasiyanın aqroekosistemin monitorinqində istifadəsi" mövzusunda 1988-ci ildə Sankt-Peterburq  (Leninqrad) şəhərində dissertasiya müdafiə edib, alimlik dərəcəsini almışdır.

Ədalət Bəşirbəyli AMAKA-da mühəndis, aparıcı mühəndis,  şöbə müdiri, aparıcı elmi işçi vəzifələrinə qədər yüksəlmişdir. Ədalət Bəşirbəyli elmi fəaliyyəti ilə yanaşı, Azərbaycan Dövlət Neft Akademiyasında “Aerokosmik informasiyanın  işlənməsi” fənnindən dərs demiş, konfrans və elmi simpoziumlarda çıxış etmişdir.

Ədalət Bəşirbəyli – texnika elmləri üzrə fəlsəfə doktoru olaraq, Kainatın qanunlarının müəllifidir, Kainatın Təkamül Nəzəriyyəsini yaratmış, qravitasiya dalğaları mövzusuna müraciət edərək, Plank ədədinin Təkamül Göstəricisi vasitəsi ilə Kainat boyu dəyişməsini göstərmişdir. ABŞ-da Vaşinqton və Luizana ştatlarında yaradılmış aLIGO rəsədxanasında 2015-ci ilin 14 sentyabrında qeydə alınmış GW150914 və 2015-ci ilin 26 dekabrında qeydə alınmış GW151226 iki qara dəliyin qravitasiya dalğalarının amplitudasının, Təkamül Göstəricisi vasitəsi ilə hesablanmış parametrik meyarlarla tutuşdurulmuş və onların cimmetrik olduqları göstərilmişdir.

Ədalət Bəşirbəyli neftçıxarmanın ekoloji yeni üsüllarını kəşf etmiş, ekosistemin məsafədən infraqırmızı diapazonda öyrənmışdır.  

Bundan başqa alternativ enerji sahəsində dəniz suyundan yanacaq qazının, habelə, hipoxlorit natrimun alınmasının müəlliflərindən biridir.

Ədalət Bəşirbəyli “Beynəlxalq Elm Jurnalının” (İnternauka) redkollegiyasının üzvüdür.

Ədalət Bəşirbəyli ictimaiyyətçi kimi fərqlənmiş, orta məktəbdə oxuyanda məktəb komsomol təşkilatı katibi, institutda təhsil aldığı müddətdə əlaçılar şurasının sədri, Kiyevdə təhsil alan azərbaycanlı Tələbələr Şurasının sədri olmuşdur.

Ədalət Bəşirbəyli "ADİS" Elmi-İstehsalat Birliyinin rəhbəridir.

Mənbə[redaktə | əsas redaktə]

  • Orxan Məmmədov(Baharlı). Ağdamın adlı-sanlı pedaqoqları, alimləri. Bakı, Sabah, 2001

Həmçinin bax[redaktə | əsas redaktə]