Əhməd Əhmədov (geoloq)

Vikipediya, açıq ensiklopediya
Jump to navigation Jump to search
Əhməd Əhmədov

Əhməd Mahmud oğlu Əhmədov

Ahmadov Ahmad Mahmud oglu
Ahmadov.jpg
Doğum tarixi 8 fevral 1910(1910-02-08)
Doğum yeri Zərdab rayonu, Azərbaycan SSR, SSRİ
Vəfat tarixi 30 avqust 1988 (78 yaşında)
Vəfat yeri Bakı, Azərbaycan SSR, SSRİ
Vətəndaşlıq

Əhmədov Əhməd Mahmud oğluazərbaycanlı neftçi-geoloq. Onun neft və qaz yataqlarının axtarışı və kəşfiyyatına, yataqların səmərəli işləməsinə dair tədqiqat işləri, fikirləri nəşr olunmuş 80-dən artıq məqalədə və monoqrafiyada öz əksini tapmış, bilavasitə iştirakı və rəhbərliyi ilə Neft daşları, Sanqaçal dəniz, Qaradağ, Kürovdağ, Mişovdağ, Kürsəngi, Qarabağlı və s. kimi neft, qaz kondensat yataqları kəşf olunmuş və sənaye miqyaslı işlənməyə daxil edilmişdir.

Həyatı[redaktə | əsas redaktə]

Əhməd Əhmədov 1910-ci il 8 fevralda Zərdab rayonunda anadan olmuşdur. 13 yaşında valideynlərini itirmiş, uşaqlıq və gənclik illəri çox ağır keçmişdir. 1933-cu ildə Azərbaycan Sənaye İnstitunun (indiki ADNSU) geoloji-kəşfiyyat fakültəsini bitirdikdən sonra istehsalatda mühəndis-geoloq vəzifəsindən başlayaraq Azərbaycan SSR-in Neft Hasilatı Sənayesi Nazirliyinin Baş geoloqu vəzifəsinə qədər yüksəlmişdir.

Ə.Əhmədov ölkənin siyası-iqtisadi həyatında fəal iştrak etmiş, dəfələrlə rayon, Bakı şəhəri və Respublika Ali Sovetlərinə deputat seçilmiş, yüksək dövlət mükafatlarına, orden və medallara layiq görülmüşdür.

30 avqust 1988-ci ildə Bakı şəhərində vəfat etmişdir.