Əfqanıstan milli futbol komandası

Vikipediya, azad ensiklopediya
Jump to navigation Jump to search
Əfqanıstan milli futbol komandası '
[[Şəkil:|150px|emblem]]
Ümumi Məlumat
Quruluş ili:
Məşqçi: Otto Pfister
Konfederasiya: AFC
Ən çox forma geyinmiş
oyunçu:
Zohib İslam Amiri (42)
Ən çox qol vuran
oyunçu:
Balal Arezou (9)
Forma Forma Forma
Forma
Forma
 
Ev
Forma Forma Forma
Forma
Forma
 
Səfər
Uğurları


Əfqanıstan milli futbol komandası (puştu دافغانستان ملی فوتبال ټیم) — Əfqanıstanı beynəlxalq futbol arenasında təmsil edən və Əfqanıstan Futbol Federasiyası tərəfindən idarə olunan milli komanda. Hazırda baş məşqçisi alman mütəxəssis olan Otto Pfisterdir[1].

Tarixi[redaktə | əsas redaktə]

Əfqanıstan milli futbol komandası, 1920-ci illər, Kabil, Əfqanıstan

Tarixi qədim olsa da Əfqanıstan milli futbol komandası bir çox illər ərzində fəaliyyətsiz olmuş[2]

Əfqanıstan milli futbol komandası (qırmızı formalı).

Əfqanıstan milli futbol komandası hələ 1922-ci ildən mövcud olmuşdur. Lakin ölkənin futbol federasiyası yalnız 1948-ci ildə FİFA-ya üzv ola bilib. 1954-cü ildə isə qurucu üzvlərdən biri kimi Asiya Futbol Konfederasiyasına qatılıb.

1996-2001-ci illərdə ölkədə hakim olan "Taliban" rejiminin təzyiqlərinə məruz qalan milli komanda rəsmi oyunlara çıxmayıb. Nəhayət, 2002-ci ildə Cənubi Koreyada keçirilən Asiya Oyunlarında iştirak edən milli komanda ilk matçında meydan sahibinə 0:2 hesabı ilə məğlub olub. Hazırda bosniya və herseqovinalı baş məşqçi Slaven Slekedziçin çalışdırdığı milli komanda FİFA-nın reytinq cədvəlində 134-cü pillədə yer alıb (2015 sentyabr). Bu siyahıda milli komandanın tarixində ən yüksək göstəricisi 2014-cü ilin aprel ayında qeydə alınmış 122-ci pillədir[3].

Baş məşqçi Otto Pfister

Əfqanıstan millisinin ən böyük uğuru 2013-cü ildə keçirilən Cənubi Asiya Kubokundakı çempionluqdur və bu, həddindən artıq çətin vəziyyətdə olan ölkə üçün dünya çempionluğuna bərabər nailiyyət hesab olunur. Elə həmin il 2013-cü ilin "Qızıl Top" mükafatının təqdimetmə mərasimində Əfqanıstan Futbol Federasiyasının təmsilçisinə FİFA-nın "feyr-pley" mükafatı verilmişdi[3].

Stadionu[redaktə | əsas redaktə]

"Qazi" stadionu

Əfqanıstan milli futbol komandasının ev oyunlarını keçirdiyi əsas stadion "Qazi" stadionudur. Ölkədəki 2-3 beynəlxalq stadiondan biri olan "Qazi" stadionu hazırda azarkeş tutumuna görə (30000 nəfər[4]) ölkənin ən böyük stadionudur. Burada ilk matç 1 yanvar 1941-ci il tarixində Əfqanıstan və İran milli komandaları arasında keçirilmiş və qarşılaşma 0:0 hesabı ilə başa çatmışdır.

2011-ci ildə meydança bərpa edilib - təbii ot örtüyü süni ot örtüyü ilə dəyişdirilib. Bunda əsas səbəb yay aylarında Əfqanıstanda havaların çox isti keçməsi, eləcə də içməli su problemi idi. 15 dekabr 2011-ci ildə isə Əfqanıstan Milli Olimpiya Komitəsi stadionda açılış mərasimi təşkil etdi. Sözügedən mərasimdə ABŞ-ın bu ölkədəki elçisi Ryan KrokerƏfqanıstan Milli Olimpiya Komitəsinin prezidenti Məhəmməd Zahir Əkbər kimi şəxslər vardı[3].

Stadiondan hazırda milli komanda ilə yanaşı, qonşu əyalət və ölkələrin qarşılaşmaları üçün də istifadə olunur[3].

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Otto Pfister, New Mentor For Afghanistan National Football Team - English - Middle East Press". middleeastpress.com. 12 February 2017. İstifadə tarixi: 9 May 2017.
  2. Qadiry, Tahir (September 22, 2012). "Roshan Afghan Premier League a hit with fans". BBC News. İstifadə tarixi: 2012-09-24.
  3. 1 2 3 4 Ürfan Məmmədzadə. Futbolun acıları unutdurduğu ölkə- YAZI. korner.az, 31.08.2015  (azərb.)
  4. Stampede in Kabul match. sports.ndtv.com, 25.07.2007  (ing.)

Xarici keçidlər[redaktə | əsas redaktə]

Vikianbarda Əfqanıstan milli futbol komandası ilə əlaqəli mediafayllar var.