Əfqan Qorçuyev

Vikipediya, azad ensiklopediya
Jump to navigation Jump to search
Əfqan Qorçuyev
Əfqan Xanış oğlu Qorçuyev
Şəkil yoxdur.jpg
Doğum tarixi 20 aprel 1970(1970-04-20)
Doğum yeri Laçın rayonu
Vəfat tarixi 10 fevral 1994 (23 yaşında)
Vəfat yeri Füzuli rayonu, Mehdili kəndi
Vəfat səbəbi şəhid
Dəfn yeri Sumqayıt şəhəri, Şəhidlər Xiyabanı
Atası Xanış
Milliyyəti azərbaycanlı

Əfqan Qorçuyev - Qarabağ müharibəsi iştirakçısı, şəhid.

Həyatı[redaktə | əsas redaktə]

Əfqan Xanış oğlu Qorçuyev 1970-ci il aprelin 20-də Laçın rayonunun Güləbird kəndində anadan olub. 1977-1978-ci illərdə Güləbird kənd orta məktəbində təhsil alıb. Əfqan əla müvəffəqiyyətinə və nümunəvi davranışına görə 1 sentyabr 1980-ci ildə Respublika Təhsil Nazirliyinin 18 nömrəli tərifnaməsi ilə təltif edilib.

1988-1990-cı illərdə hərbi xidmətdə olub. 1990-cı ildə ordudan tərxis olunduqdan sonra Laçın rayonuna qayıdıb, rayondakı RTS-də sürücü işləyib.

1994-cü il yanvarın 1-də Laçın Rayon Polis Şöbəsində işə düzəlib. Füzuli rayonu ərazisində gedən döyüşlədə iştirak edir. Horadiz kəndi ətrafındagedən döyüşlərdə igidliklə vuruşub. Əfqanın qardaşı Qorçuyev Həbib Xanış oğlu 1990-1993-cü illərdə erməni təcavüzkarları ilə gedən döyüşlərdə iştirak edib. 1993-cü il Qubadlı işğal olanda ağır yaralanıb və II qrup əlil olur. Əfqanın yaxşı səsi var idi və o, döyüşlərdən sonra həmişə məlahətli səsi ilə kollektiv önündə çıxış edərdi.

1994-cü il fevralın 10-da Əfqan Füzuli rayonu Mehdili kəndində gedən döyüşlərdə şəhid olub. Ailəli idi, iki övladı yadigar qalıb.

Məzarı Sumqayıt şəhərindəki Şəhidlər Xiyabanındadır

Mənbə[redaktə | əsas redaktə]