Əhməd Əhmədzadə (sədr)

Vikipediya, azad ensiklopediya
Jump to navigation Jump to search
Əhməd Əhmədzadə
Əhməd Əhmədzadə.jpg
bayraqAzərbaycan Meliorasiya və Su Təsərrüfatı ASC-nin sədribayraq
2006 — 2021
Xələfi Zaur Mikayılov
bayraqKənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktorubayraq
2004 — 2006
bayraqAzərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədribayraq
1993 — 2004
bayraqQuba rayonu İcra Hakimiyyətinin başçısıbayraq
1991 — 1992
bayraqŞəki şəhər Partiya Komitəsinin birinci katibi, Şəki rayonu Xalq Deputatları Sovetinin sədribayraq
1991 — 1991
bayraqŞamxor (Şəmkir) rayon Partiya Komitəsinin birinci katibibayraq
1987 — 1991
Sələfi Əjdər Əsədov
bayraqFüzuli rayon Partiya Komitəsinin birinci katibibayraq
1980 — 1987
Xələfi Cavanşir Məmmədov
bayraqAbşeron rayonu Xalq Deputatları Soveti İcraiyyə Komitəsinin sədribayraq
1978 — 1980
Şəxsi məlumatlar
Partiya КПСС.svg Kommunist partiyası
Təhsili Azərbaycan Texniki Universiteti
Doğum tarixi 7 yanvar 1945(1945-01-07) (76 yaş)
Doğum yeri Qaxmuğal, Qax rayonu, Azərbaycan SSR, SSRİ
Atası Cuma Əhmədzadə

Təltifləri 1-ci dərəcəli "Əmək" ordeni — 2020 "Şöhrət" ordeni "Azərbaycan Xalq Cümhuriyyətinin 100 illiyi (1918-2018)" yubiley medalı
Commons-logo.svg Vikianbarda əlaqəli mediafayllar

Əhməd Cuma oglu Əhmədzadə (7 yanvar 1945(1945-01-07), Qax) — Azərbaycan Respublikası Meliorasiya və Su Təsərrüfatı Açıq Səhmdar Cəmiyyətinin sədri (2006-2021).[1]

Həyatı və fəaliyyəti[redaktə | əsas redaktə]

1945-ci ildə Qax rayonunun Qaxmuğal kəndində anadan olmuşdur. 1961-ci ildə 1 saylı orta məktəbi və 1966-cı ildə Azərbaycan Politexnik İnstitutunu bitirərək mühəndis-hidrotexnik ixtisasına yiyələnmişdir. 1976-1978-ci illərdə keçmiş Sov.İKP yanında İctimai Elmlər Akademiyasında ali partiya-siyasi təhsili almışdır.

Əmək fəaliyyətinə 1961-ci ildə 11 saylı Bakı şəhər Tikinti İdarəsində fəhlə kimi başlamış, 1966-cı ildə Azərbaycan Elmi-Tədqiqat Hidrotexnika və Meliorasiya İnstitutunda böyük mühəndis, 1967-1975-ci illərdə Qax Suvarma Sistemləri İdarəsində böyük mühəndis, idarənin rəisi vəzifələrində işləmişdir. 1975-1976-cı illərdə Qax rayonu Xalq Deputatları Soveti İcraiyyə Komitəsinin sədri olmuş, 1978-1980-ci illərdə Abşeron rayonu Xalq Deputatları Soveti İcraiyyə Komitəsinin sədri, 1980-1987-ci illərdə Azərbaycan KP Füzuli rayonu RK-nın birinci katibi, 1987-1991-ci illərdə Azərbaycan KP Şəmkir rayonu RK-nın birinci katibi, 1991-ci ildə Şəki şəhər Partiya Komitəsinin birinci katibi, Şəki rayonu Xalq Deputatları Sovetinin sədri, 1991-1992-ci illərdə Quba rayonu İcra Hakimiyyətinin başçısı vəzifələrində işləmişdir. 1981-1995-cı illərdə Azərbaycan Respublikası Ali Sovetinin deputatı seçilmişdir.

1993-2004-cü illərdə Azərbaycan Respublikası Nazirlər Kabineti yanında Meliorasiya və Su Təsərrüfatı Komitəsinin sədri, 2004-2006-cı illərdə Kənd Təsərrüfatı Nazirinin birinci müavini, Kənd Təsərrüfatı Nazirliyi yanında Dövlət Meliorasiya və Su Təsərrüfatı Agentliyinin baş direktoru, 2006-2021-ci illərdə Azərbaycan Meliorasiya və Su Təsərrüfatı Açıq Səhmdar Cəmiyyətinin sədri vəzifələrində çalışmışdır. Respublika Dövlət Aqrar İslahatı Komissiyasının üzvü, Fövqəladə Hallar üzrə Dövlət Komissiyasının sədr müavini olmuşdur.

Təltifləri[redaktə | əsas redaktə]

Azərbaycan Respublikasının orden və medalları, Azərbaycan Respublikası Ali Soveti Rəyasət Heyətinin Fəxri Fərmanı ilə təltif olunub.

Respublikanın meliorasiya və su təsərrüfatının inkişafı sahəsindəki xidmətlərinə görə 2015-ci ildə Azərbaycan Respublikası Prezidentinin Sərəncamı ilə "Şöhrət" ordeni, "Əməkdar mühəndis" fəxri adına, 2019-cu ildə Azərbaycan Xalq Cümhuriyyətinin 100 illiyi münasibətilə "Cümhuriyyət medalı"na və 2020-ci ildə meliorasiya və su təsərrüfatı sahəsində uzunmüddətli səmərəli fəaliyyətinə görə 1-ci dərəcəli "Əmək" ordeninə layiq görülüb.

Ailəsi[redaktə | əsas redaktə]

Ailəlidir, üç övladı var.

İstinadlar[redaktə | əsas redaktə]

  1. "Əhməd Əhmədzadə vəzifəsindən azad edilib". report.az (azərb.). Report İnformasiya Agentliyi. 2 aprel 2021. İstifadə tarixi: 4 aprel 2021.