Ədalət Vəzirov
| Ədalət Vəzirov | |
|---|---|
 Vəzirov Ədalət Səfərəli oğlu
|
|
| Ümumi məlumatları | |
| Doğum tarixi | 27 aprel 1951 Bakı |
| Vəfat tarixi | 10 may 2002 (51 yaşında) Bakı |
| Üslublar | xalq mahnısı, rəqs, rəng və təsniflərini, muğamları. |
| Peşəsi | kamança |
| Musiqi aləti | kamança |
| Fəaliyyət illəri | 1974-2002 |
| Mükafatları | Azərbaycan Respublikasının Əməkdar Artisti |
Ədalət Səfərəli oğlu Vəzirov - Azərbaycan kamança ifaçısı, Azərbaycan Respublikası Əməkdar Artisti.
Həyatı[redaktə | əsas redaktə]
Ədalət Vəzirov 27 aprel 1951-ci ildə Bakı şəhərində anadan olmuşdur. Bülbül adına Orta İxtisas Musiqi Məktəbində və Azərbaycan Dövlət Konservatoriyasında təhsil alıb.
O, 1974-cü ildə Moskvada keçirilən V Beynəlxalq Musiqi müsabiqəsinin qalibi olub. 1980-ci ildən Azərbaycan Dövlət Konservatoriyasında və Sumqayıt Musiqi Texnikumunda (2000-2002-ci illərdə direktor ) müəllim işləyib, bir çox tanınmış musiqiçilərlər yetişdirib.
O, uzun müddət əməkdar artist Baba Salahovun rəhbərlik etdiyi xalq çalğı alətləri ansamblında, SSRİ Xalq Artisti Zeynəb Xanlarovanın rəhbərlik etdiyi ansamblda çalışmışdır. Bir çox xarici ölkələrdə - ABŞ, Kanada, İraq, Misir, Türkiyədə ifaçılıq sənətimizi yüksək səviyyədə nümayiş etdirib. Ədalət Vəzirov kamança ifaçılığından əlavə peşəkar fortepiano və qarmon ifaçısı idi.
Ədalət Vəzirov xalq mahnısı, rəqs, rəng və təsniflərini, muğamları mükəmməl ifa etmək, üçlükdə xanəndəni, tarzəni düzgün müşayiət etməklə yanaşı, Azərbaycan və dünya bəstəkarlarının əsərlərini yüksək səviyyədə ifa etmək bacarığına malik bir ifaçı olmuşdur.
05 Oktyabr 2002-ci ildə vəfat edib.
Qardaşı da həmçinin musiqiçidir. Azərbaycan Respublikasının xalq artisti Kamil Vəzirovdur.
Həmçinin bax[redaktə | əsas redaktə]
- Ağaxan Abdullayev - Bayatı Kürd təsnifi (Firuz Əliyev - Tar, Ədalət Vəzirov - Kamança)[1]
| "Azərbaycan kino sənəti" portalı |
