Əfqan Cəbrayılov

Vikipediya, açıq ensiklopediya
Jump to navigation Jump to search
Əfqan Cəbrayılov
Əfqan Cəbrayılov.jpg
Doğum tarixi 1 iyun 1948(1948-06-01)
Doğum yeri Ələkçi, Laçın rayonu
Vəfat tarixi 13 mart 2010 (61 yaşında)
Vəfat yeri Qax
Vəfat səbəbi xərçəng xəstəliyi
Dəfn yeri Qax, Azərbaycan
Uşaqları Ramil, Orxan, Rəşad
Atası Novruz
Fəaliyyəti həkim

Cəbrayılov Əfqan Novruz oğluQarabağ müharibəsi zamanı böyük fədakarlıqlar göstərmiş, tanınmış həkim.

Həyatı[redaktə | əsas redaktə]

Əfqan Cəbrayılov 1948-ci il 1 iyunda Laçın rayonunun Ələkçi kəndində anadan olub. Əfqan Cəbrayılovun mənsub olduğu nəsil QarabağınZəngəzurun məşhur Qasımuşağı nəslidir. Bu nəslin görkəmli nümayəndələri həmişə Azərbaycanın ictimai-siyasi həyatında mühüm yerlər tutmuşlar. Xosrov bəy Sultanov, Sultan bəy Sultanov məhz Qasımuşağı nəslindəndir. 1918-1920-ci illərdə ermənilərin Qarabağa hücumlarının qarşısının alınmasında bu nəslin nümayəndələri igidliklə vuruşmuşlar.

Əfqan Cəbrayılov 1957-ci ildə Şamkənd kənd orta məktəbində birinci sinifə getmiş, beşinci sinifə qədər təhsilini bu məktəbdə davam etdirmişdir. Orta təhsilini 1967-ci ildə Mingəçevir şəhərində başa vurmuşdur. Elə həmin il Tibb İnstitunun (indiki Azərbaycan Tibb Universitetinin) Müalicə-profilaktika fakültəsinə daxil olmuş, 1973-cü ildə həmin institutu bitirmişdir.

1992-ci ilin 18 mayına, erməni silahlı qüvvələri Laçın rayonunu işğal edənə qədər Əfqan Cəbrayılov öz doğma obasında həkim kimi fəaliyyət göstərmişdir. 1992-ci ilin may ayından 1993-cü il 3 aprelinə kimi Qarabağ müharibəsi zamanı öz həkim köməyini əsgərlərimizdən və arxa cəbhə sakinlərindən əsirgəməmişdir.

Azərbaycanın Qax rayonunda məskunlaşmışdır. Həyatının sonuna qədər orada yaşamışdır.

13 mart 2010-cu ildə Qax rayonunda, xərçəng xəstəliyindən vəfat etmişdir.

Fəaliyyəti[redaktə | əsas redaktə]

1973-cü ildə ali təhsilini başa vuran gənc həkim 1 il interna keçir. 2 il sovet hərbi sıralarnda hərbi həkim kimi xidmət edir, ehtiyyatda olan kapitan rütbəsində tərxis olunur.

Əfqan Cəbrayılov 1976-cı ildə öz doğma yurduna - Laçın rayonuna qayıdır və Şamkənd xəstəxanasına baş həkim təyin edilir. Ə. Cəbrayılovun işlədiyi dövrdə əhaliyə xidmətləri yüksək səviyyədə olmuşdur. Rayon rəhbərliyi qarşısında məsələ qaldırmış, 1979-cu ildə yeni yetmiş beş çarpayılıq xəstəxananın tikilməsinə nail olmuşdur.

Əfqan Cəbrayılov SSRİ səhiyyə əlaçısı idi. "Sosializm yarışının qalibi", "Əməkdə fərqlənməyə görə", "Səhiyyə əlaçısı" medalları, Səhiyyə nazirliyinin və rayon mərkəzi komitəsinin fəxri diplomları ilə təltif olunmuşdur. Şəkli Laçın rayon "Şərəf lövhəsi"nin bəzəyi olmuşdur.

Qarabağ müharibəsində bir həkim kimi Əfqan Cəbrayılovun böyük xidmətləri olmuşdur. Hospitalların olmaması və ya çox uzaqda olduğuna görə dəfələrlə yaralıları müalicə etmişdir. 1992-ci ildə Laçın rayonunun mərkəzi hissəsi və bir çox kəndləri işğal olundu. Şamkəndin özünün müdafiə dəstələri kəndləri müdafiə etdilər, o zamanlarda həkim Cəbrayılov Laçında qalan yeganə həkim idi və AZTV vasitəsi ilə rayon rəhbərliyinə, ordu bölmələrinə Laçına qayıtmaları üçün müraciət etmişdir.

1993-cü il aprelin 3-də Kəlbəcərin işğalı zamanı Laçında yaşayan insanlar doğma yurdlarını məcburi tərk edərkən erməni quldurlarının mühasirəsinə düşdülər. Bu insanlar arasında Əfqan Cəbrayılov və həmkəndliləri də var idi. Mühasirədən azad olmaq üçün gedən vuruşlardan Əfqan Cəbrayılov sağ çıxsa da bir çox həmyerliləri şəhid oldu, bir çoxları isə əsir düşdülər.

Əfqan Cəbrayılov sonrakı fəaliyətini Qax rayonunda davam etdirdi. 1994-cü ildə Qax rayonunun Tasmalı kəndınə baş həkim təyin olunmuşdur. Yüksək bilik və bacarığina görə Qax rayonunda hörmət qazanmışdır. Rayonda ən çox müraciət olunan həkim və xəstəxana olduğuna görə Amerika şirkətinin Azərbaycan nümayəndiliyi tərəfindən yeni ambulator bina inşa edilmişdir.

Azərbaycanın hər bir rayonunda məskunlaşan laçınlılar Əfqan həkimə bir həkim kimi daim müraciət edirdillər.

Ə.Cəbrayılovun üç övladı var. Böyük və ortancıl oğlu hüquqşünas, kiçik oğlu həkimdir, atasının yolunu davam etdirir.