Əhməd əl-Qəzzali

Əhməd əl-Qəzzali
ərəb. أحمد الغزّالي‎
Əhməd Qəzzalinin öz tələbəsi ilə söhbəti əks etdirən təmsili miniatür
Doğum tarixi	XI əsr
Doğum yeri	Tus, İran
Vəfat tarixi	1126(1126)
Vəfat yeri	Qəzvin, Qəzvin şəhristanı, Qəzvin ostanı, İran
Dəfn yeri	Qəzvin
Tanınmış yetirməsi	Əbun-Nəcib Sührəvərdi

Məcdəddin Əbül-Fütuh Əhməd ibn Məhəmməd əl-Qəzzali (ərəb. أحمد الغزّالي‎; XI əsr, Tus – 1126, Qəzvin) — Əbu Həmid əl-Qəzzalinin qardaşı, vaiz və sufi.

Bioqrafiyası

Tusda anadan olub. İlk təhsilini burada alıb. Atası ilə birlikdə sufi məcsillərində iştirak edib. Şafii fiqhi təhsili alıb. Bağdada gedərək qardaşının yerinə Nizamiyyə mədrəsəsində dərs deyib. Sonra təsəvvüfə yönəlib. Müxtəlif yerlərə səfər edərək sufilərə xidmət edib. Əbül-Qasım əl-Cürcaninin müridlərindən Əbu Bəkr ən-Nəssacın söhbətlərində iştirak edib. Qəzvində vəfat edib.

Əsərləri

• Səvanihül-uşşaq. Mözvusu eşq olan Əhməd Qəzzalinin ən mühüm əsəri (nəşr. H. Ritter, İstanbul: 1942).

• Lübəbül-İhya. Əbu Həmid əl-Qəzzalinin "İhyau ülumid-din" əsərinin ilk xülasəsi.

• Bəvariqul-ilmə. Bu əsərdə səmanın haram olduğunu iddia edənlərin görüşləri rədd edilir. Bu əsər J. Robson tərəfindən "Tracts on Listening to music" (London: 1938) adı altında ingilis dilinə tərcümə edilmişdir.

• ət-Təcrid fi tərcəmətit-tövhid. Bu əsəri "ət-Təfrid fi tərcəmətit-Təcrid" adı altında türk dilinə tərcümə edilib. (tərc. M. Fövzi, İstanbul: 1285).

• əz-Zahirə fi ilmil-bəsirə.

• Sirrul-əsrar və təşkilül-ənvər.

• Həvassüt-tövhid. Bu son əsəri, tələbəsi Səid ibn Faris əl-Lübbəninin tərəfindən toplanmış onun moizələridir.