Ədalət Səfərəliyev

Vikipediya, açıq ensiklopediya
Jump to navigation Jump to search
Ədalət Səfərəliyev
Ədalət Səfərəliyev.jpeg
Ədalət Səfərəliyev

Doğum tarixi 1944(1944-Şablondakı doğum və ya ölüm tarixində texniki yanlışlıq var!-00)
Doğum yeri Laçın şəhəri
Vəfat tarixi 15 aprel 2018(2018-04-15)
Atası Nəriman
Vətəndaşlıq Flag of Azerbaijan.svg Azərbaycan
Peşəsi musiqiçi
Milliyyəti azərbaycanlı
Təhsili Azərbaycan Politexnik İnstitutu

Ədalət Səfərəliyev — Elektrik mühəndis, musiqiçi, Qarabağ müharibəsi iştirakçısı.

Həyatı[redaktə | əsas redaktə]

Səfərəliyev Ədalət Nəriman oğlu 1944-cü ildə Laçın şəhərində ziyalı ailəsində anadan olub.

1951-ci ildə Laçın şəhər orta məktəbinə daxil olub, 1961-ci ildə həmin məktəbi bitirib.

1962-ci ildə Azərbaycan Politexnik İnstitutunun (Azərbaycan Texniki Universiteti) avtomatika və Telemexanika fakültəsinin Elektron hesablama Maşınları şöbəsinə əyani daxil olub.

1963-cü ildə institutun 2-ci kursundan ordu sıralarına çağırılıb və 1966-cı ilədək Zenit artilleriyasında xidmət edib.

Ədalət Səfərəliyev 1976-cı ildə ailə həyatı qurub, 1 oğlu, 2 qızı və 3 nəvəsi var.

Fəaliyyəti[redaktə | əsas redaktə]

Ordudan tərxis olunduqdan sonra 1971-ci ildə institutu müvəffəqiyyətlə bitirərək EHM (elektron hesablama maşınları) üzrə Mühəndis – Elektrik ixtisası, eləcə də Artilleriyada atəşi idarəetmə bölməsinin komandiri ixtisası almış və ona ilkin Leytenant rütbəsi verilmişdir.

İnstitutu bitirdikdən sonra qrupdan 6 nəfər ÜEİB ZLQİİ KASKAD-a (Ümumittifaq Quraşdırma İşləri idarəsi Zakavkasiya layihə Quraşdırma İşləri idarəsi KASKAD) təyinat alırlar. Təyinat yerinə yetirdikdən sonra onları Moskvaya baş idarəyə - ÜEİB KLASKAD-a, oradan da Kazan EHM (Elektron hesablayıcı maşınlar) zavoduna kursa göndərirlər.

Onlar institutun yuxarı kurslarında oxuyarkən artıq Vilnys, Severodonetsk və Minsk EHM zavodlarında təcrübə (hər birində 3 ay) keçmişdilər. Ədalət diplom işini də əvvəllər təcrübə keçdiyi Vilynus EHM zavodunda oxuyan avtomatlardan (Çitayuşil avtomatı ) yazmış, əla qiymətlə müdafiə etmişdir.

Kazanda EHM-i zavodunda kursu bitirdikdən sonra onları EHM-i quraşdırıcıları (Naladçiki) kimi ilkin olaraq Moskvaya Kompleks Nəqliyyat problemləri Ümumittifaq Elmi Tədqiqat İnstitutuna göndərirlər. Orada işlərini başa çatdırdıqdan sonra keçmiş ittifaqın iri şəhərlərinin iri müəssisələrində həmin fəaliyyətlərini davam etdirirlər.

1972-ci ildə qrup Leninqrad Radio aparatları Ümumittifaq Elmi Tədqiqat İnstitutuna göndərirlər. Quraşdırma başa çatdıqdan sonra rəhbərlik qrupun bütün üzvlərinə daha əlverişli şərtlərlə müxtəlif laboratoriyalarda layihə işləri ilə məşğul olmaq təklif olunur. Təklif qəbul olunur və qrup müxtəlif laboratoriyalara bölünür. Qrupun hər bir üzvü böyük mühəndis vəzifəsində ayrı-ayrı laboratoriyalarda layihə işlərinə cəlb olunur.

Düşdüyü laboratoriyada Ədalətə təyyarələrin enmə-qalxmasını avtomatlaşdırmaq üçün yaradılacaq qurğuların lakatorla EHM-ın giriş qurğuları arasındakı sxemlərinin, platalarının hazırlanması tapşırılır və ona yaradılacaq ümumi sistemin işini öyrənmək məqsədi ilə ona müxtəlif sənədlər verilir və 1 ay müddətində onları öyrənib işə başlamaq tələbi qoyulur. Sənədlərdən öyrənir ki, təyyarələrin “Avtoatvetçik” adlanan ötürücülərindən onların uçuş parametrləri – bort nömrəsi, sürəti, hündürlüyü və ehtiyat yanacağın miqdarı haqqındakı məlumatlar Lokator vasitəsilə qəbul olunub idarəedici sistemin “ürəyi və başı” olan EHM-na ötürülür. Maşın bu göstəriciləri təhlil edərək müxtəlif istiqamətlərdən, müxtəlif parametrlərə malik, sayları enmə zolaqlarının sayından bir neçə dəfə çox olan enməyə gələn təyyarələrdən hansılarının növbə ilə enmə zolağına buraxılması haqqında hazır məlumatları enmə dispetçerinə ötürür və beləliklə dispetçer enişə gələn bütün təyyarələrin lazımı ardıcıllıqla tam təhlükəsiz enişini başa çatdırır. Hansı ki, boyuna qədər ən çox qəzalar enmə dispetçerinin səhvi ucbatından baş verirdi.

Bütövlükdə bu idarə sisteminin hazırlanması, sınaqdan çıxarılması 3 ilə yaxın vaxt aparıır. Sistemin ilk partiyası Leninqradın 2-ci yeni hava limanında quraşdırılır. Bütün yaradıcı heyət mükafata layiq görülür.

1975-ci ilin sonunda o vlideynlərinin təkidi ilə işdən çıxır.

Hələ tələbə ikən Ədalət 1-ci kursdan başlayaraq institutu bitirənədək Əməkdar incəsənət xadimi Nəriman Əzimovun rəhbərlik etdiyi, eləcə də dirijoru olduğu institut xalq çalğı alətləri orkestrində tarzən olaraq ən fəal üzvlərdən biri kimi fəaliyyət göstərib. Başqa kollektivlərdən fərqli olaraq orkestrin televiziya ilə həftədə 1 saatlıq bir başa yayınla konsertləri yayınlanırdı. Kollektiv bir çox konsert sonlarında bir çox məşhurları müşayiət edib.

Laçına qayıtdıqdan sonra ilk olaraq musiqi məktəbinə musiqi müəllimi, daha sonra müxtəlif müəssisələrdə elektrik mühəndisi işləyib.

Laçının işğalınadək olan son dövrdə Qubadlı elektrik şəbəkəsinin “Laçın” 110/35/10 kv-luq yarım stansiyasında rəis olub.

Qarabağ müharibəsində iştirakı[redaktə | əsas redaktə]

Müharibə başlayarkən hərbi komissarlıq tərəfindən ehtiyatda olan zabit kimi kapitan rütbəsində Laçın polkuna artilleriya bölməsinə komandir göndərilir.

Ədalət Sədərəliyev 15 aprel 2018-ci ildə vəfat etmişdir.

Mənbə[redaktə | əsas redaktə]