Ədalət Vəzirov

Ədalət Vəzirov
Ədalət Vəzirov
Ümumi məlumatlar
Doğum tarixi	27 aprel 1951
Doğum yeri	Divəzər, Xızı rayonu, Azərbaycan SSR, SSRİ;
Vəfat tarixi	5 oktyabr 2002 (51 yaşında)
Vəfat yeri	İstanbul, İstanbul ili, Türkiyə;
Dəfn yeri	Yasamal qəbiristanlığı;
Atası	Səfərəli Vəzirov
Musiqiçi məlumatları
Fəaliyyəti	musiqiçi
Fəaliyyət illəri	1974-2002
Janrlar	muğam, xalq mahnısı
Musiqi alətləri	kamança, kamança[d]
Mükafatları

Ədalət Səfərəli oğlu Vəzirov (27 aprel 1951, Divəzər, Xızı rayonu – 5 oktyabr 2002, İstanbul) — Azərbaycan musiqiçisi, kamança ifaçısı, Azərbaycan Respublikasının əməkdar artisti (1998).^[1]

Həyatı

Ədalət Vəzirov 27 aprel 1951-ci ildə Xızı rayonunun Dizəvər kəndində anadan olmuşdur.^[2] Bülbül adına Orta İxtisas Musiqi Məktəbində və Azərbaycan Dövlət Konservatoriyasında təhsil alıb.

O, 1974-cü ildə Moskvada keçirilən V Beynəlxalq Musiqi müsabiqəsinin qalibi olub. 1980-ci ildən Azərbaycan Dövlət Konservatoriyasında və Sumqayıt Musiqi Texnikumunda (2000–2002-ci illərdə direktor) müəllim işləyib, bir çox tanınmış musiqiçilər yetişdirib.

O, uzun müddət əməkdar artist Baba Salahovun rəhbərlik etdiyi xalq çalğı alətləri ansamblında, SSRİ Xalq Artisti Zeynəb Xanlarovanın rəhbərlik etdiyi ansamblda çalışmışdır. Bir çox xarici ölkələrdə — ABŞ, Kanada, İraq, Misir, Türkiyədə ifaçılıq sənətimizi yüksək səviyyədə nümayiş etdirib. Ədalət Vəzirov kamança ifaçılığından əlavə peşəkar fortepiano və qarmon ifaçısı idi.

Ədalət Vəzirov xalq mahnısı, rəqs, rəng və təsniflərini, muğamları mükəmməl ifa etmək, üçlükdə xanəndəni, tarzəni düzgün müşayiət etməklə yanaşı, Azərbaycan və dünya bəstəkarlarının əsərlərini yüksək səviyyədə ifa etmək bacarığına malik bir ifaçı olmuşdur.

Məşhur yəhudi kamança ifaçısı Mark Eliyahunun müəllimi olub.^[3]^[4]

5 oktyabr 2002-ci ildə İstanbulda ürək tutmasından vəfat edib.^[2] Yasamal qəbiristanlığında dəfn olunub.^[5]

Qardaşı da həmçinin musiqiçidir. Azərbaycan Respublikasının xalq artisti, qarmon ifaçısı Kamil Vəzirovdur.

Həmçinin bax

Ağaxan Abdullayev — Bayatı Kürd təsnifi (Firuz Əliyev — Tar, Ədalət Vəzirov — Kamança)[1]

İstinadlar

↑ ""Əməkdar artist" fəxri adının verilməsi haqqında AZƏRBAYCAN RESPUBLİKASI PREZİDENTİNİN FƏRMANI". E-qanun.az. 24 mart 2023 tarixində arxivləşdirilib. İstifadə tarixi: 19 mart 2024.
↑ ¹ ² "Как Адалят Везиров воспитал всемирно известного Марка Элияху, или Неожиданная смерть в гостинице (ВИДЕО, ФОТО)". Trend.az. 18 mart 2024 tarixində arxivləşdirilib. İstifadə tarixi: 19 mart 2024.
↑ "Всемирно известный музыкант: Баку сыграл важную роль в моей жизни". 4 iyun 2019 tarixində arxivləşdirilib. İstifadə tarixi: 6 iyun 2020.
↑ "Мировой виртуоз на кяманче Марк Элияху из Израиля покорил азербайджанцев". 6 iyun 2020 tarixində arxivləşdirilib. İstifadə tarixi: 6 iyun 2020.
↑ "O, qəlbini kamançanın çubuğuna "yedirirmiş"". Qafqazinfo.az. 18 mart 2024 tarixində arxivləşdirilib. İstifadə tarixi: 19 mart 2024.

Xarici keçidlər

Vəzirov Ədalət Səfərəli oğlu

[eqanun-1] ""Əməkdar artist" fəxri adının verilməsi haqqında AZƏRBAYCAN RESPUBLİKASI PREZİDENTİNİN FƏRMANI". E-qanun.az. 24 mart 2023 tarixində arxivləşdirilib. İstifadə tarixi: 19 mart 2024.

[trend-2] ¹ ² "Как Адалят Везиров воспитал всемирно известного Марка Элияху, или Неожиданная смерть в гостинице (ВИДЕО, ФОТО)". Trend.az. 18 mart 2024 tarixində arxivləşdirilib. İstifadə tarixi: 19 mart 2024.

[3] "Всемирно известный музыкант: Баку сыграл важную роль в моей жизни". 4 iyun 2019 tarixində arxivləşdirilib. İstifadə tarixi: 6 iyun 2020.

[4] "Мировой виртуоз на кяманче Марк Элияху из Израиля покорил азербайджанцев". 6 iyun 2020 tarixində arxivləşdirilib. İstifadə tarixi: 6 iyun 2020.

[mez-5] "O, qəlbini kamançanın çubuğuna "yedirirmiş"". Qafqazinfo.az. 18 mart 2024 tarixində arxivləşdirilib. İstifadə tarixi: 19 mart 2024.

[1]

[2]

[3]

[4]

[5]