Ədil bəy Mehmandarov
| Ədil bəy Mehmandarov | |
|---|---|
 | |
| Doğum tarixi | 1885 |
| Doğum yeri |
 Azərbaycan, Şuşa şəhəri |
| Vəfat tarixi | 1937, 48 yaşında |
| Vəfat yeri |
Azərbaycan, Bakı şəhəri. Dəfn yeri məlum deyil. |
| Vəfat səbəbi | repressiya qurbanı |
| Həyat yoldaşı | Zivər xanım Behbudova |
| Uşaqları | Mustafa Mehmandarov, Murad Mehmandarov, Sabir Mehmandarov |
| Atası | Kərim bəy Mehmandarov |
| Anası | Şahzadə Zərri xanım Qacar |
| Fəaliyyəti | mühəndis, pedaqoq, siyasətçi |
Ədil bəy Kərim bəy oğlu Mehmandarov — ziyalı, mühəndis, pedaqoq, Müsavat partiyasının aparıcı üzvü, repressiya qurbanı.
Həyatı[redaktə | əsas redaktə]
Ədil bəy Kərim bəy oğlu Mehmandarov 1885-ci ildə Şuşa şəhərində qədim, məşhur və ziyalı ailədə anadan olmuşdu. Ədil bəy tanınmış həkim, "Difai" təşkilatının Şuşa şöbəsinin sədri Kərim bəy Mehmandarovun və Fətəli şahın nəvəsi, Abbas Mirzənin oğlu Azərbaycan hakimi və taxt-tacın varisi Bəhmən Mirzə Qacarın qızı Zərri xanımın oğludur.
Ədil bəy Mehmandarov Şuşa şəhər real məktəbini bitirəndən sonra Bakı şəhərində feldşerlik kursunda oxumuşdu. Bir müddət Şuşa şəhər xəstəxanasında çalışmışdı. Sonra icə təhsilini dəvam etmək üçün Mehmandarov imperator II Aleksandrın rəsmi adı altında açılmış Kiyev Politexnik İnstitutuna daxil olmuşdur və mühəndislik bölmədənə oxumuşdı. Burda oxuyarkən Qafqaz Həmyerlilər Cəmiyyətinin üzvü olmuşdu.
Vətənə döndükdən sonra pedoqoji və ictimai-siyası fəaliyyətlə məşğul olmuşdu.
Azərbaycanda sovetləşmədən sonra qeyri-leqal fəaliyyət göstərən Müsavat partiyasının aparıcı şəxslərindən biri idi. Bununla bərabər, Şuşa bələdiyyəsində işləmiş şəhərın abadlığına çalışmışdı. Sonra Bakı şəhərində ticarət bankında müvəkkil işləmişdi. Voladarski adına tikiş fabrikində təchizat şöbəsinə başçılıq etmişdi. Ordan da Azərbaycan Ticarət nazirliyinin Topdansatış mərkəzi bazasına direktor müavini göndərilmişdi.
1927-ci ildə siyası fəaliyyətinə görə həbs edilmişdi. Bir müddət həbsdə yatandan sonra buraxılmışdı.
Həbsdən sonra müəllimliyə başlamışdı. Şuşa Pedoqoji Texnikumunda dərs demişdi.
Ədil bəy Mehmandarov 1930-cu ildə yenidən həbs olunaraq, 5 il cəza almışdı. Həbsdən azad olunandan sonra iş yerinə qayıtmışdı. 1937-ci ildə tutulub Bakıya aparılmış və güllələnmişdi.
Ailəsi[redaktə | əsas redaktə]
Ədil bəy Mehmandarov Zivər xanım Əli bəy qızı Behbudova (1906—1983) ilə həyat qurmuşdu.
Oğulları:
- Mustafa bəy Mehmandarov (1921—1942) — İkinci dünya müharibəsində itkin düşüb.
- Murad bəy Mehmandarov (1923—1989) — mühəndis, (Azərbaycan Dövlət Neft Akademiyası), Azərbaycan Respublikası Dövlət Neft Şirkətinin (SOCAR) Neftqazelmitədqiqatlayihə İnstitutunun şöbə müdiri.
- Sabir bəy Mehmandarov (1925—19..) — mühəndis, (Azərbaycan Dövlət Neft Akademiyası), Azərbaycan Respublikası Dövlət Neft Şirkətinin (SOCAR) Neftqazelmitədqiqatlayihə İnstitutunun şöbə müdiri.
Mənbə[redaktə | əsas redaktə]
- Ənvər Çingizoğlu. Mehmandarovlar. – ATŞC-nin xəbərləri, Bakı, 2002.
